Nono store

“الشغف مش دايمًا صوت عالي بيقولك امشي هنا… ساعات بيكون همسة صغيرة جواك، بتتكرر لحد ما تلاقي نفسك مش قادر تتجاهلها.”

طيب يعني إيه أكتشف شغفي؟

ناس كتير فاكرة إن الشغف بيظهر فجأة… زي لمبة بتنور. والحقيقة؟
ان الشغف رحلة استكشاف، مش زرار “أون أو أوف”.

الشغف محتاج منك:
• فضول
• تجارب
• وأسئلة صادقة مع نفسك.

كيف اكتشف شغفي ؟!

1. ارجعي للطفولة
اسألي نفسك: إيه أكتر حاجة كنتِ بتحبي تعمليها وإنتي صغيرة؟
اللعب بالرسم؟ الحكي؟ حل الألغاز؟
الشغف ساعات بيكون مختبئ في ذكريات زمان.

2. جربي وتقبلي الفشل
لو كل تجربة جديدة بتخافي منها، عمرك ما هتعرفي شغفك.
جربي، حتى لو مش “مضمونة”. التجارب هي اللي بتكشفك ليكي.

3. لاحظي الطاقة
إيه الحاجة اللي لما تعمليها، الوقت بيجري من غير ما تحسي؟
إيه النشاط اللي بيخليكي تحسي بالسعادة وانتي بتعمليه بدل التعب؟
ده مؤشر ذهبي.

4. اسألي نفسك “ليه”؟
مش كفاية تحبي حاجة. اسألي: ليه بحبها؟ بتدي معنى لإيه في حياتي؟
الشغف الحقيقي دايمًا متصل بالمعنى.

ليه مهم تكتشفي شغفك؟
لأن الشغف هو اللي بيخلي الشغل مش مجرد “وظيفة”، بل رسالة.
هو اللي بيخليكي تصحي كل يوم وفيكي طاقة حتى لو الدنيا صعبة.
هو اللي بيربطك بجواك ويخليكي مستمرة.

“الشغف مش مجرد هدية بتوصلك بالبريد… الشغف بتبنيه خطوة بخطوة، من فضولك، من تجاربك، ومن جرأتك إنك تسمعي صوتك الداخلي

#الشغف

كل يوم بتبدأي بنيّة الهدوء… وتنتهي بالصريخ والدموع!
طفلك بيرفض كل حاجة، وكل كلمة بتطلعيها بيرد بيها بـ “لأ”!
حاسّة إنك لوحدك؟ وإنك مش قادرة تفهمي طفلك ؟
الورشة دي ليكي… علشان تسترجعي هدوءك، وتفهمي ابنك، وتتعلمي أدوات عملية تغيّر جو البيت كله

ورشة فك شفرة العناد
هنتكلم فيها عن :
•ايه هو العناد وأنواعه
•مراحل العناد وأسبابه
•أشهر المشاكل التي تواجهك بسبب العناد
•تأثير العناد في علاقتك بأولادك وزوجك
• إزاي تتعاملي مع عناد طفلك من غير ما تفقدي أعصابك؟
• خطوات بسيطة وفعالة تخلي ابنك يسمعك… ويحترمك عن حب مش عن خوف.
• تمارين عملية هتكتبي فيها خطتك الخاصة للتعامل مع عناد طفلك

ورشة فيها فهم، دعم، … مش لوم ولا أوامر!
علشان انتي أم… وتستحقي تسمعي من طفلك: “شُكرًا يا ماما لأنك فهمتيني

موعد الدورة يوم الخميس 15 مايو
الدورة برسوم رمزية
للحجز والاستفسار التواصل خاص

المحاضر /مروه احمد
كوتش تربوي ومراهقين
اخصائية تعديل سلوك
اخصائية دعم نفسي

عايزة تربي طفل مستقل وواثق في نفسه؟

• خليه يحس إنه “يقدر” يساعدك، حتى لو بحاجات بسيطة زي لم اللعب أو ترتيب السفرة.
• لما تلعبوا سوا، سيبيه يقود اللعب… يختار اللعبة، يحط القواعد، ويجرب.
• لو فشل؟ مش نهاية العالم! شجعيه بكلمة: “أنا فخورة بيك إنك حاولت”، لأن الفشل أول طريق للنجاح.
• وبدل ما تدي له الحل على الجاهز، اسأليه: “إنت شايف نحلها إزاي؟” هتتفاجئي بأفكاره!

الاستقلال مش بيتكون في يوم، لكنه بيتبني من مواقف صغيرة، كل يوم.

إيه أكتر موقف حسيتِ فيه إن ابنك أو بنتك خد قرار لوحده وكنتي فخورة بيه