Team Academy

الجديد في العلم
مرض المهبل البكتيري Bacterial Vaginosis هو مرض يحدث فيه تغير الميكروبيوم ( يعنى البكتيريا التي تعيش طبيعيا في المهبل ) إلى بكنيريا لاهوائية
المشكلة اللى هتحصل ان البى اتش بتاعت المهبل هتزيد عن الدرجة الطبيعية اللى هي 4.5 " الحموضة هتقل والقلوية هتزيد "هتحصل التهابات مهبيلية وافرازات أهم ما يميزها هي رائحتها التي تشبه رائحة السمك
المشكلة ان الموضوع ده بيحصل ل 50 % من النساء
يعنى ما بين كل امرأتين فيه امراة بيجيلها الحالة دى
المرض ده بيسبب التهابات مهبلية لكن تبقى خطورته الأكبر وسط الحوامل لانه ممكن يكون سبب في ولادة مبكرة والموضوع ممكن يوصل كمان لحمى النفاس التي ممكن أن تؤدى للوفاة
علاج المرض ده سهل جدا باستخدام المترونيدازول 500 مجم مرتين لمدة 7 أيام كخيار أول
المشكلة بقى مش في العلاج المشكلة هي رجوع الحالة المرضية تانى لمعظم الستات اللى اتعالجوا خلال مدة قصيرة جدا وتحديدا 3 شهور
High recurrence rate
وده اللى كان شاغل بال الباحثين ازاى يمنعوا رجوع المرض ده أو علأقل يقللوا معدلات رجوعه للمريضه
Prevent recurrence or at least decrease recurrence rate
وفضلت الأبحاث شغالة لحد ما ظهر بحث في استراليا وتحديدا في ملبورن
في البحث ده عملوا مجموعتين المجموعة الأولى من 150 زوج وزوجة ( بشرط ان الزوجة متشخصة بالمرض إياه BV )
والمجموعة التانية نفس الحكاية 150 زوج وزوجة (برضه بشرط ان الزوجة متشخصة BV)
المجموعة الأولى هيعالجوا الست بمترونيدازول 500 مجم مرتين 7 أيام وكمان هيعالجوا الراجل بداويين مش دوا واحد
( الراجل يتعالج بمترونيدازول اورال 500 مجم مرتين لمدة 7 أيام + كليندامييسن كريم على العضو الذكرى مرة يوميا لمدة 7 أيام)
طب المجموعة التانية هيعلموا معاها ايه ؟
هيعالجوا الست بس ومش هبعالجوا الراجل
طب ايه الهدف ؟
الهدف هو قياس معدلات رجوع المرض خلال 12 أسبوع
المفآجأة السارة ان علاج الراجل جاب نتيجة ومعدلات رجوع المرض في المجموعة الأول كان 35% بينما في المجموعة التانية اللى عالجوا فيها الست وبس كان 65%
وبكده طلع رأى ينصح بعلاج الرجال اللى ستاتهم عندهم BV بعلاج ثنائى ( مترونيدازول اورال وكلينداميسن كريم ) وذلك للحد من رجوع المرض عند الست بعد العلاج
طيب احنا بقى (صيادلة البورد الأمريكي ) نعتمد على الرأي ده ولا لا ؟
طبعا لازم نرجع لقوة الدليل العلمى
بصينا لقينا ان الدليل العلمى ده متصنف Grade 2C recommendation
وعشان احنا مذاكرين معنى الدليل العلمى ده كويس جدا فهمنا انه راى ضعيف ومجرد اقتراح التوصيه بيه ضعيفة وغير مؤكده
معنى كده اننا في الامتحان لما يجلينا سؤال عن المرض ده ويخيرك بين علاج الست بس ولا علاج الراجل والست
طبعا هنختار علاج الست وبس لحين صدور جايدلاينز تعتمد على أساس علمى قوى