Driving wz me
Share
26/02/2025
فى غلطه لو بنوته عملتها مش هتقدر تتعلم سواقة بسهوله 🚘
وهى التعديل على كلام الكابتن وعدم سماع الكلام 👂🏼
(بلاش تحطى التاتش )❌❌❌
ازاااى🙄
مثلا وده ممكن يكون موقف من 10
انا /يالا داخلين ع مطب أبدأى هدى السرعة 😉
رد العميله /لسه بدري ياكابتن المطب بعيد 🫤
مره ف مره اقول واعيد وكل مره ممكن اسمع نفس الرد 🫢
فى الوقت ده انا بقرر اسكت خالص🤐 لحد ما العميله تاخد المطب بسرعة 🫣
وبعدها بخليها تركن وبفهمها بالراحه ان اهو ده نتيجه عدم سماع الكلام والتأخير ف رد الفعل اللى المفروض جايه تتعلميه ف الوقت المناسب
أخدنا المطب بسرعة، وملحقناش نهدي! طب لو كان ده عربيه ادامنا بتهدى او بنى ادم مثلا 🫢
“اسمعى الكلام وأسألني بعدها.😍
يعني لما أقولك هدي السرعة، تهدي! ولو مش مقتنعه، اسألني بعد ما تهدي: (هو ليه إحنا قللنا السرعة؟).
لكن مينفعش تجربى أو تمشي بدماغك، ده ممنوع عشان سلامتك وسلامه اللى حواليكى❌
كان ممكن اهدى العربيه بكل سهولة لكن لو كنت عملت كده، العميلة دى مش هتسمع الكلام في أي حاجة بعد كده،😃
وكنت انا هفضل اللي بهدى العربيه وامسسك معاها الدريكسيون طول الكورس! ❌
وده طبعاً مش هيخرجنا بأي نتيجة.
ولا عمرها هتتعلم سواقه
#ليه #بقا؟ 🤔
لأن لو مقدرتش اعودك كعميله انك تسمعى الكلام مش هتخرجى بأى استفاده
أنا بنزلك من تانى يوم وسط الناس والزحمه وبأسسك و بأهلك انك تسوقى لوحدك فلو التأسيس ده مش مضبوط، مش هتعرفى تنزلى بين العربيات لوحدك من غير مشاكل
وزى ما دايما بقول دى امانه (انتى وعربيتك عندى امانه )😍
لو هتتعلمى سواقة، سيبى نفسك للمدربة واسمعى كلامها، ولو مش مقتنعة، اسأليها بعد ما تنفذى مش قبل، لأن الموضوع بيكون محسوب بجزء من الثانية ! وبلاش تشغلى دماغك وتحطى التاتش بتاعك علشان أنتى مبتدأة ولسه تقديرك للأمور
غير سليم
#كابتن #ايناس #زكى
#تعليم #سواقه
Click here to claim your Sponsored Listing.
