D E R M I V A

وقفي تنشيف في بشرتك.. إنتي كدة بتدمريه مش بتنظفيه! ❌
​لما بتستخدمي غسول قوي يخلي وشك "يزيق"، بشرتك بتخاف وبتفرز "زيت" أكتر عشان تحمي نفسها من الجفاف اللي سببتيه. ⛈️
​السر كله في (مرطب طبي مناسب) على بشرة منديّة، هو ده اللي هيطفي اللمعة ويوقف الحبوب فوراً. ✅
​اكتبيلي في كومنت بتستخدمي غسول إيه.. وهقولك هو اللي مبهدل بشرتك ولا لأ؟ 👇
تابعينا عشان تفهمي بشرتك مش تدميرها
DERMIVA
Understand Your Derma. Simply.

أكبر مقلب بنشربه في الصيدلية.. "بشرتي بتزيّت يبقى محتاجة أنشفها!" ❌
​صلي على النبي وركزي في الكوم كلمتين دول عشان هيوفروا عليكي فلوس 💵💸💵💳💳كتير..
​عارفة لما تلاقي بشرتك بتفرز دهون وبزيادة، فتروحي تجري تجيبي أقوى غسول "ينشف" الزيت ده، وبعدها تلاقي بشرتك قشرت، اسمرت، والحبوب زادت؟
​مبروك.. انتي وقعتي في فخ "البشرة العطشانة" (Dehydrated Skin).
​⚠️ الفكرة اللي هتغير جلدك:
بشرتك مش "دهنية" بس، بشرتك "مستغيثة". لما بتمنعي عنها المرطب وتستخدمي حاجات تنشفها، هي بتخاف وبتدخل في حالة دفاع عن النفس، فبتفرز "زيت" أكتر عشان تعوض المية اللي ضاعت منها!
يعني انتي بتنشفيها.. وهي بتزيّت أكتر من الأول.
​ازاي تعرفي إن بشرتك "عطشانة مية" مش "طبيعتها دهنية"؟
​لو غسلتي وشك وبتحسيه "مشدود" بس بعد ساعة بيلمع زيت.
​لو حطيتي ميك اب وبيخطط أو "بيجير" منك.
​لو بشرتك باهتة ومجهدة مهما نمتي.
​✅ ✅ ✅الحل في 3 خطوات (بدون رغي كتير):
​بلاش الغسول اللي بيخلي الوش "يزيق" من النظافة.. استخدمي حاجة لطيفة.
​المرطب (Moisturizer) مش رفاهية.. ده أساسي حتى لو بشرتك زيتية.
​حطي المرطب على بشرة "مندّية" (فيها شوية مية) عشان يحبس الرطوبة جوه.
​سيبينا من الكلام النظري..
اكتبيلي في كومنت اسم الغسول والمرطب اللي بتستخدميهم حالياً، وهقولك هل هما اللي مبهدلين بشرتك ولا لأ! 👇
​استنوا البوست الجاي.. هنتكلم عن "بعبع" البنات (الحبوب - Acne) وإزاي نعالجه من غير ما نسيب أثر.
​DERMIVA
Understand Your Derma. Simply.

مش كل مشكلة في البشرة معناها إن نوعها غلط 👀
صلي علي النبي كدا وافهمي معايا
كتير بنغير منتجاتنا ونقول
“أكيد نوع بشرتي مش مظبوط”
بس الحقيقة إن المشكلة غالبًا بتكون
حالة مؤقتة في البشرة مش نوعها الأساسي ✨
📌 أشهر حالات البشرة اللي ممكن تقابلك:
🔹 Acne | الحبوب
بتظهر بسبب انسداد المسام، هرمونات، أو منتجات مش مناسبة.
الحل مش تجفيف البشرة،
الحل توازن وتنضيف صح.
🔹 Dehydration | الجفاف
ممكن يحصل لأي نوع بشرة حتى الدهنية!
تحسي بشد، بهتان، ومكياج مش ثابت.
السبب غالبًا نقص مياه مش دهون.
🔹 Sensitivity | الحساسية
احمرار، حرقان، أو حكة بعد استخدام منتجات معينة.
وده معناه إن حاجز البشرة محتاج تهدئة وتقوية.
🔹 Pigmentation | التصبغات
آثار حبوب، شمس، أو تغيرات هرمونية.
بتحتاج صبر + حماية من الشمس قبل أي علاج.
🫶 المهم تعرفيه:
كل حالة ليها طريقة تعامل مختلفة،
ومش أي منتج نافع مع غيرك
ينفع مع بشرتك.
👀 في البوستات الجاية:
هنفرد كل حالة لوحدها
ونشرح تتعالج إزاي خطوة خطوة
وبأبسط روتين ممكن ✨
تابعينا وخلي بشرتك مفهومة مش متلخبطة 🤍
DERMIVA
Understand Your Derma

رجعنالكم تاني مع سلسلة تعليمية عن البشرة… ومستمرين معاكم خطوة خطوة
ازاي تعرفي نوع بشرتك صح؟ 💧✨
في البوست اللي فات فهمنا الفرق بين نوع البشرة (Skin Type) و حالة البشرة (Skin Condition)… النهاردة هنعرف علامات كل نوع بشرة وإزاي تتعاملي معاه بدون تعب:
أنواع البشرة:
Dry | ناشفة 💧
تشعري بشد بعد الغسيل، خطوط دقيقة، مسام مش واضحة.
نصيحة: استخدمي منتجات دهنية وترطيب كويس.
Oily | دهنية ✨
بتلمع خصوصًا في الجبهة والأنف والذقن (T-zone)، مسام واضحة.
نصيحة: منتجات خفيفة، غسول مناسب للبشرة الدهنية.
Combination | مختلطة 🔄
دهنية في T-zone وجافة على الخدين.
نصيحة: خلي كل منطقة تتعامل مع المنتج اللي يناسبها.
Normal | عادية 🌿
متوازنة ومفيهاش مشاكل واضحة.
نصيحة: روتين بسيط كفاية، مع ترطيب يومي.
نصيحة عامة:
قبل ما تشتري أي منتج، اسألي نفسك:
"هل المنتج ده مناسب لنوع بشرتي؟"
الفهم الصح = أقل مشاكل + روتين أسهل 🫶
البوست الجاي 👀
هنكلم عن حالات البشرة الشائعة (Acne – Dehydration – Sensitivity – Pigmentation) وإزاي تتعاملي معاها خطوة خطوة.
تابعونا عشان تستفيدي من كل جديد عن بشرتك

DERMIVA
Understand Your derma

من أكتر الأخطاء الشائعة في العناية بالبشرة 👀
إننا نخلط بين
نوع البشرة (Skin Type)
و حالة البشرة (Skin Condition)
والفرق بينهم هو الأساس لأي عناية صح.
Skin Type | نوع البشرة
ده الأساس اللي اتولدنا بيه، وطبيعة إفراز الدهون في بشرتك، وغالبًا مش بيتغير:
•Dry
بشرة ناشفة – دهونها قليلة وبتشد
•Oily
بشرة دهنية – بتفرز دهون زيادة وبتلمع
•Combination
بشرة مختلطة – دهنية في أماكن وجافة في أماكن
•Normal
بشرة عادية – متوازنة ومفيهاش مشاكل واضحة
🔹 Skin Condition | حالة البشرة
دي حالة مؤقتة بتمر بيها البشرة، وبتتغير حسب
stress – الجو – منتجات مش مناسبة – أكل – هرمونات،
زي:
•Acne
حبوب والتهابات
•Dehydration
نقص ميّه في البشرة (مش شرط تكون ناشفة)
•Sensitivity
حساسية واحمرار
•Pigmentation
تصبغات وبقع غامقة
📌 يعني إيه الكلام ده؟
ممكن تكون بشرتك دهنية بس dehydrated
وممكن تكون بشرتك جافة وفيها acne
❗ المشكلة بتحصل لما
نعالج الحالة
بمنتجات معمولة على نوع بشرة غلط
ساعتها البشرة بتتعب أكتر مش تتحسن.
💡 الفهم الصح = أول خطوة لعناية صح
وأي روتين ناجح بيبدأ من هنا.
استنونا ....في البوست الجاي 👇
هنفهم علامات كل نوع بشرة
وإزاي تعرفي نوع بشرتك صح
وتتعاملِي معاه من غير ما تتعبي بشرتك.
—
DERMIVA
Understand Your Derma. Simply.

بسم الله الرحمن الرحيم
في البداية هعرفكم مين أنا وهدف الصفحة
أنا طالب صيدلة،
واحد زي كتير مهتمين بالبشرة والكوزمتكس،
بس اكتشفت إن أغلبنا تايه…
منتجات كتير، آراء متناقضة، ونصايح ملهاش أساس.
من هنا بدأت فكرة DERMIVA.
الصفحة دي مش مكان فِتوى
ولا مكان بيع
ولا ادعاء خبرة
هي رحلة تعلّم حقيقية.
هشارك معاكم اللي بتعلمه:
أساسيات skincare ببساطة
نفهم المكونات مش نحفظ أسماء
نختار الصح ونبعد عن الغلط
من غير مبالغة
ومن غير تضليل
قال الله تعالى:
﴿وَقُل رَّبِّ زِدْنِي عِلْمًا﴾
والعلم لما يتشارك… بيزيد.
هدفي إننا: نتعلم سوا
نفهم سوا
ونكبر خطوة خطوة
بالعقل وبالنية الصافية.
لو مهتم بالعناية ببشرتك
ولو بتحب الفهم قبل التجربة
ولو حابب تمشي الرحلة دي معايا من أولها
وجودك وتشجيعك فرق 🤍
ربنا يكتب لنا الخير ويوفقنا وينفع بينا 🌿
مبدأ DERMIVA
العلم أمانة، والبساطة احترام، والصدق قبل أي حاجة.
Understand Your Derma. Simply.