Fatma Medhat

الابمانيات تظهر عند الخلاف

النهاردة كنت ماشية في السوپر ماركت وفجأة سمعت دوشِة حاجات عمالة تتكسر. مشيت ناحية الصوت من خلال ممرات السوپرماركت وشوفت إن بعض الناس عمالة تهمس في ودان بعض وهمَّ بيبحلقوا في حد. كانت واحدة ست كبيرة في السن وكانت لسه خابطة رف مليان أطباق وكوبيات بالتروللي بتاعها وكتير منه وقع متدشدش. لقيتها راكعة على الأرض في نص هدومها من الكسوف وعمالة تِلِّم الحتت المكسرة في الوقت اللي جوزها نازل يشيل الورقة اللي عليها الرقم من كل حاجة اتكسرت وبيقول لها: شفتي؟؟ دلوقت لازم ندفع ثمن كل ده.
المشهد كان مُحزِن للغاية. حد حصلت له ظروف صعبة وكل العينين كانت عليه. ولما وطيت جنبها علشان أطمنها، لقينا شاب جه وركع جنبنا وقال للست: سيبي كل حاجة. احنا هنِلِمَّها. احنا محتاجين بياناتك علشان ناخدك المستشفى علشان دكتور يبص لك على الجرح اللي في ايدك ده. الست بصت له خجلانة وهي بتقوله: لا أنا لازم ادفع ثمن كل ده الأول. بس الراجل رد وقال لا يامدام. احنا عندنا تأمين للخسائر اللي من النوع ده ومش مضطرين ندفع حاجة.
ولما قام الراجل، ادركت إنه كان وصَّل كل المعلومات لمدير المحل وطلَّع العميلة بسرعة.
—————————————
لكل اللي قرا القصة لحد هنا،
احب اطلب دقيقة من وقتك.
في المكان اللي انت فيه دلوقت
غمض عينيك وتخيل الله بيعمل لك نفس الشىء.

تخيل وانت ماشي في حياتك كسرت كل حاجه..
منها ال جرحك
ومنها ال ابكاك
ومنها الي ظلمك
ومنها الي تخلى عنك
ومنها ال اتكسر ومينفعش يتصلح
هتعمل ايه.....
تفضل في الارض تبكي علي حالك؟
ولا تسمع كلام المنادي وتقوم؟
تقوم امتي وازاي وتمسك في مين ..
ومين الطبيب ال يعالج جرحك؟

ده بيكون مفترق طرق
اما تسيب نفسك للشيطان
يحزنك ويكدرك
ويقهرك
او
تروح للملك عنده اقوي
بوليصة تأمين
هيسد منها فاتورتك
عنده الرحمه .
عنده العطايا.
عنده المغفره ..
عنده انشراح الصدر.
عنده العوض عن كل الدنيا..
الله لاتنفذ خزائنه .
الله لا يرد سائلا..
الله خلقك ويعلم ما يصلحك..
ربنا بيحبك لانك عبده الذي خلقه

الله ينادي عليك اذا تركته ويقول لك:
عبدي الي اين تذهب اوجدت ربا غيري
ام وجدت رحيما سواي.....
الحسنة عندي بعشر امثالها
وازيد والسيئة عندي بواحده وقد اعفو...

اطرق باب ربك
فهو ينتظرك.
لا تتاخر لان الله يحب ان يسمع صوتك بالدعاء
ويحب الالحاح عليه ع الدوام
وادعي بيقين لأنه هيسمع وهيلبي دعاءك
لانه أقرب اليك من حبل الوريد.
اطمئن فربك لا يأتي اليك الا بالخير.
وعوضه بيكون بعطاء وفير
وعوضه عظيم فوق خيالك
يجيب فهو رب كل مستحيل.
فكل شيء على الله يسير .

منقوول بتصرف


#يقين
#تفويض
#توكل