The Ark Community

✨ بدء صيام الميلاد… صيام المستحيلات ✨

مع بداية صيام الميلاد، نفتكر إن ده مش مجرد صيام… ده صيام اتعرّف عبر السنين باسم “صيام المستحيلات”.
ليه؟ علشان في الزمن ده ربنا بيعمل فيه اللي فوق توقعاتنا… اللي بنشوفه مستحيل، لكنه عنده بسيط.

🔹 نقل جبل المقطم
معجزة عظيمة حصلت في نفس الفترة… صوم وصلاة بثقة قلبت المستحيل لحقيقة.

🔹 حبل السيدة العذراء من غير زرع بشر
أعظم معجزة في التاريخ… اللي محدش يقدر يتخيلها، اتحققت في صمت وإيمان.

🔹 حبل أليصابات في سن الشيخوخة
بعد سنين من الانتظار، ربنا فتح أبواب كانت مقفولة… وفاجأ قلبين تعبوا من طول الوقت.

💛 وعشان كده… صيام الميلاد هو صيام “المستحيلات”
الصوم اللي بنسلّم فيه كل اللي مش قادرين عليه…
اللي بنشيله في قلوبنا ومش عارفين نحله…
اللي اتأخر… واللي اتعقد… واللي ضاع…
ونسلمه لربنا ونقول:
“إنت قادر… حتى لو أنا مش شايف الطريق.”

🌟 ابدأ صيامك وإنتِ مصدّق إن ربنا قادر يحرك جبلك… يفتح بابك… ويديك فوق ما تتخيل.
كل سنه وانتوا طيبين ❤️

النهارده "حكيم الفلك" هيطلّ علينا بحكاية جديدة…🌟
حكاية فيها من كل بيت حِتّة،
ومن كل قلب عِبرة،
ومن كل مسئولية درس للحياة. 🌿

جلس حكيم الفلك على كرسيه الخشبي المعتاد،
وحوله ناس كتير تسمع في هدوء.
ابتسم وقال:
"يا أولادي… كل بيت جواه صراع صغير على المسئولية،
بيبدأ بصوت هادي جوا النفس يقول:
(أنا هعملها أحسن).

بس ورا الجملة دي،
في أوقات بيكون عدم وضوح في الأدوار،
أو غياب في التواصل،
أو حتى خوف من إن التاني مايكونش قد الثقة.

وساعتها تتحول المسئولية من شِركة لحلبة منافسة،
وكل واحد يحاول يثبت إنه الأجدر.
لكن الحقيقة؟
المسئولية عمرها ما كانت سيطرة،
دي دايمًا دعوة للمشاركة."

رفع عينيه وقال بهدوء:
"علشان الصراع ده يهدى،
اتعلموا توزعوا المهام بوضوح،
اتكلموا، شاركوا، اسمعوا بعض.
المسئولية مش مين يوجّه،
لكن مين يحتضن."

وبعد شوية صمت، تابع وقال:
"وفي بيوت تانية، الصراع مش على المسئولية…
ده بيكون على الهروب منها.
واحد يختفي وراء كلمة (مش فاضي)،
وواحدة تقول (تعبانة ومليش نفس)،
وأوقات الخوف من اللوم يخلي الناس تسيب مكانها في السفينة.

لكن افتكروا "جاء ليَخدم لا ليُخدم"
اللي بيهرب من المسئولية، بيهرب من فرصة حب ونضج.

السبب؟
يمكن الخوف، يمكن التعب، يمكن المشغولية أو التعود.
لكن الحل؟
مش في اللوم،
بل في الشركة الحقيقية…
ادخل شريكك في كل التفاصيل،
اسأله بدل ما تتهمه،
وشجّعه بدل ما تراجعه.

لأن السؤال قبل الاتهام،
هو أول خطوة في بناء بيت فيه سلام."

ثم مال للأمام وقال بصوت دافي:
"ولما الأدوار تغيب،
كل حاجة في البيت بتتلخبط،
ويبقى فيه طبع صعب،
وبدل القرب يحصل تباعد،
والمشاكل تكبر من حاجات صغيرة."

"وفي بيوت تانية، المشكلة مش صراع ولا هروب،
لكن التحميل الزائد…
اللي شايل فوق طاقته علشان الكل يرتاح.
بس يا ولدي، أوقات الزيادة دي بتكسر، مش بتقوّي.

التحميل الزائد بييجي من المتطلبات الكتير،
ومن سوء التقدير للطاقات.
علشان كده لازم نوقف ونراجع:
هل اللي بنعمله بحب ووعي،
ولا بس عشان نثبت إننا نقدر؟

اسأل نفسك:
أنا محتاج شريك، ولا محتاج أرتاح، ولا محتاج دعم؟

الحل دايمًا في الشركة،
وفي الصبر،
وفي كلمة تشجيع من القلب بدل النقد."

"ولما تسألوني:
إزاي أتعامل مع المسئولية بطريقة متزنة؟
أقولكم:
قوّوا فكرة الشِركة،
وحدّدوا المسئوليات من غير غموض،
وافتكروا دايما ان الله هو المسئول الأول وبيقود الدفه 🙏
وفي النهايه احب اعرف منكم ايه الموضوع اللي تحبوا احكيلكم عنه المره الجايه؟

✨ "كونوا أنتم أيضًا متسعين" (2 كو 6:13) ✨
📖 ما هو الاتساع؟
هو عكس ردود الأفعال المبالغ فيها والانعزال…
الاتساع يعني سعة القلب وتقبل الآخر، والظروف، والاختلافات بروح هادئة. 🌿

🚫 الأسباب اللي بتخلي الاتساع صعب:

الطبع البشري
الضغوط الخارجية
الاختلافات الشخصية
التوقعات العالية
ضعف العلاقة مع الله

🛠️ تدريب عملي:

اسمع بدون مقاطعة 🎧
سامح بسرعة 🤝
كن مرنًا 🌿
تمهّل في ردود فعلك ⏳
اشكر على كل حال 🙏

🌸 البركات:
سلام – تربية صحية للأبناء – قوة – رجاء وبنيان

📖 "كونوا أنتم أيضًا متسعين" (2 كورنثوس 6:13)
✨ في انتظاركم في اجتماعنا الشهري
📌 الكلمه "كونوا متسعين" مع أبونا مرقس انور
🗣 "التشجيع لأولادنا" مع جينا
📅 الجمعة 12 سبتمبر 2025
🕡 الساعة 6:30 مساءً
📍 المكان: قاعة المناسبات
👶 متاح خدمة للأطفال.

السلام لكِ يا مريم، الحمامة الحسنة، التي ولدت لنا الله الكلمة 🕊️
كل سنه وانتوا طيبين 🤍