Nawaya

موسم البامية بدأ 🌿
من زمان، وعلى امتداد النيل، كانت البامية جزء من أكلنا وحكايات مطابخنا اليومية. من الحصاد لحد الطبخة، لكل خطوة طقس صغير بيحمل ذاكرة وتراث متوارث بين الأجيال. في مطبخ نوايا المجتمعي، موسم البامية دايمًا بيفكرنا إن الأكل مش مجرد وصفة، لكنه قصة أرض، ومواسم، وأيادي بتزرع وتطبخ وتشارك.

The Mefraak: Cooking Okra with the Ancient Whisk - Google Arts & Culture Okra stew recipes from Upper Egypt that pay close attention to the getting the texture right.

وسط التراب والأمطار والعواصف اللي كلنا بنتكلم عنها اليومين دول وكل اللي نعرفه بس ان دا لاننا في الربيع، بالنسبة للفلاح دا مش مجرد موسم الربيع دا تحديدا شهر برمهات واللي بيبدأ من 10 مارس حتى 8 أبريل.
برمهات أحد الشهور القبطية واللي بنعتبره شهر الخير علينا حيث انه بيحصل فيه التلقيح وكمان بيكون فيه وفرة من المحاصيل الجاهزة للحصاد زي البسلة والفول والحلبة والكتان والبصل وخاصة كمان البصل الأخضر. عشان كدة فيه مثل قبطي تقليدي بيقول للفلاحين (روح الغيط وهات). شهر برمهات اتسمى كدة نسبة إلى ملك العصر الذهبي "امنمحات" ودا شهر مليان بالعواصف والأتربة خاصة نصفه الاول زي ما احنا شايفين كدة طبعا.

🌽 هل الذرة الصفراء اللي بنشوفها النهارده هي “ذرة أجدادنا”؟
الإجابة ببساطة: لا.
الذرة اللي بنشوفها دلوقتي ومعروفة بالذرة الصفرا أصلها من أمريكا، ووصلت لمصر بعد القرن الـ16. يعني ما كانتش موجودة في مصر القديمة.
المحاصيل الحبوبية اللي كانت موجودة في مصر القديمة:
🌾 القمح القديم (غير اللي بناكله دلوقتي برضوا)
🌾 الشعير
🌾 والذرة الرفيعة (السورجم)
الذرة الرفيعة تحديدًا محصول أفريقي قديم، بتتأقلم مع الحرارة والجفاف، وبذورها كانت بتتحفظ وتتوارث جيل بعد جيل.
الموضوع مش مقارنة بين “قديم” و”حديث”…
هو ببساطة سؤال عن السيادة على البذور 🌱
وهل نقدر نحافظ على سلالاتنا المحلية زي ما حافظ أجدادنا عليها؟