DriveX

تستعد ManDream وكيل BYD في مصر لتقديم BYD Ti7 لأول مرة في السوق المصري، كواحدة من أكبر وأقوى العربيات الـSUV الهجينة القابلة للشحن من BYD.

العربية معروفة عالميًا باسم Leopard 7، جاية بفكرة مختلفة عن أغلب عربيات BYD الموجودة حاليًا في مصر، لأنها اول SUV كبيرة بتصميم صندوقي تتقدم من BYD في مصر، ومنظومة DM-i الي بتجمع بين موتور بنزين تيربو 1.5 لتر ومحركات كهربائية.

من ناحية الأرقام، الـ Ti7 متوقع تيجي بقوة حوالي 483 حصان و760 نيوتن.متر، مع بطارية 35.6 kWh، ومدى كهربائي يوصل لحوالي 130 كم، وإجمالي مدى قيادة يتجاوز 1200 كم، وتسارع من 0-100 في 4.5 ثانية.

دخول العربية مصر هيكون خطوة مهمة لـBYD، خصوصًا إنها بتقدم خليط بين شكل قوي، مساحة عائلية، أداء عالي، واستهلاك أقل بفضل منظومة الDM-i.

ايه رايك في الTi7؟ ومتوقع سعرها يكون كام؟

زيادة 20 الف جنية في اسعار CUPRA Formentor 2027

زيادة 30 الف جنية في اسعار SEAT Ibiza موديل 2027

راية أوتو بتستعد لتقديم XPeng P7+ لأول مرة في السوق المصري، ودي عربية كهربائية Fastback كبيرة بتدخل في فئة أعلى من الـ P7 العادية من ناحية الحجم والمساحة.

العربية طولها حوالي 5.07 متر، مع قاعدة عجلات 3 متر، بتعتمد على منصة كهربائية بمعمارية 800V٫

العربية بتيجي بموتور خلفي بقوة 313 حصان وعزم 450 نيوتن.متر، وتسارع من 0 لـ100 كم/س في حوالي 6.2 ثانية.

البطارية سعتها 74.9 kWh، والمدى المعلن حوالي 530 كم WLTP، مع دعم شحن سريع DC بقدرة تصل إلى 446 kW في المواصفات الأوروبية.

ومن جوه، العربية فيها شاشة وسطية 15.6 بوصة، وشاشة عدادات ديجيتال 10.25 بوصة، مع مساحة تخزين خلفية 573 لتر وتوصل إلى 1931 لتر بعد طي الكنبة الخلفية.

دخول XPeng P7+ مصر هيزود المنافسة في فئة العربيات الكهربائية الكبيرة، خصوصًا إنها بتجمع بين مدى كويس، أداء قوي، مساحة كبيرة، وتجهيزات تكنولوجية متطورة.

تتوقعوا سعرها هيكون كام؟

زيادة 30 الف جنية علي فئات Chery Tiggo 8 Pro Max