Gehad Ashraf

مش كفاية تبقى شاطر… لازم الناس تعرف بشطارتك!💡

مع Creativa في Workshop LinkedIn Optimization هتتعلم إزاي تبيع نفسك صح على LinkedIn وتخلي الفرص هي اللي تدور عليك في يوم واحد بس👀

بروفايل مظبوط = فرص أكتر 💼
مستني إيه؟ سجل دلوقتي!
https://forms.gle/YNvzHNz2dFpmRDTG8

دايمًا بلاقي إن تدريبات المهارات الحياتية، العمل الحر، والتطوير المهني بتيجي في آخر أولويات المتدربين…
وده بيتكرر معايا في كل برنامج تقريبًا، وخصوصًا في تجربة National Telecommunication Institute (NTI) الأخيرة.
وفي كل مرة… نفس المفاجأة:
في البداية بيكون في مقاومة، عدم اقتناع، وأحيانًا استهانة بقيمة المحتوى…
وبعدين فجأة يحصل التحول.
في فرق كبير بين:
Instructor بيقدم معلومة
وTrainer بيشتغل على تغيير تفكير وسلوك
وزي ما في فرق بينهم…
في كمان فرق واضح بين:
متدرب واعي وجاي بإرادته
ومتدرب موجود لأنه لازم يكون موجود
الجروب ده وقف فترة طويلة عند مرحلة Resistance
وده طبيعي جدًا في أي رحلة تعلم… لكن كان واضح وقوي المرة دي.
ومن أهم الأسباب اللي لاحظتها:
تأثير السوشيال ميديا ومصادر سطحية بتدي انطباع إن الموضوع “سهل وسريع”
تجارب فردية محدودة بتتحول لمراجع
معتقدات غير صحية عن قيمة التعلم
ترتيب الأولويات (اختيار مواعيد قبل الـ midterm → لأن التدريب “مش مهم”)
المفاجأة المعتادة حصلت:
“هو الموضوع كبير كده؟!”
“طب ليه محتاجين نعيد الكلام تاني؟”
وهنا بيبدأ الإدراك…
إن الفهم مش مجرد سماع، لكن محتاج وقت واستيعاب وتطبيق.
بعض المتدربين ابتدوا يشوفوا اهمية السيشنات في 3 Sessions
وده خلاني أطرح سؤال مهم عليهم:
ليه مش بتناقش؟
وليه مش بتحاول تفهم أكتر؟
وهنا وضحت نقطة محورية:
الفرق بين “النقاش” و”الجدال”
النقاش: هدفه الوصول للحقيقة
الجدال: هدفه إثبات إن أنا صح
، النقاش أحيانًا بيتحول لجدال… وده بيظهر في:
صوت عالي
رفض مباشر لأي رأي
بداية الكلام بـ “لا، غلط…”
رغبة في كسب النقاش مش فهمه
والنتيجة؟
الاتنين بيخسروا… لأن الهدف ضاع
و عشان كده ممكن نقطع الكلام ، و نرجع للسياق مرة تانية
الدنيا بدأت تهدى
وابتدت تظهر جمل زي:
“هو الكلام ده واقعي فعلًا”
“طب نعمل إيه بعد ما نخلص؟”
“ممكن نكمل مع حضرتك؟”
وده دايمًا بيأكدلي إن:
الوعي محتاج وقت… لكن لما بييجي، بييجي بصدق
التجربة دي كانت اختبار حقيقي ليا:
مستوى مهاراتي كمدرب وصل لفين
هل بقدر أتعامل مع مقاومة؟
هل المبادئ اللي بقدمها… أنا بعيشها فعلًا؟
كل جروب بيبقى فيه نماذج ملهمة…
واتعلمت منكم بجد:
Youmna Mekky المبدعة
سيف الدين المنجز (صاحب الفرصة )
Wessam Kotb المحقق
مازن يوسف الواقعي
Mohamed Wahban المنظم
زينب المحاربة للظروف
Ashraf Amr الملتزم
Mohamed Kishk الحكيم
مش كل اللي بيبدأ تدريب… بيكون مستعد يتغير
بس كل حد بيدي نفسه فرصة حقيقية… لازم هيوصل
شكرًا على تجربة أضافت لي قبل ما تضيف لكم

تحدي رمضاني جديد🥰