Nine Hackers

اليوم في شغل ال pentester بيكون عامل ازاي ؟

بتلبس وتروح الشركة تشرب كوباية القهوة بتاعتك وتفتح اللابتوب وتسمي الله بتبدء اول حاجة تفتح الميلات عشان تشوف ايه الجديد هل في حاجة urgent هل في ميل مهم اتبعتلي هل في اي مشروع جديد, وفي الغالب على اساس الميلات بنتحرك.

الشغل يا بيكون مطلوب منك انك تعمل pentest على شركتك ذات نفسها وبيكون الغرض من وظيفتك هو حماية شركتك انت, او بيكون انك تعمل pentest على شركات اخرى وبتكون الشركة اللي شغال فيها غرضها توفير خدمة ال pentest للشركات الاخرى.

بعد كده بيكون فيه شوية مكالمات او meetings غرضها انك تفهم اكتر ايه المطلوب منك وايه المطلوب انك تعمل pentest عليه, بعد ما تفهم ال scope بتاعك بتبدء تنظم وتخطط ازاي تقدر تنفذه، اغلبية المشاريع اللي بنشوفها بتكون Applications سواء بقه web او mobile او api اغلبية السوق انهارده هو كده واحيانا بيكون فيه network و active directory ونادرا ما يطلب red teaming فا انت بتفهم ال scope وتفهم هيتعمل عليه ايه بالظبط وتسمي الله وتبدء.

لو ويب فا انت بتعتمد على مهاراتك بقه اللي درستها في انك تعرف الابليكشن كويس وتفهمه وتحاول تغطي كل جزء فيه وتطلع كل المشاكل اللي ممكن تكون موجودة.

لو موبايل نفس القصة وفي الغالب بتقسم شغلك static و dynamic.

ولو api مشابه للويب نوعا ما ولو نتورك او red teaming بتطبق اللي درسته وخبرتك طبعا بتفرق في انك هتعمل ايه وهتعمله ازاي.

واهم نصيحة انك تكون فاهم ال tools اللي بتستخدمها كويس مش تكون مشغل burp كا active scanner على production app وعمال ترمي في dummy data جوا ال database وفي الغالب يحصل مشكلة في الاخر وهكذا.

يعني ده تبسيط سريع ليوم الشغل بيكون عامل ازاي، لو حابين نتكلم اكتر عن حاجات بالشكل ده قولي في كومنت.

احدى محاولات كلود كود في انه يـ Generate كود Malicious نعدي بيه جزء الـ EDR, في الواقع هو اشتغل فعلا وعمل كود حسن بيه كذا جزئية, فا هل ادائه كويس, اة فعلا ادائه كويس ولكن انت بتقعد فترة طويلة عشان تخليه يعمل حاجة Malicious, ولكن هو ينفع تخليه يعمل حاجة Malicious بطريقة او بأخرى.

ولكن السؤال هنا هو انت فاهم هو عمل ايه هو كتب ايه هو ازاي بينتقي ويختار الطرق اللي هيعدي بيها من الـ EDR, في الغالب هتكون الإجابة لاء, وانا دايما لما بـ Develop اي كود بكون فاهم اقل جزئية فيه بتعمل ايه وليه وازاي اعدلها, ولكن مع الكود بتاعه انا بحس اني مش فاهم الكود اوي ده وانا ايه فاهم الكونسبت كويس اوي فما بالك بالي بيجرب وهو مش فاهم.

الملخص اللي لاحظته اني معاه بكسل افكر وبكون مش فاهم زي ما كنت فاهم قبل كده, فا احدى مساوء الـ AI اللي هتظهر اكتر واكتر مع الوقت, اننا هنكون كسلانين, كسلانين حتى نفكر وكل مشكلة هنلجأ ليه من غير حتى ما نفكر وهنسنغنى عن اساسيات المعرفة, فا نصيحتي استخدمه ولكن لازم تذاكر بجانبه اللي انت بتطلب منه يعمله بحيث هو يساعدك ولكن انت تكون فاهم هو بيعمل ايه, وخير دليل على كده اسأل نفسك هل انا اقدر اعمل اللي هو بيعمله من غير ما هو يعمله؟ لو الاجابة اة فا انت تمام لو الاجابة لاء فا انت محتاج تراجع طريقتك ومعلوماتك في المذاكرة.