Growth Hack Academy

ليه أغلب الإعلانات بتفشل؟ وإنت ممكن تتجنب ده إزاي؟
أغلب الناس لما تيجي تعمل إعلان، بتحط صورة حلوة وكلمتين كبار زي:
"سارع بالشراء"، "افضل منتج في السوق"، "عرض مش هيتكرر".
وتلاقي الإعلان اشتغل… والمبيعات ما اشتغلتش.
ليه؟
عشان الإعلان مش معمول للناس، الإعلان معمول عشان يفرح صاحب الإعلان نفسه.
لو عايز تعمل إعلان يجيب نتيجة حقيقية، لازم تفهم إن الإعلان مش بيبيع المنتج. الإعلان بيبيع الحل اللي المنتج هيقدمه للناس.
يعني بدل ما تكتب "أفضل برنامج تدريبي في الوطن العربي"، اكتب للناس ازاي البرنامج هيغير حياتهم، أو يحل المشكلة اللي هم بيعانوا منها.
مثلا:
"اتعلم تعلن صح عشان فلوس إعلانك متروحش في الهوا."
الإعلان الناجح بيعتمد على ٣ حاجات:
١. تعرف انت بتكلم مين
يعني مين جمهورك؟ سنه كام؟ بيدور على إيه؟ مشاكله إيه؟
٢. تعرف تحلله مشكلته
مش تتكلم عن نفسك، اتكلم عن اللي بيحتاجه، كأنك بترفع عنه حمل تقيل.
٣. تخليه يعمل حاجة بعد ما يشوف إعلانك
تقوله ببساطة يعمل إيه: "سجل"، "اتصل"، "احجز"، "كلمنا"، من غير لف ولا دوران.
لو فهمت التلات نقط دول، هتلاقي الإعلان بدأ يشتغل صح، حتى لو الميزانية قليلة.

الخلاصة كده
الإعلان الشاطر مش اللي شكله حلو. الإعلان الشاطر هو اللي بيوصل رسالة الناس بتحس بيها وبتخليهم يتحركوا.

يعني إيه Conversion؟ وليه الإعلان مش جابلك ولا عميل؟
إنت عملت إعلان… صرفت عليه قرشين حلوين… مستني الدنيا تنهار من كتر الطلبات…
وفجأة:
الإعلان اشتغل... والجمهور نايم، ولا كأن في حاجة حصلت!
طيب إيه المشكلة؟
المشكلة يا سيدي إنك مركز على إن الناس "تشوف الإعلان"، ومش مركز على "تحولهم لعملاء".
يعني إيه Conversion؟
ده لما حد يشوف إعلانك ويعمل الفعل اللي إنت عايزه:
يشترك في الكورس
يطلب المنتج
يدخل يكلمك على واتساب
يسجل بياناته
كل دي اسمها Conversions.
يعني مش كفاية يشوف الإعلان… المهم يتحول!
وده بيحصل إمتى؟ لما:
تبقى عارف جمهورك كويس (مش بتكلم كل الناس وخلاص).
يكون عندك Call To Action واضح (يعني تقوله يعمل إيه بعد ما يشوف الإعلان).
يكون عرضك مغري ومميز (مش تيشيرت بـ ٧٥٠ جنيه ومكتوب عليه "عادي يعني").
لو بتستخدم Meta Ads، ركّز في الحملة على هدف اسمه "Conversion" مش "Reach" أو "Engagement"
ممكن تجيب لايكات بالعافية، بس ده مش معناه إنك بتبيع.
الخلاصة: لو بتدفع فلوس في إعلان، خليه يشتغل لحسابك، مش لحساب الفيسبوك بس.

في المقالة دي هنتكلم عن سابع مرحلة العميل بيعدي عليها وهي الـ Advocate
ودي نقدر نقول فيها انكم بقيتو صحاب وصاحبك ده هيتكلم عنك بالخير من غير ما تطلب منه
تعرف ايه هو أقوى إعلان في العالم؟
كلمة حلوة من عميل مبسوط
ليه Advocate مهمة جدًا؟
لأن الناس بتصدق الناس أكتر من الشركات (علشان كدا ظهر الـ UGC)

لأن توصية صديق أو زميل أقوى من 10 إعلانات علشان ده صحبي الي كتفي في كتفه وكدا

بس خد بالك
الفرق بين Advocate وPromoter:
Promoter: ممكن يكون بيشجعك لأنه خد خصم أو مقابل مادي او انت عملت عرض الفيدباك = شيئ معين

Advocate: بيشجعك لأنه مقتنع فعلاً وبيحب تجربته معاك

إزاي تخلي عملاءك Advocates؟

قدّم قيمة حقيقية عارف انها كلمة مطاطة جدا جدا بس هي دي الإجابة
وانت وشطارتك الي بيفرق بيزنس عن التاني هو انه يعرف يقدم قيمة حقيقية اصلا.
أهم أدوات الـ Digital Marketing اللي بتخلق Advocates:
. Email Marketing
ابعت Surveys بعد الخدمة تسألهم: "هل تنصح بينا؟"

اطلب تقييم أو Testimonial لو كان راضي

شارك محتوى يستحق على مزاجة في الإيميلات

لسه مفيش نتيجة؟ طيب خلينا نروح اننا نعمل Promoter

اعمل مسابقات فيها الناس تكتب عن تجربتهم

انشر Reviews وTag أصحابها

اعمل Video Testimonials

نيجي بقا لاهم حاجة هتساعدك في الموضوع ده وهي الـ
Referral Programs (بونص إضافي)
برامج إحالة تخلي العميل ياخد خصم أو هدية لما يعرف ناس عليك

وخلي دايما هدفك انك تبني قاعدة من الناس اللي مقتنعة بيك، وبتسوق ليك من قلبها.
وده بيخلي "العملاء الجدد" ييجوا أسهل، وأسرع، وبثقة أكبر.
دي كانت المقالة الـثامنة من مقالات نتعلم التسويق من الصفر متنسوش تشوفو باقي المقالات بتاعتنا

هل فكرت قبل كده في الـ "قوة الـ Storytelling" في التسويق؟
الناس بتحب القصص
أنت نفسك لما تشوف بوست مليان حكاية حقيقية، بتستمتع أكتر، صح؟
ده نفس الشعور اللي بتتطلبه في التسويق.
لوعايز الناس تتفاعل مع محتواك، لازم تحكي لهم قصة،
قصتك، قصة العميل، أو حتى قصة المنتج اللي بتقدمه.
إزاي تبدأ؟
1- ابدأ بالمشكلة
خلي القارئ يحس إنه في نفس الموقف
خليهم يعرفوا إنك فاهم همومهم
2- اعرض الحل
خلي الحل بتاعك طبيعي ومتناغم مع القصة
متحاولش تبيع المنتج بشكل مباشر، خلي المنتج هو البطل في القصص
3- نهاية مفيدة أو ملهمة
مش لازم النهاية تكون سعيدة دايمًا، لكن خليها تقدم قيمة أو درس
خلي الجمهور يخرج من القصة بشيء جديد
ليه القصص مهمة في التسويق؟
القصص بتخلق ارتباط عاطفي مع جمهورك، وده بيزيد فرص التفاعل
الناس مش بس عاوزة معلومة، هم عاوزين يشوفوا تجارب حقيقية وملهمة
عايز تعلم كيف تكتب قصة لعلامتك التجارية؟
ابعتلي رسالة الآن، هنطور مع بعض استراتيجية قصص تجذب جمهورك

الـ CTA بتاعك ضعيف؟
محدش بيضغط؟ محدش بيتفاعل؟
المشكلة مش في الجمهور، المشكلة فيك
المسوّق الطموح، اللي بيكتب بوستاته من قلبه،
لو الناس بتتفرج وتمشي، يبقى فيه حاجة ناقصة في آخر البوست…
وغالبًا هي الـ CTA
أنا هنا علشان أقولك إن أقوى محتوى في العالم
من غير CTA واضح = صفر نتائج.
هقولك على خطوات بسيطة
تخلي أي CTA عندك يقلب الموازين ويخلي الناس تتحرك:
1- قول للناس تعمل إيه بصراحة
"اكتب في الكومنت"، "حمّل الكتيب"، "سجّل في السيشن"
متتكسفش، خليك واضح ومباشر.
2- اربط CTA بحاجة الناس عايزاها
يعني بدل ما تقول "انضم للجروب"،
قول "انضم للجروب وهيوصلك أول بأول أدوات تسرّع شغلك."
3- خلي الفعل مغري
"جرب"، "اكتشف"، "ابدأ"، "احصل"
أفعال بتحرك، مش بتتقال وخلاص.
واللي بيكتب CTA عايم، بياخد تفاعل عايم، أو ما بياخدش أصلاً.
لسه محتار تكتب إيه؟
جرب تكتب CTA بالطريقة دي وهتشوف الفرق

إزاي المحتوى بتاعك يعيش ويخلي جمهورك دايمًا يختارك؟
التأثير أهم من الأسلوب ✨
دي أول حاجة مهم تشتغل عليها وأنت بتكتب، لإن بمجرد اهتمامك بتقديم قيمة حقيقية بتكون أنت الاختيار الطبيعي لعملائك لما يكونوا جاهزين للشراء.
في 4 مراحل عميلك بيمر بيها مهم تعرفهم:
المرحلة الأولى: مش عارف ان عنده مشكلة وبالتالي لو قدمتله حل مش هيبقى ليه قيمة في اللحظة دي.
المرحلة الثانية: بدأ يدرك المشكلة بس مش مهتم بالحلول دلوقتي، وهنا دورك توضحله تأثير المشكلة.
المرحلة التالتة: المشكلة بقت واضحة بالنسباله وعارف إنها لازم تتحل بس لسه بيدور على الحل الأنسب.
المرحلة الرابعة: هو خلاص محتاج يحل المشكلة دلوقتي وده في الغالب لو أنت مش معاه من المرحلة الأولى ف هو بيروح لأقرب منافس كان معاه من البداية.
ف لو اهتميت بس إنك توصله في المرحلة الرابعة ف أنت كدة ضيعته منك
عشان كده حاول تكون محاوط عميلك من البداية، قبل ما حتى يعرف أن عنده مشكلة
عشان لما يحتاج الحل تبقى أنت أول اختياراته

ليه الإعلان مش بيجيب نتيجة؟ السبب مش الفلوس!
كتير بنسمع جملة:
جربت إعلان ممول… صرفت كتير… ومفيش نتيجة!
طيب ليه ده بيحصل؟
المشكلة مش في الإعلان نفسه…
ولا في الفلوس اللي دفعته
المشكلة الحقيقية بتبدأ قبل ما تضغط على "نشر".
تعالى نرجع خطوة ورا… واسأل نفسك:
1. هو أنا بكلم مين؟
لو مش محدد جمهورك الصح، فالإعلان هيروح لناس مش مهتمة، وده معناه: صفر تفاعل.
2. هو أنا فاهم مشكلته؟
الإعلان مش بيع… الإعلان حل.
لو عميلك مش حاسس إنك فاهم وجعه، مش هيكمل قراءة، ولا هيضغط على اللينك.
3. هو أنا بكلمه بلغته؟
مش كفاية تتكلم "عربي".
لازم تتكلم بالطريقة اللي هو بيحب يسمعها.
يعني لو جمهورك شباب بيحبوا البساطة، ما ينفعش تكلمه بلغة معقدة.
4. هل الرسالة واضحة؟
الناس مش هتقعد تحلل.
لو الرسالة مش واضحة في أول 3 ثواني… خلاص، سكروول!
الإعلان الناجح مش بالفلوس… الإعلان الناجح بيبدأ بفهم العميل.
تفهم هو مين، بيفكر في إيه، وإزاي توصله الحل اللي بيدور عليه… بلغة هو يفهمها ويحسها.
عايز إعلانك يشتغل؟
ابدأ بالعميل… مش بالمنتج.