Coach Rasha Diab

3 خطوات بسيطة تساعدك تتخلصي من الخوف من الزواج

نفسك في الخطوبة والجواز وتكوني أم زي كل البنات، بس خايفة من الجواز والارتباط، أوقات بتلاقي نفسك بتهربي من الموضوع أو تحاولي تبوظيه، تلاقي نفسك بتتلككي على حاجات تافهة عشان ميكملش، وأوقات تانية بتبقي مرعوبة أنه يكمل وتسألي نفسك
"هو أنا لو اتجوزت هاكون مبسوطة؟ ولاا حياتي هتبوظ زي فلانة؟"
السؤال ده يمكن بيطاردك كل ما تسمعي كلمة جواز

الخوف من الزواج مش ضعف ولاا هيفضل موجود لو قررتي تتعاملي معاه لانه رسالة من جواكي ان فيه معتقدات أو مشاعر محتاجة تتحرر
يمكن شوفتي علاقات حواليكي كلها مشاكل وخناقات
لكن الحقيقة ان الجواز في حد ذاته مش المشكلة، المشكلة في الحاجات اللي شايلاها جواكي ولسه متحلّتش
لما تشتغلي على صدماتك القديمة ومعتقداتك السلبية، هتعرفي تختاري شريك مناسب ليكي وتدخلي علاقة صحية، تشوفي نفسك مرتاحة ومطمنة وتحسي بالسعادة والرضا جواها🤗

🌱ودي خطوات عملية بسيطة تساعدك:

1. اكتبي كل المخاوف والمعتقدات اللي عندك عن الجواز على ورق
2. اسألي نفسك: "المخاوف والمعتقدات دي بتاعتي أنا ولاا متوارثة من أهلي والمجتمع؟"
3. ابدأي اشتغلي على تغييرها واحدة واحدة
ولو لسه مش عارفة تتعاملي مع أي معتقدات أو مخاوف ابعتيلي رسالة عشان تبدأي رحلتك في اكتشاف
نفسك وتحلي اللغز اللي جواكي 💖

#علاقات




#الكويت #السعودية
#دبي #الامارات

كل تصرف بيضايقك مش لازم يكون معناه ان الناس وحشة
ممكن يكون معناه انهم زيك اوقات بيقابلوا تحديات في حياتهم

#علاقات



#الامارات #دبي
#الكويت #السعودية

عشان انتي لسه مش عارفة تعيشي حياتك بعد انفصالكم، ده مش معناه انك مش هتقدري 🥰

بعد انفصالك عنه بتروحي اماكن كنتم فيها سوا، أو كل شويه تفتحي تليفونك وتبصي على صورك معاه، تفتحي فيسبوك أو انستجرام عشان تعرفي اخباره😔
مع ان عقلك عارف ان الانفصال كان لازم يحصل وان مش هو ده الشخص اللي هتكملي معاه حياتك، لكن مشاعرك بتحركك، نفسك ترجعي زي الاول قبل ماتعرفيه وانتي مُقبلة على الحياة، بتخرجي وتتبسطي مع اصحابك، نفسك تنسيه واللي حواليكي بيضغطوا عليكي عشان تعدي اللي حصل

وانتي بتقولي لنفسك: "ايوه عارفة ان الصح اشوف مستقبلي واكمل حياتي بس مش عارفة اعمل كده، مش قادرة"

انا عارفة الاحساس ده كويس ومش جاية اقولك انك دلوقتي هتقدري
بس اللي جاية اقولهولك ان هيجي الوقت اللي هتقدري وهيكون قريب اوي لما تسمحي لنفسك تحسي بكل الألم والغضب وكل اللي انتي حاسة بيه،خدي وقتك وعيشي كل المراحل لحد ماتتقبلي اللي حصل، بعدها هتحسي ان في حاجة جواكي اتغيرت وممكن تكوني مستغربة منها بس هتحبيها، هتحبي نسختك الجديدة اللي بقت مُتقبلة وواثقة في نفسها بعد ما اتعلمت، هتبقي مبسوطة وفخورة بنفسك انك قدرتي تعدي وتكملي🤗 وهتعرفي انك دلوقتي بس تستحقي الاحسن

ولو وقفتي في نص الطريق ابعتيلي عشان اخد بايدك وتكملي لحد ماتوصلي 💞


#علاقات


#الامارات #السعوديه
#الكويت #دبي

✨️ أسوأ غلطة ممكن تعمليها وانتي بتبدأي دايت أو أي نظام أكل صحي✨️

من العلاقات الممتعة اوي بالنسبة لينا علاقتنا بالاكل، وانتي بتأكلي كده الجاتوه اللي بتحبيه أو تضربي حلة محشي ورق العنب ولاا الحمام المحشي أو البيتزا بالليل 😅 وجمل زي : اللمة الحلوة بتفتح النفس، والبحر بيجوع، والأكل بيدفي
(دي كانت جملتي زمان في الشتا🤭)

وطبعا بعد ماالأكل حطيناله معاني هو اللي مجمعنا، وهو اللي مدفينا ، وهو اللي مفرحنا 🤣
ياعيني الدايت الغلبان يبقى معناه على طول حرمااااااان

بس خليني اقولك ان في نوع من الأكل مش بيكون بسبب الجوع اسمه emotional eating
أو الجوع العاطفي وده بيكون بسبب الهروب من المشاعر يعني تبقي زعلانة أو متوترة أو أي شعور ومش عايزة تحسي بيه فتلاقي نفسك رايحة جاية على التلاجة، ومش عارفة توقفي

وده بيحصل ليه؟
لان نوعية الأكل دي بتفرز مادة الدوبامين اللي بتدي سعادة فورية فتحسي بالاستمتاع والعقل يربط الأكل بالراحة أو المكافأة، ويتسجل عنده ان الأكل مصدر متعة كأنه حضن مؤقت وبعد ماتخلصي يجي الشعور بالذنب وتعدي تلومي نفسك

💡والحل؟

💫 اسألي نفسك قبل ماتأكلي : انا فعلا حاسة بالجوع؟
لو الاجابة ايوه تأكلي عادي من غير أي تأنيب لانك انسانة وجسمك محتاج الأكل

ولو الاجابة لاا مش جوع حقيقي
هتسألي سؤال تاني: طيب انا حاسة بايه دلوقتي؟
وفي الحالة دي تقبلي الشعور اللي انتي حاسة بيه واسمحي لنفسك انك تحسيه عشان يخلص بسرعة

💫 ممكن تعدي وتشربي ميه لان أي تغيير خارجي ولو بسيط هتعمليه، هيعمل تغيير جواكي

💫 ممكن تكتبي اللي حاسة بيه أو تمشي شويه أو تعملي هواية تحسسك بمتعة🤗

💫الحل الأهم: نغير معنى الأكل بالنسبة لينا، الأكل هو مجموعة مكونات اتخلطت مع بعض لها ريحة ومذاق حلو بنحافظ بيه على جسمنا وصحتنا
مجرد مكونات مش اكتر😀

دي حلول مختلفة اختاري منها الحل اللي يناسبك ويكون سهل تواظبي عليه🥰

لحجز الجلسات: اكتبي كلمة (مهتمة) وهابعتلك التفاصيل💟

#علاقات

ليه قررت احط حدود؟ وازاي القرار ده غيّر في علاقاتي؟

✨ العلاقات الصحية محتاجة حدود واضحة ✨

بس في فرق كبير بين انك تحطي حدود، وانك تبني اسوار بينك وبين الناس
الحدود مش معناها انك تبعدي عن الناس وتقسي على نفسك أو تقسي عليهم بالعكس دي وسيلة بتحافظي بيها على قربك منهم وفي نفس الوقت تكسبي نفسك😃

🍀 الحدود بتقول:
"أنا بحبك، وباحترمك، وباحترم نفسي كمان"

"أنا موجودة عشانك، بس كمان محتاجة أكون موجودة لنفسي"

💡لما تحطي حدود:
بتحمي طاقتك من الاستنزاف

بتتجنبي الاحساس بالضغط أو الاستغلال

بتخلي العلاقة فيها راحة وأمان للطرفين

وافتكري دايمًا ان اللي بيحبك فعلا، هيحترم حدودك، ومش هيشوفها حواجز، لكن هتكون جسور تقربكم وتوصّل بينكم اسرع 🤗

للاستفسار وحجز الجلسات: ابعتيلي رسالة inbox 💟

#علاقات