Digital Ninja

هنبدا مع بعض سلسة عن تصميم تجربة المستخدم للمبتدئين
Introduction to User Experience Design
الشرح هيكون جزء نظري وجزء عملي
وهيتم عمل جروب للناس تتعلم وتشارك مع بعض الاسئلة والاقتراحات.
انتظروا الاعلان قريبا.
لو حابب تتعلم او حابب غيرك يستفاد
اعمل Share للبوست وعرف غيرك
الموضوع هيكون مدعوم بنسبة كبيره ومجاني لمعظم الطلاب.

5 حاجات لازم تعملهم قبل ماتختار الشركة الي هتصمم موقعك .
قبل ماتفكر في الالوان واللوجو والمحتوي والدومين والهوست ...الخ , في حاجة مهمه لازم تفكر فيها الاول :
هتبني الموقع بتااعك باستخدام انهي منصه (Platform) ؟؟؟

-اولا (اختيار المنصة ) (choose the platform )
خلينا الاول نعرف يعني ايه منصة (Platform )؟
المنصة الي هتبني بيها موقعك هي عبارة عن (نظام ادارة المحتوي CMS) Content management System
خلينا نبسط الموضوع اكتر , انظمة ادارة المحتوي كتير جدا واتكلمنا قبل كده عن اشهرها وهي (WordPress)

خلينا نقول اشهر المنصات استخداما بالترتيب :
1- وردبريس (Wordpress) 50.07%
2- دروبال (Drupal) 17.07%
3- جوملا (Joomla) 6.44%

دي اشهر المنصات علي حسب الاستخدام لاحصائيات سنة 2016

لما تعرف مميزات المنصات دي وايه كل الاضافات والامكانيات الي في كل منصة من الي فوق
ساعتها هتقدر تقرر وبكل سهولة ايه افضل منصة ممكن تستخدمها عشان تحقق الهدف بتاعك من الموقع .

-ثانيا اختيار الدومين والاستضافة (Domain Name & Host)
اتكلمنا قبل كده ان عشان يبقي عندك موقع اونلاين لازم يكون عندك حاجتين مهمين وهما الدومين والاستضافة
الدومين هو عبارة عن اسم موقعك او شركتك او نشاطك والدومين بيكون شبه كده (https://digitalninja.agency)
والهوست هي الخدمة او الكومبيوتر الي هيتخزن عليه موقعك عشان الناس تقدر تدخل عليه .

-تالت خطوة وهي اعداد وضبط موقعك :
الخطوة دي هي اول خطوة عشان يبقي ليك ظهور اونلاين
بعد ماتجهز وتربط الدومين بالهوست (هيتم شرحها في بوست منفصل )
تبدأ تعمل تثبيت للمنصة الي خلاص قررت انك تستخدمها
ومعظم او كل الاستضافات بتدعم انك تعمل تثبيت بمجرد الضغط علي المنصة بيتم تثبيتها في خلال دقايق
وفي طريقة تانية لو الاستضافة مش بتدعم التثبيت الالي وهي التثبيت بالطريقة اليدوية
وهي انك بتقوم برفع المنصة يدويا للاستضافة وبعد كده بتقوم بعمل الاعدادات كلها

-الخطوة الرابعة وهي اختيار الشكل او التصميم :
في معظم الاوقات بيتم اختيار قالب مجاني او مدفوع لسرعة عمل الموقع وتقليل التكلفة
وبتقوم باختيار القالب المناسب ليك وترفعه علي المنصة الي عملت اعداداتها وثبتها علي الاستضافة
وده بيديلك احساس انك خلاص خلصت موقعك لكن للاسف هنا بقي بيكون دور المبرمج او المختص في تطوير وتصميم المنصة في حل لبعض المشاكل المتوقعة الحدوث وتثبيت الاضافات ووضع الخطة المناسبة لعمل الموقع والتسليم في الوقت المتوقع

الخطوة الخامسة وهي اختيار الاضافات (Plugins)
الاضافات هي عبارة عن ملحقات او برامج تم تطويرها للمساعدة في عمل المميزات الي هتكون في موقعك او البرامج الي هيتم تثبيتها في الموقع زي مثلا انشاء نموذج اتصال او انشاء استفتاء او غيرها كتيير جدا من المميزات
والاضافات دي في منها مجاني وفي منها مدفوع زيها زي القوالب
وبكده يبقي فاضل خطوات بسيطة زي اختبار الموقع من سرعه واخطاء وغيره كتير جدا من الاختبارات عشان نضمن ان الموقع بيعمل بأعلي كفاءة وبأفضل جودة

المرة دي اتكلمنا عن قشور سطحية فقط في عمل الموقع لكن كل الكلام ده بياخد وقت ومجهود وبيتعمل بطرق احترافيه اكتر من كده
ولكن الاهم انك كعميل يكون عندك الوعي انك تختار ازاي المنصة المناسبة
تابعنا عشان تعرف الجديد علي الهاشتاج بتاعنا

إتكلمنا عن الهوست والدومين وإزاي التكلفة بتتأثر بجودة ونوع الاستضافة .
إنهاردة هنتكلم عن حاجه تانيه ليها تأثير كبير جدا في تحديد سعر الموقع او التطبيق
في نوعين من المواقع (static website & dynamic website )
المواقع ال (Static ) بتكون شيء بسيط جدا ومبيكونش محتاج مبرمج عشان يشتغل فيه لانه من اسمه Static
ثابت مافيهوش اي متغيرات وفي الغالب بيكون عباره عن template جاهز بيتم التعديل عليه من خلال الاكواد (HTML , CSS ) وشوية صور جميلة والمحتوي بتاعك ويرفعه علي دومين وهوست وخلاص كده مافيش اي شغل بيتعمل والمستخدم مبيكونش فيه بينه وبين الموقع اي اكشن , عباره عن لوحة شكلها جميل وفيها شوية كلام وصور دعاية ليك مش اكتر وللاسف النوع ده انتشر جدا باسعار غريبه كلنا بنشوفها (إمتلك موقعك الان ب 500 جنيه واستلم في خلال 5 ايام ) طبعا الموقع غير جاهز لمحركات البحث وال SEO , SEM مبيكونش فيه اي طريقه إحترافيه مجرد لوحه مالهاش اي لزمة وللاسف معظم الشركات الناشئة بتلجأ لكده عشان مبيكونش في ميزانية تسمح انهم يعملوا موقع كويس

====================================
النوع التاني وده الي فيه حاجات كتير جدا هنحاول نوضحها باختصار
(Dynamic Website )
ده من اسمه بيكون موقع متجاوب وفيه تفاعل مع المستخدم وبيكون ليه قاعدة بيانات ولوحة تحكم محترمة تقدر تتحكم من خلالها في المحتوي بتاعك وده بيكون قايم علي لغة برمجة من لغات برمجه كتير ومن اشهرهم (PHP , ASP. net , Java .....)
ظهر في السنين الي فاتت CMS اسمها WordPress
ودي من اشهر انظمة ادارة المحتوي واكثرهم انتشارا بتساعدك تبني مواقع كامل في وقت اقل وكود اقل وتكلفة اقل
وسبب انتشارها انها سهلة الاستخدام ومبنية علي لغة برمجة مشهورة (PHP)
وتقدر تعمل من خلالها اي نوع من تطبيقات الانترنت زي مدونة او منصة للبيع اونلاين زي سوق وجوميا (في منصات كتير اتتعملت عشان موضوع التجارة الالكترونية زي
(...... Open Cart , Magento)
في نوع تاني من المواقع ال (Dynamic) وده الاقوي والاعلي سعرا لانه بيكون موقع معمول (From Scratch )
وده بيكون كل حاجه فيه حصري يعني مافيش إستخدام لاي منصات جاهزة او اي تصميم جاهز بيكون معمول من ال أ الي ال ي , وبنمر علي مراحل كتير جدا من اهمها دراسة السوق والمواقع المنافسة و نفكر في ميزه تنافسية وتصميم جديد مناسب لشغلك وبيعكس ال Brand بتاعك ودراسة الجمهور المستهدف وسلوكة وايه خبراته ونقوم بتصميم تجربة مستخدم تكون مناسبة للزوار المتوقعين للموقع او التطبيق بتاعك ومراحل كتير اخرها مرحلة ال test ودي مرحلة مهمة جدا قبل الموقع مايكون live لانها بتوضح اذا كان في اي مشاكل في البرمجة او التصميم ونقدر نعالجها عشان نطلع بالموقع بطريقه مثالية بدون اي اخطاء .
وده بياخد وقت اطول وتكلفته بتكون اكبر بكتير وده بسبب انه بيكون حاجه معمولة بطريقه خاصه بيك انت مش موجوده عند حد تاني وبيتم انشاء منصة من خلال فريق العمل مبرمجين ومصممين ومطورين .

طبعا في حاجات تانيه كتير بتأثر علي التكلفة بس احنا حبينا نبسط الموضوع لاقصي درجة ممكنة

لو عاوز تعرف اكتر عن اعمال ديجيتال نينجا ادخل علي موقعنا وشوف اخر اعمالنا من اللينك ده
https://digitalninja.agency
ولو في اي استفسار ابعتلنا علي [email protected]
او كلمنا علي 01111009556
تابعنا علي هاشتاج