Dogs Lover's In The World

العلماء اكتشفوا في دراسة حديثة.. ان الكلاب بتحب صحابها من البشر أكتر من نفسها.. وأكتر من رفاقها الكلاب وأولادها والأكل.. واكتر من الحياة نفسها.. عشان كده بتنقذك من ثعبان سام وتموت بدالك.

هم ولاد عم الذئاب.. مش منحدرين من الذئاب الحاليين.. الاتنين منحدرين من فصيلة ذئاب منقرضة بادت.

لما بتبص في عين الكلب مخكم انتوا الاتنين بيفرز "هرمون الحب والسعادة" الاوكسيتوسين oxytocin.

أنت بتحس بالراحة والأمان وهو بيحس زيك.. ودي مزية تطورية ورثتوها انتوا الاتنين من أجدادكم.. لما اقتربت أجداد كلاب النهاردة من اجدادك ونبذت حياة البرية وقررت تحرسهم وتحميهم وتساعدهم مقابل انها تنعم بصحبتهم.

دا عكس الذئاب اللي نظرات العين عندها دلالة هيمنة.. الكلاب طورت دا لمشاعر حب ايجابية.

لو عطفت على كلب او اكلته مرة واحدة بس.. بيفتكرك مدى الحياة.. مهما غبت.

لما بتحتضن الكلب او تحط راسك على راسه او جسمه.. امخاخكم بتفرز نفس الهرمون.. عشان كده الحركة دي عند الكلاب لما بتعملها معاك.. بتماثل الحضن عند البشر.

لما انت بتتألم.. الكلاب حرفيا بتحاول تسحب الألم من جسمك وضيق مشاعرك وتحمله هي بدالك.

الكلاب لما بتلحس جلدك ووشك مش بس بتعبر عن حبها.. هي بتقوي جهازك المناعي عن طريق عملية اسمها Microbiome exchange. بيديك أجسام مضادة لملايين الميكروبات والطفيليات اللي جسمه حاربها فعلا. المثير في الموضوع ان في علماء بتدرس الموضوع دا من وجهة نظر مرعبة.. ان الكلاب فاهمة دا وعارفة انها بتقوي مناعتك.

الكلاب عمرها قصير.. ويوم واحد من ايامنا بيوازي اسبوع في عالمهم الزمني.

عشان كده لما بتغيب عن كلبك يوم كامل بيحس انك غبت أسبوع تقريبا.. وعشان كده بيرحب بيك بحفاوة كل مرة تخرج وترجع.. حتى لو غبت خمس دقايق.

بيقدروا بفهموا ويميزوا ٢٥٠ كلمة وبيربطوها بأشياء.. هم عارفين الكورة واسمها والطوق واسمه.. وبالتدريب ممكن يوصلوا لألف كلمة.

بيعرفوا حالتك النفسية من غير ما تتكلم عبر التغييرات اللي بتحصل في كيمياء جسمك والرائحة الناجمة عن دا.. وبيقدروا يشموا روايح البشر ماتعرفش انها موجودة.

علشان كده بيعرفوا انك حزين او غاضب او غيره حتى لو قاعد هادي ومش باين عليك.

الكلاب أساتذة لغة الجسد وسط كل الحيوانات المعروفة.. وبيرصدوا تعبيرات لوجهك دقيقة ممكن ميرصدهاش الكمبيوتر.. وبيعرفوا منها حالتك.

الكلاب بتقدر تشم الامراض اللي جسمك.. ومنها السرطانات المختلفة وداء السكري وتلف الكلى والكبد.. وبتحاول تنبهك ليها بانها تحط ايدها عليك او تلزق لك وتقف فوقك بكفيها وتحتك بجسمك وتشمه زيادة عن المعتاد.. بتبقى عايزة توصل لك رسالة.

ودا ينطبق على كل سلالات الكلاب حتى اصغرها والطفها واقلها حجما.

عضات القطط أخطر من عضات الكلب.. لان لعاب القطط بيذيب ويحلل الانسجة.

الكلاب بتتفوق على الشيتا في السباقات الطويلة. سرعة الشيتا بتوصل لمائة كم في الساعة لمدة ٣٠ ثانية فقط.. بينما الكلاب ممكن تحافظ على ٦٠ كم في الساعة لمدة نصف ساعة.

ثلث سكان العالم مربيين كلاب في بيوتهم و٤٠% بيشاركوهم الفراش وقت النوم.

لو الكلب له فراش مستقل كل شوية حيصحى وييجي يأمن عليك وانت نايم ويتأكد انك بخير.

أنوف الكلاب على طول مبلولة عشان تلتقط جزيئات الروائح من الهوا.. ولكل انف كلب في العالم بصمة مبتتكررش.. زي بصمات صوابعنا.

الكلاب كمان بتستشعر الحرارة والاشعاع والمجال المغناطيسي للأرض. عشان كده بتعرف تصطاد وتعيش لو فقدت البصر.

الكلاب كلها بتتولد صماء وعمياء.. وبتحلم طول عمرها وهي نايمة زي البشر.

الكلاب بتعرق من كفوف ايديها ورجليها فقط. وبتلهث عشان تبرد نفسها.. وبتضحك لما تفرح زي البشر.

الكلاب بتحميك من الاخطار المستقبلية وتعرف تقدرها قبلما تحصل.. عشان كده بيشدوا طفل قبل ما يقع من الشباك او يشدوك من البحر وانت بتعوم لو حسوا ان الموج تقيل او انك بدأت تنهك.

الكلاب في نهاية عمرها لما تحس بقرب الموت حتبعد عنك وتختفي معظم الوقت وتبطل تتواصل معاك.. عشان تخليك متتألمش لما تموت.

الكلبة في الصورة دي بلدي.. لقيتها في الشارع نونو من غير أم ولا عشيرة. في خبراء قالوا فيها من المالينوا.. وفي قالوا فيها جينات جيرمن وهاسكي وغيره. لدرجة بعضهم قال وولف دوج. هي في الآخر كلب بلدي مصري.. فيها مزايا كل دول.

الكلب البلدي ميكس من ٧ او ٨ سلالات.. كلها ممتازة.

تربية الكلب مفيهاش حرمة دينية من اي نوع في اي دين. أصحاب الكهف ربوا كلب ونام معهم وكانوا قوم مؤمنين. وربنا أباح اكل الطيور اللي اصطادها الكلب او احضرها بفمه في سورة المائدة.

والكلاب مبتقطعش الصلاة ولا لمسها بينقض الوضوء. في روايات الصحابة رضي الله عنهم ان الكلاب كانت بتنام وتاكل وتشرب وتبول داخل المسجد النبوي.. والرسول عليه الصلاة والسلام مطردهاش ولا امر بطردها.. ولا اتعرض لها الصحابة من بعده.

والكلاب والحيوانات السودا مش عفاريت سابت غابات التيوليب في هولندا.. واتنكرت في شكل حيوانات سودا عشان تاكل من الزبالة وتشرب مية مجاري وتتحدف بالطوب في كفر أبو لباس في شبرا اليمن.

الإنسان هو أخطر مخلوق علي وجة الأرض .
فعلوا الهاشتاج بالانجليزي و بالعربي عشان يوصل لكل الناس


🛑الدكتور القاتل حمدي حجاج 🛑

إذا مت قبل كلبي دعه يرى جسدي..
الكلاب تفهم عن الموت.
لا أريده يعتقد أنني تخليت عنه.
لرجل احب كلبه بصدق 💔

في الأرجنتين يوجد مطعم اسمه ريستوبار ديكنز،
وعليه لافتة تقول: "نطلب من جميع عملائنا من كل قلوبنا ألا ينزعجوا من عدد الكلاب الضالة التي قد تكون موجودة في المطعم
نحن مكان صديق للحيوانات الأليفة ونحن نعطي الماء والطعام والكثير من الحب لهؤلاء المخلوقات الطيبين
أنا آسف إذا أزعجك ذلك لكنهم لا يرتكبون أي خطأ، إنهم فقط يبحثون عن الطعام أو المأوى،
شكرًا جزيلاً لك.