PIC PICS

في ناس… طلعوا من علاقات مدمّرة،
طلعوا وهما مش عارفين هما مين.
وشهم عادي… بس جواهم اتهدّ من الحروب.

في وقت ما… كانوا بيحبوا بكل اللي فاضل منهم،
وبيتنازلوا عن أجزاء من كرامتهم علشان العلاقة ما تقعش،
وبيضحّوا، مش علشان الطرف التاني يستاهل…
علشان ماقدروش يخسروا أكتر .

كان كل يوم بيحاولوا يقنعوا نفسهم إن ده طبيعي،
إنك تتحاسب على مشاعرك،
وتتسحل في الحوارات علشان بس تكون مفهوم،
وتتّهم إنك السبب… علشان التاني يعرف ينام مرتاح.

كانوا بيتسحلوا في حب بيدوسهم،
بيتحبسوا في علاقة مش شايفين فيها نفسهم،
وبيحاربوا جواهم علشان مايبقوش "النسخة الوحشة" اللي بيتقال لهم إنهم هما.

ولما مشيوا…
مشيوّا بعين مقفولة… وقلب مفتّت… ونفس مقطوعة.
مشيوّا وهما حاسين إنهم عمرهم ما هيتصلّحوا.
مشيوّا وهما مش متأكدين حتى لو حد حبّهم تاني… هيصدقوا؟ هيصدقوا إنهم يستاهلوا؟ هيعرفوا يسلّموا؟ ولا هيفضلوا يشكّوا في أي حاجة حلوة؟

بس الأيام مش دايمًا ظالمة…
قابلوا حد ما سألش: "إنتو ليه بقيتوا كده؟"
سألهم: "تحبوا أكون إيه ليكم علشان تخفوا؟"

بدأوا يعافروا…
يصلّحوا كسر جواهم ماكنش حد شايفه،
يمسكوا قلبهم ويقولوا: "قوم… إحنا جنبك".
وبدأوا يضحكوا من قلبهم… حتى لو كل شوية بيعيطوا في السر.

المفاجأة؟
اللي كسّرهم… رجع يشوفهم حلوين.
رجع يقول: "ياريتنا ما سبناهم."
رجع يراقب من بعيد…
ويتحسّر على النسخة اللي كانت "معاه وماعرفش يحافظ عليها."

بس هما خلاص…
بقوا أحلى من غيره/من غيرها.
بقوا طالعين في عنيهم نور،
حتى لو جواهم فُقد.

اللي بيرجع يشوفك حلو بعد ما دمّرك،
مش شايفك…
هو شايف صورته وهو خسران،
وبيحاول يشوفك مكسور تاني علشان يطمن إنه لسه مؤثر.

بس هما…
ماعدوش ينكسروا لنفس الألم مرتين.
ماعدوش يرجعوا يدو اللي سرقهم فرصة جديدة.
ماعدوش يسمحوا لحد يحطهم في مقارنة مع نفسهم قبل ما ينضجوا.

دلوقتي؟
متعافين… بس مش زي زمان.
نضاف… يمكن ناقصين حاجات .
بس عارفين قيمتهم،
وده كفاية يخلي أي حد كسرهم… يخاف من قوتهم الجديدة.

في العلاقات‼️
❎ مافيش كلمه آسف وتكرر نفس الغلط😏
👌 إنت لازم تصلّح الغلط
💥في الشكّ مابتسبش الطرف التاني لدماغهُ😔
👌 إنت مُجبر تقدم إجابات واضحة
💥في الغيرة
❎ مافيش إنت بتقيدني
👌 إنت لازم تقوم بتصرف واضح وتكون أكتر إحتراماً لمشاعر الطرف الآخر
💥في المشاكل
❎مافيش هروب أو إنسحاب
👌 لازم يكون في مواجهة وإلتزام

💥في التصرفات
❎ مافيش أنا طبعي كدة😏
👌 في ضبط للنفس ومحاولة للتغيير
💥في المشاعر
❎ مافيش إعتمادية علي طرف واحد
👌لازم يكون فى توازن و أصل أنا عملي وهو عاطفي ، لازم نشبّع إحتياجات بعض
💥 في المسؤولية
❎ مافيش حضور لطرف عن طرف
👌إنتوا الإتنين مُلزمين تنجحوا العلاقة
❎مافيش البنت بتتاخد علي قد عقلها 👌 إذا لم تكن علي توافق عقلي معاك ماتكملش
❎مافيش أصل الولاد مابيحسوش 👌 المشاعر مافيهاش ذكر وأنثي

💥وقت الخناق
❎مش حرب
👌 دة أشد وقت للإحتواء

💥وقت الخصام
❎ مش هجر وفُجر
👌 دة أشد وقت للإنسانية وصدق المحبة ونوايا الخير
💥الضغوطات
❎ مش مؤشر لسوء طرف أو إنتهاء العلاقة
👌 دة تحدي لشدة تمسككم ببعض 👈الإنسحاب ساعتها دليل قاطع علي ضعف الحب وتمسك من البداية
💥 الفتور طبيعي جداً في العلاقة
❎مش مؤشر علي جفاء طرف
💥العناد👈 أول طريق لفشل العلاقة ، الشخص العنيد بطبعهُ مايتعاشرش⚠️
💥 الفلوس بتشتري نوع واحد من الستات ، وأكيد إنت عارفهُ
💥 الأنوثة المصطنعة مش بتجذب غير نوع واحد من الرجالة ، وأكيد إنتِ عارفاه
💥 العلاقة
❎ مابتقومش علي راجل شديد الرجولة ولا أنثي متفجرة الأنوثة
👌العلاقة بتتبني علي أربع أركان
👈 إنجذاب القلب ، إنجذاب العقل ، الإنجذاب الجسدي ، الإنجذاب الروحي
👌لازم يجتمعوا جميعاً في العلاقة ، مابتنجحش علاقة بركن واحد أو رُكنين
💥العلاقة
❎ مش راجل بيصرف ألوفات شهرياً ولا ست شايلة نضافة البيت والعيال علي كتافها
💥 العلاقة
👈 تقدير واحتواء امان وحِرص كل طرف علي إنهُ يقدم كامل مسؤولياتهُ وإلتزاماتهُ وحُبه وحُسن طباعهُ وقوة تحمّلهُ للطرف الأخر❤️
💥الجواز
❎ مش بينهي الحُب
👌 في طرف بيستني تعويض وإستحقاق زيادة عن اللزوم بعد الجواز😏
💥 الجواز
❎ مش بينهي الحُب
👌 في طرف بيتحجج بكثرة المسؤوليات😡
💥 الجواز
❎ مش بينهي الحُب
👌 في طرف كان واخد الحكاية إن نهايتها الجواز فلما جات النهاية إنتهت معاه الحكاية💔
💥 الجواز👈 بيزيد معاه حُب العشرة والسكينة❤️

💥القوامة👌 فرض يُحاسب عليه الرجل
💥طاعة الأنثي لزوجها👌 جهاد في سبيل اللّٰه

💥 العلاقات
❎ مافيهاش أنا كلامي يتسمع
👌في أسباب تُقدم ومن شروطها 👈أنها تكون مُقنعة ويرضي عنها الطرف الأخر
💥 العلاقة
❎ مش راجل لازم يجبلي
👌 إحنا بنعيش علي قد الإمكانيات المتاحه معانا وبنخطط بواقعية.
💥العصبية
❎ مش طبع
👌 في تربية سمحت لشخص إنهُ يعلّي صوته وينفعل وخلاص تحت أي موقف ✋فماتديش مساحة لشخص إنهُ يمارس عليك شيء في الأساس مُكتسب
💥 الجواز سكينة🤍
💥 العلاقات راحة نفسية، احتواء ، امان، وعون ❤️