ART Therapy

تمرين 9/1/2024
نشاط: كأس المشاعر
في الكاس دا هنحط كل المشاعر الي حسناها في اليوم وكميتها
وممكن كمان نلونه بمشاعرنا الي حسنها دلوقتي وفي اللحظه الي بنلون فيها 😔😌😡😀🙂😵😵‍💫
#سيكودراما

تمرين 8/1/2024
طيب بعد ما فكرنا ايه التصرفات البديله للكلام الغاضب، محتاجين نحدد بالظبط ايه الحجات الي بتخلينا نغضب في الأساس، وبتخلي الصودا تفووووور جوانا 🤣🤣
أقصد طبعا مشاعر الغضب😡
عشان كده مطلوب مننا نلون ازازة الصودا السحريه دي ونكتب جواها ايه الحجات الي بتخلينا نغضب بالتحديد 😬
وفي المقابل عندنا قوالب التلج الجميله الي هنكتب حوليها كل الحجات الي ممكن تكون عوامل تهدئه في "ساعة الغضب"، والي هنستعين بيها بعد كده ديما عشان تهدينا كل ما نتعرض لمسببات الغضب.
أنا عن نفسي باخد نفس عميق واستغفر رب العالمين😇😇 😇
يا ترى أنتم بتعملو ايه ؟؟؟🥰🥰
#سيكودراما

تمرين 6/1/2024
نشاط مراكب الإنقاذ
في النشاط دا هنلون البحر المرسوم قدامنا بدقه وعنايه بكل درجات اللون الأزرق، وهنلون المراكب بألوان هاديه ودافيه 🌸
وهنكتب أو نرسم كل الهموم والمخاوف و الضغوط الي جوانا ☹️
بعد ما نخلص :
هناخد نفس عميق ونخرج النفس براحه جدا بشكل هادي
هنتخيل انه المراكب دي بتتحرك وبتاخد الهموم دي لبعيد بعيد لحد ما تختفي تماما ...
ملاحظه: ممكن نغمض عنينا وإحنا بنتخيل، ويفضل أثنا القيام بالتمرين، يكون جمبنا موسيقى هاديه، رائحه عطر او بخور احنا بنحبه، إضاءه خافته.
هستنى تكتبولي في الكومنتات حسيتوا بإيه بعد ما تطبيق التمرين 🥰

#سيكودراما

تمرين ٤/١/٢٠٢٤
نشاط فلتر الكلام
في التمرين دا هنتعلم اذاي نتحكم في الكلام الي ينقوله
هنلون كل طبقه من طبقات الراس بلون مختلف
وتبعوني بكره هبعتلكم باقي التمرين
ها مين قال هيشارك 🏃🏃🏃🏃🏃‍♀️🏃‍♀️🏃‍♀️🏃‍♀️
#سيكودراما