Bahaa Wahba

انا حاسس ان فرنسا هي اللي كسبانه ٢ / ٠ مش اسبانيا

مفيش روح مش فارق معاهم مش بيجزه علي المنافس
استهتار و رعونه في إنهاء الهجمات و الفرص و تعالي علي الكوره

بصراحه اسبانيا تستاهل التأهل عن جداره و أثبتت أن النظام و اللعب الجماعي يكسب الاسماء فقط

ضربه جزاء في حجز الوفاء و الامل مش في ماتس قبل نهائي كأس عالم

مدافع فرنسا استلام غلط و وقفه غلط و مش شايف مين جاي و مش عامل سكان اصلا .... طب سيبت لنا ايه

يا جماعه في لاعيب ممكن نخلص معاه و نضمه للمنتخب اسمه فرانك عزيز

بيلعب جناح و لاعيب مهاري يفكرك بالبرازيل ايام العز كده

هو مواليد ٢٠٠٦ كمان يعني لاعيب صغير في السن و قدامه كتير

هو مصري معاه الجنسيه الامريكيه و بيلعب في امريكا و هو صغير بدأ في اكاديميه هناك

لاعب محتاج نظره

هتصدق لو قلتلك حسام حسن كان من اول اسباب رجوع و فوز الارجنتين هتقولي ازاي بس تعالي واحده واحده و هقولك الكلام اللي مش هيتقال في حته تانيه

مبدأيا قبل اي كلام احنا خسرنا كوره قبل ما نخسر من تحكيم و منظومه و فساد و كل اللي انت عايز تقوله هتقولي ازاي بس ده احنا كنا احسن منهم تعالي نتكلم كوره و فني اكتر

اول شوط كل الناس كانت شايفه أنه تاريخي لمصر و هو كان كده فعلا بس كان عندنا أخطاء فنيه كتير و لولا ستر ربنا ثم مصطفي شوبير كان ممكن نطلع خسرانين أو متعادلين اقل حاجه

هما كام نقطه اللي كانوا محور التغيير في سير الماتش أولهم اخر الشوط الأول لما امام اتصاب و طلب التغيير و مع بدايه الشوط التاني اتغير فعلا ( زي ماتش إيران لو فاكر )

كده انت فقدت أمام عنصر مهم في طلوعك بالكوره و تاني نقطه اللي زودت الضغط علينا هي اصابه هيثم حسن اللي كان عامل صداع و جبهه و كان موقف اتنين معاه منهم ( ماتش إيران بردو )

انت فاتح الملعب و عايز الثالث و الرابع في وقت لازم نحافظ علي المخزون البدني اللي كان بيروح في الوقت ده و كنت لازم تهدي و تستناهم يجولك مش العكس

ثالث نقطه و هي أهمهم بالنسبالي وقت التغييرات !! انت فرقتك وقعت من قبل الدقيقه ٧٥ و كنت كسبان ٢ صفر و ده الوقت اللي لازم تأمن فيه و تنزل حسام عبد المجيد و تلعب ٣ ورا تقفلها اكتر و تنزل محمود صابر بدال مروان اللي مش قادر يبقي في نفس جديد و فريش طبعا مع كريم حافظ اللي خلص من
الدقيقه ٧٠ اصلا ( كأنك بتلعب ناقص ٢ لعيبه بردو زي ماتش إيران في الاخر )

و طبعا صلاح اللي بيلعب اصلا مصاب من الماتش اللي فات بس هو كان سايبه عشان عارف أنه علي الواقف ممكن يودي اي حد انفراد و اللي مرموش في لقطه جري و خد منه الكوره بدال ما يفتحله زاويه تمرير تانيه مع تريزيجيه لا قفلها عليه و علي نفسه و علي تريزيجيه

مع اني كنت بدافع عن مرموش كتير و كنت بنادي أنه ينزل امبارح من بدري عشان في مساحات كبيره في دفاع الارجنتين و هو سريع و كان ممكن يخلص واحده بس بجد أقل لاعب في منتخب مصر هو مرموش بصراحه

اكيد مش هنسي دور مصطفي شوبير اللي بالنسبالي هو احسن لاعيب في منتخب مصر ... اداء ثابت طول الماتشات و لولاه بعد ربنا طبعا مكناش وصلنا للمكان ده

احنا اه منستحقش أننا نخسر بالشكل ده بس احنا بردو كان عندنا أخطاء واضحه

شكرا منتخب مصر
شرفتونا

مصطفي شوبير

الله يباركلك يابني والله

اعتقد حسام حسن دخل قلوب الناس كلها بعد تصريحات المؤتمر الصحفي الاخير

ممكن تختلف معاه في طريقه لعب في تبديلات في تشكيل في أي حاجه بس مستحيل اي انسان يختلف علي كلمه قالها انهارده في المؤتمر

جرئ مش في الكوره بس لا ده بيدي مثال ب أوروبا و أمريكا اللي البطوله مقامه في أرضها
بيدي مثل بالبلد اللي قاعد في فيها و مش فارق معاه حاجه

فعلا رساله واضحه و مهمه جدا و في وقتها و في مكانها

شابوه 👏👏👏

#شجع
#حسامحسن
#منتخبمصر

هو احنا ممكن نكسب الارجنتين ؟

هو انا ممكن اقولك اه و عادي و ايه المشكله و ده حقيقي بس عشان تصدق كل ده في حاجه مهمه جدا و هي ليونيل ميسي

مش محتاج اتكلم عليه كتير عشان العالم كله عارفه و حافظه و حافظ حركاته و ترقيصاته و إمكانياته و مع ذلك بيعدي من واحد و اتنين و لسه بيلعب علي هداف كأس العالم علي مر التاريخ

ف انا جاي اقولك هي اه صعبه بس مش مستحيله

و هنحلل و هننزل ب ڤيديوهات بالتفصيل

بس من وجهه نظري ٨٠٪ من قوه الارجنتين في ميسي مش عايز اقول ١٠٠ ٪ عشان في عناصر تانيه و اكيد ليها ادوار مهمه

ميسي هو عقل الفريق .... صاحب الكوره و صاحب اللعبه كلها ..... و اهم حاجه أن ميتسابلوش مساحه علي اد ما نقدر .... و مينفعش تسرح ثانيه قدام لعيب زي ده

لسه مصدقين أن ممكن نعملها ؟؟

توقعاتكم ايه ل ماتش مصر و الارجنتين ؟

عاش يا رجاله

ب رغم أن عندنا مشاكل فنيه كتير و طبعا البدني مش احسن حاجه بس اخر ١٠ دقائق تقول اننا نقدر
خايف من البدني في الأشواط الاضافيه