Bit2ع Taswiq

الميديا باينج مش سيلز…
ودا مش مجرد جملة ترند، دي عقلية مختلفة بالكامل في شغل الماركتنج.

الميديا باير مش موظف سيلز شاطر في الإقناع، الميديا باير مهندس أرقام واستراتيجيات هدفه يوصل الإعلان للعميل الصح بأقل تكلفة وأعلى عائد ممكن.
مهمتي إني أختار المنصة الصح، الأودينس الصح، التوقيت الصح، والميزانية الصح… وأبني مسار إعلاني يخلي العميل يوصل لمرحلة الشراء وهو شبه مقتنع من نفسه.

البيع نفسه (Closing) جزء كبير منه بيرجع لمنظومة تانية:
- قوة المنتج أو الخدمة.
- تسعير مناسب للسوق.
- خدمة عملاء وسيلز فاهمين.
- تجربة مستخدم محترمة في الموقع أو المتجر أو الواتساب.

لو كل ده مش مظبوط، فحتى لو جبتلك ترافيك مستهدف بأقل CPC وCPM، هتخسر فرص ومبيعات بسبب المنظومة مش بسبب الميديا باينج.

دوري كميديا باير:
- أحلل السوق والجمهور، وأحدد مين المفروض يشوف إعلانك.
- أوزع الميزانية وأختبر الكريتيفز والأودينس بشكل ذكي.
- أقرأ الأرقام، وأعدل وأطوّر الأداء باستمرار.

مش دوري:
- أرد على كل عميل في الإنبوكس وأقنعه يشتري.
- أغير سياسة التسعير أو شكل الخدمة.
- أتحمل نتيجة منتج ضعيف أو عملية بيع غير منظمة.

باختصار:
الميديا باينج هو اللي يجيبلك الأشخاص الصح لطاولة التفاوض، لكن إقناعهم يكمّل باقي شغل الفريق، مش شغل الميديا باير لوحده.