Car Tech

#معلومه مهمة علشان نكون فاهمين ومنسمحش لحد يشتغلنا 💡
1 - هزة فى العربية قبل سرعة 100 كم/س ترصيص أمامى .
2 - هزة فى العربية بعد سرعة 100 : 120 كم/س ترصيص خلفى .
3 - هزة مع دوسة الفرامل طنابير .
4 - دواسة الفرامل محجرة سيرفو .
5 - تخبيط وترزيع مع الارض المكسرة جلب مقصات او بيض .
6 - عومان للعربية جلب مقصات او مساعدين خفيفة .
7 - رجة مع الطلعة " مانيوال فقط "
طقم دبرياج ( ديسك - اسطوانة - ... ) .
8 - خبطة مع الغيار " اوتو فقط " او تزنيدة قواعد مكنة .
9 - رعشة على السلانسية و تحس المراية بتتهز قواعد مكنة .
10 - الطارة مبتردش لوضعها الطبيعى بعد الملفات صليبة .
11 - طرقعة مع لف الطارة و العربية واقفة اسكترا .
12 - طرقعة او طقطقة مع الملفات كبالن .
13 - طرقعة فى الغيارات مع هزة كبالن داخلية .
14 - تزييق مع لف الطارة وتقل فيها بطاحات .
15 - استهلاك بنزين عالى " حساس شكمان - موبينة - سلوك بوجيهات - بوجيهات - رشاشات " .
16 - سخونية فى العجل تيل فرامل قافش .
17 - صوت عالى من بطن العربية او من الخلف مع سحب ضعيف شكمان .
18 - صوت عالى من حوض العربية من الاسفل مع سحب ضعيف كسر فى زور الشكمان او تنفيس .
19 - صوت كأن زلطة فى علبة صاج ... فحم علبة البيئة
دمتم سالمين وبخير ❤

#حساس الايدل Idle sensor أو ما يسمى حساس السرعة الخاملة (السلانسية) من الحساسات الهامة في السيارة ومن التقنيات الحديثة التي لا تتواجد في السيارات القديمة وتمت اضافتها حديثا لرفع كفاءة السيارات ورفع درجة حماية السائق والركاب ، ويقوم هذا الجزء بالتحكم في كمية الهواء المتوجه إلى المحرك، وبالتالي يساهم في عملية الاحتراق وزيادة عزم المحرك
#اعراض تلفه
1عدم المقدرة على تدوير محرك السيارة أو تشغيله بالصوره السليمه
2ايقاف تشغيل المحرك عند زيادة الاحمال
3ارتفاع عداد RBM أو عدم انتظامها
4حدوث رعشه في السياره علي السلانسيه
5استهلاك زائد في الوقود
#طرق إصلاحه
1التأكد من قراءة كود عطله علي جهاز كشف الاعطال
2تنظيف الحساس بعنايه عن طريق منظف اكاى وفرشة اسنان
3استبداله بحساس اخر.

بتظهر في عربيات كتير خصوصا الأفيو والاوبترا وغيرها وفي بعض السيارات بتظهر كلمة عموما لمبة الهولد لها زرار ومهمتها أنها تثبت العربيه علي الغيار التالت عشان تزود من عزم العربيه في مطلع أو عشان تعدى عربيه ..إنما لما تنور لوحدها بتلاحظ خنقه في العربيه وتقطيع وساعات ترزيع في عصاية الفتيس الاوتوماتيك ولها كذا سبب هاذكرهم بترتيب تأثيرهم علي ظهور اللمبه دى👇👇👇
*فيشة مشط الفتيس أو السيليكتور
*فيشة أو حساس الماب أو المانفولد
*فيشة حساس الكرنك
*فيشة حساس الكامه
لازم مراجعة الفيش دى وتنظيفها وملاحظة اى سلك ملمس أو مقطوع وفي بعض الأحيان تغيير الحساس نفسه ولتحديد السبب بدقه لازم دخول العربيه علي جهاز كشف الاعطال