Wedding planner R.H

ماتستغربوش من البنت اللي بترفض عريس جاهز ولقطه زي ما بيقولوا ،، بداعي انها مش مرتاحه و حاسه انه مش مناسب
هي مش معقده ولا متدلعه بالعكس هي بتختار بـ احساسها اكتر من عقلها
سيدنا عمر بن الخطاب ( رضي الله عنه ) ذهب للسيده عائشه علشان تتوسط له عند ام كلثوم بنت آبي بكر علشان يتجوزها

تخيلو رأي ام كلثوم !
امير المسلمين ذات نفسه طالب ايدها
قالت مالي و عمر انه خشن العيش انا اريد رجل حنون يصب عليا الحب صبا :)
مقالتش ده امير المؤمنين ده هلاقي زيه فين رفضته عشان شافته مش مناسب ليها
وبعد كده تزوجت طلحه بن عبدالله بـ ارادتها
وحبها وحبته حب شديد بالرغم انه كان رجل حرب لكن كان حنون جدا معاها ❤️
اختاري الصح اختاري اللي يكملك اختاري بقلبك
اللهم خير سند في الدنيا ورفيقاً في الجنه والآخره :)
#متستعجليش

💍💐
اتجوزوا علي فكره الجواز حلو اوي بجد هما بس بيحكيلكم عن المشاكل والارهاق والتعب بيحكوا بس عن شيل الهم والظروف والايام الصعبه مش بيحكلكم عن المواقف الحلوة اللي بينهم ولا عن الحضن اللى بيطمن .

مش بيحكوا عن الضحك وقت الهزار بينهم ولا عن خوف كل واحد فيهم علي التاني وقت التعب مش بيحكوا عن التفاصيل الحلوه الي مش بتتنسي ولا عن معاكسته ليها وهي مدايقه .

ولا عن التلاكيك الي بتيجي وقت الخصام علشان يجرو كلام معا بعض ، مش بيحكوا عن سندهم لبعض وقت الشدائد بيذكرو بس الوحش.

بيحكوا عن تعب الولاده بس مش بيحكوا احساس اول حضن حضنوه للبيبي وشموا ريحته ويحكوا عن وجع دماغ الاطفال وينسوا انهم بيلعبوا بيهم بس علشان يضحكوهم وينسوا ان فيه ناس كتير تتمنا ضفر عيل .

بيحكوا عن شيل الهم ومش بيحكوا عن جمال انك تكوني اميره في مملكتك ام وليكي زوج وابناء وانتي المسؤله عنهم
بيذكروا كل شئ يكرهكم ف الجواز

بس بينسوا يحكوا احلا لحظات هتفضل مترسخه جواهم عايشين عليها لكن عايشينها لنفسهم لانهم قرروا يحتفظوا بيها لنفسهم ويحكوا بس الوحش .

اتجوزو لان الجواز فعلا يستاهل تضحي بحضن امك وقعدت اخواتك وحريتك علشان تشتري امان طول العمر
اتجوزو لان الجواز فعلا يتحب 💛

حبيبتي ودنياتي عروسه بجد الدنيا دي بطولها بقالها معني من الليله
ويلا معايا ادعولها تعيش كل اللي جاي معاه ويبقي حبيبها ويصونها ويكمل حلمها وياه
#منشن ليها 💙👰💐