Joe wall

القشرة من أكتر المشاكل اللي ممكن أي حد يعاني منها، وبتكون محرجة وتضايق جدا ولكن هل فيه طريقة ممكن نعالج بيها القشرة؟
طبعا لازم أول حاجة نتأكد إن مفيش مشكلة طبية في فروة الرأس، وبعدين ممكن نعالج الموضوع بالأعشاب والوصفات الطبيعية.
النهاردة جبنا لكم طريقة فعالة جدا في علاج القشرة وهي خل التفاح اللي بيساعد شعرك على التخلص من القشرة.
بتحطي مقدار 4 معالق خل تفاح لكل 4 معالق ماية. بتغسلي شعرك وبعدين تدلكي فروة راسك بالخليط وبعدين تشطفيه.
المهم من الطريقة هي الاستمرارية، لأن القشرة مش بتروح في يوم أو اتنين، لازم شعرك يتغسل 3 مرات أسبوعيا وتهتمي بالترطيب لأن خل التفاح ممكن ينشف الشعر شوية.

نبدأ مع بعض اليوم ال27 ونقرب أكتر وأكتر من خط النهاية💪🏻💪🏻😃

هانبدأ بتمرينات التسخين:
- مشي في المكان لمدة 20 ثانية
- جري في المكان لمدة 20 ثانية
- تمرينات استرتش للإيدين والرجلين لمدة 10 ثواني
- جري في المكان لمدة 10 ثواني
- مشي في المكان لمدة عشر ثواني

***وبعدين هانبدأ التمرينات كل تمرين 4 مجموعات وكل مجموعة 35 عدة وبين كل مجموعة ومجموعة 10 ثواني راحة (مش بنوقف حركة خالص علشان الجسم يستجيب ولكن بنمشي أو نجري في مكاننا لمدة 10 ثواني)

- 35 تمرين Mountain Climbing
بتنامي على بطنك وبتفردي ايديكي الاتنين وترفعي الجزء العلوي من جسمك، وبتبدئي تحركي رجليكي بحيث إنك تحاولي تقربي ركبتك اليمين تجاه ايديكي اليمين والعكس، وممكن كمان تحاولي تقربي ركبتك اليمين لايديكي الشمال والعكس.

- 35 تمرين High Knee
بتقفي وضهرك مفرود وتبعدي رجليكي عن بعض شوية. بعدين بتبدئي ترفعي رجلك اليمين عن الأرض علشان تلمس كوعك الشمال والعكس. وبتكرري التمرين بالتبادل بين الرجلين والإيدين

- 35 تمرين Bicycle Crunches
زي التمرين اللي فات بالظبط ولكن الفرق الوحيد هو إنك بترفعي رجليكي بشكل منفرد وتحاولي تلمسي كوعك اليمين بركبتك اليمين والعكس.

- 35 تمرين Glute Bridges
بتنامي على الأرض وضهرك مفرود وبتضمي الركبتين الاتنين مع بعض وترفعيهم عن الأرض بزاوية حادة، وبعدين بتبدئي ترفعي جزء الوسط والمؤخرة من على الأرض بقدر المستطاع لحد ما جسمك يكون مفرود وبعدين ترجعي للأرض تاني وتكرري براحة وبهدوء.

- 35 تمرين Squats
بتقفي وضهرك مفرود وتفردي إيديكي الاتنين قدامك وتبعدي الرجلين عن بعض شوية. بعدين واحدة واحدة بتبدئي تتني ركبتك وتنزلي للأرض وضهرك مفرود لحد ما تعملي زاوية 90 مع الأرض وبعدين تقومي تاني تقفي وتكرري التمرين تاني.

- 35 تمرين Side Saddle Leg Lifts
بتنامي على جانبك اليمين وجسمك مفرود ورجليكي فوق بعضها وبعدين تبدئي ترفعي رجليكي في الهوا لحد ما تقدري وتنزليها وهكذا. وتكرري التمرين تاني وأنتي نايمة على جانبك الشمال. وكل جنب فيهم 15 عدة للرجل الواحدة.

- 35 تمرين Jumping Jacks
بتقفي بشكل مستقيم وتبدئي تنطي وأنتي بتبعدي رجليكي عن بعض وترفعي إيديكي لفوق.

- 35 تمرين Lunges
بتقفي وضهرك مفرود وتحطي ايديكي في وسطك وتبدئي تحركي رجليك اليمين لقدام وتنزلي على الأرض بزاوية 90 وبعدين ترجعي تقفي تاني وتكرري نفس الحركة مع الرجل الشمال، وبعدين تستمري بإنك تبدلي بين الرجلين الاتنين.

- 35 تمرين leg lowers
بتنامي على الأرض وجسمك مفرود ورجليكي مضمومين، وبعدين بتبدئي ترفعي رجليكي الاتنين مع بعض عن الأرض لحد ما رجليكي تعمل زاوية قائمة مع الأرض وبعدين بتنزليهم تاني وتكرري التمرين.
لو صعب ترفعي رجليكي بزاوية مستقيمة حاولي ترفعيهم لأقصى بعد تقدري عليه واتحدي نفسك كل مرة إن رجليكي تترفع عن المرة اللي قبلها.

- 60 ثانية تمرين Plank
بتنامي على بطنك وترفعي جسمك عن الأرض ويكون مفرود وتركزي على ايديكي.

كملي واستمري لأن خلاص مفاضلش غير 3 أيام، ومتنسيش تشربي ماية كتير وتكتري بروتين في أكلك وتقللي كربوهيدرات وسكريات.
قولي لأصحابك وشجعوا بعض على التحدي وقولولنا وصلتوا لإيه..

الحمد لله النهاردة راحة علشان العضلات تتنفس شوية وفي الأثناء دي احكيلنا عن إنجازك في الأيام اللي فاتت 😃