Ezz Reviews

لو انت مقتنع ان الاباحية خطر علي الاطفال الصغيرين ممكن توصل البوست ده لأي اب انت تعرفو ؟

سايبين عيال عندهم ٦ و ٧ سنين ماسكين تابلت مخصوص ليهم ، او موبايل ، او اي جهاز، وسايبينه عريان قدام جيوش مسوقين من الشركات اللي فيها الاف الموظفين ، شغلتهم كل يوم يعملو الاف التجارب، عشان بس يضمنو ان ابنك يقع في الفخ ده وازاي يقضي " ثانية " زيادة في الموقع بتاعهم وازاي يوصلو لزباين جديدة، لأنه لو لحقوه من بدري وكسرو ارادته هيبقي ماكينة ATM ليهم في المستقبل ( بيربو زبون يعني )

بداية من دوستو علي الاعلانات اللي بيكسبو منها ذهب، لأن المواقع الشمال هتعلن فين مثلاً ؟ في اليوم السابع ؟ ماهي في المواقع الشمال اللي زيها، فبالتالي غصب عنهم بيدفعو اكتر فدول يكسبو اكتر، لغاية لما يدفع من مصروفة اشتراك مدفوع لواحدة/او واحد عادي عشان يشوف صورها/او صوره اللي هي مش بتنزلها في اي حتة غير للناس اللي بتدفع وعامله باقات مخصوصة، بحيث كل ما الصور كانت " اقبح " كل ما الاشتراك كان " اغلي " ، الكلام ده والله مش بعيد ، بالعكس قريب وقريب اوي ،- المهم ده مش موضوعنا

المهم دي سلسلة الفيديوهات :

🚨المطب ١ : حجب المحتوي الاباحي من إعدادات الراوتر - WIFI 👇🏻
https://fb.watch/FRn9WycSMn/?

🚨تابع المطب ١ : حجب المحتوي الاباحي من إعدادات الموبايل - WIFI 👇🏻👇🏻
https://fb.watch/FRnaVwtB2Y/?

🚨 المطب ٢ : حجب المحتوي الاباحي من إعدادات الاجهزة ال عندك في البيت 👇🏻
https://fb.watch/FRnc0pAmFn/?

🚨 المطب ٣ : حجب المحتوي الاباحي من باقة الموبايل سواء موبايلك آيفون / أندرويد 👇🏻
https://fb.watch/FRndseUonz/?

🚨 المطب ٤ : ازاي تمنع فتح المواقع الاباحية علي شبكة بيتك باستخدام ال 👇🏻 VPN
https://fb.watch/FRnenIA-Ra/?

🚨 تابع المطب ٤ : لو ملكش في التكنولوجيا ، وعايز تمشي مع الخطوات ومش عارف تطبق ، في حد موجود ٢٤ ساعة تقدر بمكالمة واحدة يمشي معاك خطوة بخطوة لغاية اما يساعدك تحمي أهل بيتك 👇🏻
https://fb.watch/FRnfu8DhdS/?

🚨المطب ٥ : تطبيق مهم يبقي علي موبايل ابنك تقدر تشوف التطبيقات اللي هو بيفتحها وتحددله وقت معين سواء لكل تطبيق / سواء للموبايل كله
https://fb.watch/FRngxNhdXQ/?

🚨المطب 6 : تطبيق بيمنع اي صور فيها " بنات - رجال " حسب اختيارك من كل حاجة في المتصفح بتاعك ، وبيعمل عليها blur خوفاً تبص علي حاجة حرام ، واللي عايز تشوفه ، تقدر تشوفه - ضروري وانت بتقلب اي منصة سوشيال ميديا يكون شغال ، لأنك مش عارف اللي هيظهرلك السكرول الجاي هيبقي ايه :
https://fb.watch/FRnhw3duDX/?

🚨المطب ٧ :عيب لما تبقي في المسجد وتقلب في موبايلك وتشوف صورة مش كويسة ، ولا منظر مش احسن حاجة ، ولا يطلع صوت عالي منك وتبوظ علي الناس خشوعهم ، عشان كدة ازاي تقلب موبايلك لحتة حديدة وانت في المسجد ، لغاية اما تخرج منه - بشكل تلقائي -
https://fb.watch/FRniytPChn/?

🚨المطب ٨ :الريلز والشورتس كل ١٠٠ تقليبة ، غالباً فيهم ٩٨ واحدة فيهم حاجة حرام ، ودي حاجة وان لما تفتح موبايلك ، settings ، وبعدين screentime وتبص علي متوسط الوقت اللي بتقعده علي موبايل وتلاقيه اكتر من ساعتين ، بيوصل ل ٦ و ٧ و ١٠ كمان وده مش شغل مثلاً ، لكنه " تضيع عمر " ، فده حل عملي لمعالجة الموضوع ده بأذن الله ، نفع معايا ، وعسي ينفع معاك انت كمان :
https://fb.watch/FRnjJObMAz/?

لية عملت سلسلة الفيديوهات دي ؟ كنت قاعد في صلاة التراويح وفي الخطبة بين الصلاة الخطيب شرح ايه في اول سورة البقرة ﴿ ويقيمون الصلاة ومما رزقناهم ينفقون ﴾ - الرزق هنا مش لازم فلوس ودي كانت مفاجأة بنسبالي دايماً كنت بقراها بفتكرها فلوس ،الخطيب قال ان هي " عامة " فشوف ربنا رزقك بأيه وحاول تنفق منه، ممكن يبقي معلومة انت تعرفها ، ونفقتك هي نشرها ،

فعشان كده قررت اعمل سلسلة الفيديوهات دي لآيماني ان الاباحية هو اعظم خطر بيواجه الشباب، وبسهولة ينفع نساعد ولادنا من بدري اننا نحاول علي قد ما نقدر ننضف البيئة اللي هما فيها، والي للأسف معظم الاباء سايبين ولادهم بموبايل يودي في داهية ، بدون اي قيود ، مع انهم في حياتهم بيخافو عليه، بس مقتنعين ان طلاما اجسامهم موجودة معاهم في البيت، فتمام هما في امان، ميعرفوش ان الاهم هو عقلهم فين ؟

المهم لو انت اب ، فعشان خاطري، وعشان خاطر ابنك، لو قدرت تعمل مطب واحد، كتر خيرك، عرفت تعمل ٢، كتر خيرك اكتر، عرفت تعملهم كلهم، جزاك الله كل خير، عرفت كل يوم علي الاقل تبص بصة علي ابنك بيفتح تطبيقات ايه، وتحاول تبذل ١٢٠ ثانية كل يوم تسأل chatgpt علي ايه التطبيق ده لو انت مش فاهمه، وهل عليه اي محتوي غير مناسب للآطفال ؟ وهو هيقولك ووقتها انت تعرف تتصرف، وتحاول تبني قيود " وكل ما كانت بدري كل ما بناء القيود دي كان اسهل " والله انت محتاج تعمل ده ، والواد في بطن امه ، مش لسة لما هيجي، لأن هو هيكبر بسرعة ، وهيقع في الكلام ده اسرع ما انت متخيل، وهيكبر عليه، ووقتها هتسيبو لمصيبة مين عارف هيعرف يخرج منها ولا لا ؟

المهم في كومنتات البوست ده ، لو عندكم اي مشكلة ، من فضلكم اكتبوها بشكل واضح ، في رسالة واحدة ، يبقي فيها سكرين شوت من المشكلة لو تقدر ، وانا هحاول ارد عليها ، ولو انت شخص مقتنع زيي باهمية المشكلة دي ، وقادر تبذل دقيقتين من وقتك تبص علي الكومنتات ، وتساعد الناس لو انت فاهم ، من فضلك ساعدهم ، عسي ربنا يجعلنا سبب في حماية " طفل واحد " والله كفاية ، والله كفاية ، والله كفاية

دي بقي شوية اضافات من الكومنتات شوفتها مهمة لاضافتها في البوست :

اضافة ١ : واهم حاجة هي تزكية الابناء و الاهتمام بيهم انه فعلا قلبه منشغل بالدين و مراقبة ربنا + المنع المناسب لان المشكلة الي وقع فيها بعض الناس المنع لكن بدون تزكية نفس ادت لمشاكل اكبر في بعض الحالات .. أهم وسائل تزكية الأبناء: القدوة الصالحة في البيت، وتعويد الطفل على حب الله والعبادة باللين (مثل القصص والأذكار)، ووجود بيئة وصحبة صالحة.
وأيضًا مهم الانتباه لثلاثة أخطاء تربوية شائعة: (1) الاعتماد على المنع والعقاب فقط دون بناء الوازع الإيماني، (2) القسوة الزائدة التي قد تدفع الطفل للتمرد أو إخفاء الخطأ، (3) ترك الأبناء للإنترنت والهواتف دون متابعة أو حوار.

ومن المصادر المفيدة في هذا الباب: كتاب تربية الأولاد في الإسلام لعبد الله ناصح علوان، او بحث على يوتيوب عن ترببة الاولاد في الاسلام ، من Abdelrahman Moustafa

اضافة ٢ : ٫٫٫

لو في اي اضافات تانية شوفتها مفيدة ، هعدل البوست بيها ، بحيث يبقي زي كبسولة في الحتة دي بأذن الله لو شاء ربنا ، شاركوني بالكومنتات ممكن اضيف ايه تاني ؟

تم النقل للفائدة و لأهمية الموضوع