Peace Of Mind With Nehad

لما بتنشأ ف طفولتك على الحب المشروط؛ بتكبر تكرر ده مع نفسك ومع الدائرة المحيطة بيك.
هتحب نفسك بشروط معينة إنت وضعتها لعقلك وحفظتهاله فمبقاش يصدق ويتقبل الحب إلا بالصورة دي.
زي إنك تربط حبك لنفسك برضا شخص معين عنك؛ فلما ميرضاش... تكره نفسك.
أو إنك تربط نجاحك وإجتهادك بحب أهلك ليك؛ فتخاف طول عمرك من الفشل لحسن تفقد حبهم ده.
أو إنك تربط حب ولادك ليك بإمكانياتك المادية؛ فتخاف تقِل مادياتك فتخسر حبهم واحترامهم، وتفضل داير ف الساقية ليل نهار.
أي هزة لأي شرط من الشروط اللي أنت حطيتها هتوقف حبك واحترامك لنفسك، وهتشوف نفسك أوحش شخص في الحياة.
ف جروب الثيرابيثتس Therapists قصة لواحدة ست بتحكي عن مأساة يومية ف بيتها من جوزها اللي مش مهم عنده طلبات البيت والأولاد، والمهم يجيب لأهله أي حاجة ويزورهم يوميًا ويقبل منهم أي إهانه بصدر رحب، ولما هى اتكلمت معاه ف إن أهله ما شاء الله مش محتاجين ف حين بيته وأولاده محتاجين، هو ثار وردوده كانت غير منطقية.
الحقيقة إنها بتحُثه دايمًا على بِر أهله؛ بس مش فاهمة هو بيعمل كدة ليه وتقصيره مع بيته وأولاده بالوقت والمجهود والماديات غير مُبرر.
بعد كلام كتير وتفاصيل كتير عنها وعن زوجها وعن طفولته، بنوصل للنقطة الأساسية ف كل اللي بيحصل.
زوجها أتربى على الحُب المشروط منذ الطفولة، أهله دايمًا كانوا بيقولوله لازم تسمع الكلام عشان نحبك، متردش عشان نحبك، جيب لأخواتك عشان يحبوك، أعمل كذا عشان نحبك؛ وبالتالي عشان يفضل محافظ على حب أهله له بيفضل يعمل كل الحاجات دي.
مخه متغذاش على إننا بنحبك عشان إنت طيب، حنين، ذكي، مُتعاون.
حُبك لأخواتك كافي عشان يحبوك؛ مش هداياك وتنازلاتك عن حقوقك اللي هتخليهم يحبوك.
من صغره بيسمع نقض واعتراض لذاته، مش لتصرفاته.
مش بحبك عشان بتكدب، مش هحبك عشان بتكدب، هزعل منك لو بتكدب، بدل ما كان يتقاله الكذب غلط عشان كذا وكذا.
ربوا ولادكوا على الحب الغير مشروط، ولو أنتوا اتربيتوا كدة فيه طرق كتير للتقويم والإصلاح وحماية النفس وحماية المحيطين.
* لو محتاج أي مساعدة... إحنا هنا عشانك، موجودين ف كل خطواتك للوصول للوعي اللي تستحقه🌸
ابعتلنا رسالة على الواتساب
📲 : 01091325218
دُمتم سالمين🤍
🕊

🧠🤍
الدماغ البشري مُبرمج على البقاء، مش على السعادة.
في منطقة ف المخ اسمها Amygdala أو اللوزة الدماغية
هى المسئولة عن استشعار الخطر، ودي شغالة طول الوقت، بسبب ومن غير سبب، وده بيخلي العقل دايمًا ف حالة "تأهُب" إنه يدور على مشكلة، أو يتوقع مصيبة، أو يقلق من حاجة لسه أصلاً ماحصلتش.

وطبعًا النتيجة بتكون... تفكير زايد، قلق مستمر، شعور داخلي بعدم الراحة وإن في حاجة غلط حتى لو كل حاجة تمام.
ده ف علم النفس أسمه "اليقظة الزائدة"
Hypervigilance
وغالبًا بيظهر مع الناس اللي مرّوا بتجارب صعبة، أو نشأوا ف بيئات غير مستقرة.

الحل بقى... مش إنك تمنع القلق تمامًا لأنه خلاص بقى جزء منك؛ لكنك المفروض تتعلم مفاتيح القلق والدواخل بتاعته، وتحجم تغذيتك للقلق، وتفهم أمتى عقلك بيكون مُبالِغ، وأمتى تستجيب له.
وأزاي ترجع نفسك من وضعية النجاة إلى وضعية الأمان.
الوعي هو أول خطوات الراحة... مش لأن الحياة بتبقى سهلة، لكن لأنك بتبقى أقوى من فوضى أفكارك وتخبُطات مشاعرك.
دُمتم سالمين🤍
🕊

* لو محتاج أي مساعدة... إحنا هنا عشانك، موجودين ف كل خطواتك للوصول للوعي اللي تستحقه🌸
ابعتلنا رسالة على الواتساب
📲 : 01091325218
أو مسدج على
💻:
أو إيميل على
📧 : [email protected]
🕊

🌸 حاسس إنك محتاج تتكلم، ومش لاقي حد يسمعك؟
🌸 بتتكلم، ومش بتلاقي اللي يفهمك؟
🌸 حاسس إنك تايه، ومتلخبط.
🌸 فاقد القدرة على استكمال الطريق.
🌸 لو حزين والحُزن طول.
🌸 جواك كركبة مش عارف تطلعها، ولا تعبر عنها.
🌸 مليان مشاعر ومش عارف توظفها صح.
🌸 أفكارك تعباك وضغطاك، ومش عارف ترتبها.
🌸 زعلان من نفسك وناقم عليها، ودايمًا تعنفها وتوبخها.
🌸 مش عارف تختار شريك حياتك، أو محتاج إعادة تقييم للعلاقة.
🌸 مش عارف أمتى تقول لأ، وأمتى تنسحب، وأمتى تعدي وتكمل.
🌸 محتاجين تفهموا بعض أكتر، وتلقوا نظرة مُستقبلية على حياتكوا سوا.
🌸 محتاجة مُساعدة ف فهم أولادك، وقربك ليهم.
🌸 زعلان من حد ف أسرتك، ومش قادر تواجهه.
لو محتاج أي مساعدة... إحنا هنا عشانك، موجودين ف كل خطواتك للوصول للوعي اللي تستحقه🌸
هنساعدك
✨️ تكتشف ذاتك، وتفهم نفسك أكتر.
✨️تاخد قرارات واعية من غير خوف أو تردد.
✨️ تبني علاقة صحية، وناضجة، ومتوازنة.
✨️ تتجاوز الأزمات، وتتعلم منها.
✨️ تتصالح مع الماضي، وتمنعه يأثر بالسلب على الحاضر.
خد أول خطوة في طريق الوعي، وابعتلنا رسالة على الواتساب لحجز جلستك الفردية أو استشارتكوا الزوجية
📲 : 01091325218
دُمتم سالمين🤍
🕊