Kima macrame

من فترة قريبة جدًا، كانت فاطمة كل يوم تصبح عليّ وأصبح عليها…
كانت بتفرح من قلبها بأي خطوة بسيطة تتعلمها في المكرمية، وتقول بحماس:
"لاااا… كده أنا فهمت، استني أعملها لوحدي!"

بجد كانت شخصية جميلة… لينة وسهلة وقريبة للقلب،
من الناس اللي أول ما تشوفهم تقول: دي إنسانة "هينة لينة" بجد.

أنهت الكورس، واستلمت مكافأة بسيطة جدًا…
لكن فرحتها كانت كبيرة، لأنها قررت تفرّح بنتها اللي هتتخطب، وتنزل تشتري معاها فستان الخطوبة.

نزلت يوم الثلاثاء… أول ما الجو بدأ يتقلب،
وكانت معاها بناتها التلاتة، فرحانين ومبسوطين بأختهم…

وفجأة… حصل الحادث.
وفاطمة توفت إلى رحمة الله تعالى.

نحتسبها عند الله من الشهداء بإذن الله…
أما بناتها، فاتنين منهم في المستشفى، احتاجوا عمليات تركيب شرائح ومسامير ونقل دم…

وكانت هي السند والمسؤولة عنهم…

ربنا يصبّرهم، ويربط على قلوبهم،
ويصبّر كل حبايبها… ويجعل تعبها وسعيها في ميزان حسناتها 🤍