Lamba

انةهةتىع

حكايه لوجو بدأ ب 35 دولار وتحول لعملاق قيمته السوقيه مليار دولار‼️

القصه بدأت سنه 1961 ب شاب بيتخرج من جامعه ستانفور إسمه Phil Knight.

فيل قدم بحث كان بيتسائل فيه هل يمكن للأحذيه اليابانيه إنها تحل محل الألمانيه زي م حصل في عالم كاميرات التصوير الي سيطرت عليها اليابان.

بعد تخرج فيل مكنش عنده حاجة غير حلمه و اصراره .. سافر فيل لليابان و مع اول محل وقعت عينه عليه قرر انو يقابل صاحب المصنع مش بس مدير المحل .. و بالفعل قدر انو يقابل صاحب مصنع كبير للأحذيه الرياضيه اليابانيه و يقنعه انو يبقي الموزع الوحيد ليه ف الولايات المتحده الامريكيه و ده كان تحت مظله اسم Blue ribbon sports

فيل ب ثقته و اصراره قدر انو فعلا يعمل اول صفقه و كانت بسيطه و هي عباره عن 13 قطعه فقط من الاحذيه الرياضيه اليابانيه و وقف Phil يبيعهم في صندوق العربيه الخاصه بيه .. لكنه كان عارف انو محتاج يتوسع اكتر من كده و ساعتها مكنش في باله حد غير مدربه ف رياضه الجري و كان اسمه Bill Bowermen .. الي اُعجب جدا بالصناعه اليابانيه و قرر انو يشارك فيل ..

مع مهاره فيل التسويقيه .. و خبره Bowermen في عالم الاحذيه الرياضيه بدأت تزيد عمليات البيع .. و تتحسن التصميمات الي كان سبب رئيسي فيها هو Bowermen الي كان بيبعت بإستمرار ملاحظاته لليابانين لإستخدام مواد خفيفه في الصناعه و لحد م وصولوا لتصميم ال Cortez
الي نقدر نقول انو المصمم الحقيقي ليه كان Bowermen .. و ده الي وصل مبيعات الحذاء ده ل 300 ألف دولار ف سنة 1966.

لكن كل ده مستمرش ل فتره كبيره لإن المصنعين في اليابان كانو بيلبوا إحتياج السوق الياباني اولاً و يبعتوا المتبقي للولايات المتحده .. و هنا و مع قرابه إنتهاء عقد الشراكه بين فيل و بيل و الشركه اليابانيه .. قرروا إنهم مش بس يبقو موزعين لأ انهم يبقي اصاحب شركه مصنعه للأحذيه الرياضيه و بالفعل بدأو في الـBrand الخاص بيهم و ساعتها جه دور Carolyn Davidson الي كانت هي مصممه اللوجو الخاص بالشركه و الي ساعتها سموها Nike
و الي كلفهم 35 دولار فقط ..

و سنة 1972 انتهى عقد الشركه اليابانيه مع فيل و بيل .. بس ساعتها دي مكانتش النهايه .. لأ دي كانت بدايه عملاق الاحذيه الرياضيه في العالم .. و هي شركه Nike
وقف فيل و بيل لأول مره مش ك موزعين لكن ك اصحاب براند قوي قادر يقتحم و ينافس في السوق العالميه

بدايه ال Branding كانت فاللحظه الي قرر فيها فيل نايت وهو بيقدم نفسه على انه موزع للأحذيه الرياضيه لشركه يابانيه و هو لا يمتلك اي شي غير ثقته ب نفسه و اصراره.

شعار شركه Nike تم تصميمه علي شكل جناح سنه 1971
لكن الحقيقه انو من قبله ب سنين كتير جناحات Nike كانت مفروده لما قرر فيل نايت انو ميتخلاش عن حلمه و يطير لليابان و يعمل اول صفقه احذيه رياضيه

الـBranding عمليه كبيره بتاخد وقت و مجهود لكن جذور الـBranding الصح مش سهله تتخلع من مكانها و ممكن تتمد من مجرد 35 دولار ل عملاق حجمه مليار دولار.

طب ايه نقدر نستفيده من قصه ظهور Nike ❓

🔶انو يبقي ليك هدف واضح

🔶مش شرط عشان تبقي صاحب بزنيس انك تعمل حاجه جديده ممكن تطور فكره او تعيد تقديمها للناس

🔶ال Branding بيبدأ من اول خطوه تقرر فيها انو يبقي ليك بزنيس

🔶انك لازم تفكر أكثر من خطوه قدام و دي كانت نقطه التحول في Nike وبدايه العملاق انو يظهر

🔶انو يبقي عندك ايمان ب حلمك و إصرار علي هدفك

🔶انك تستعين بالخبرات زي م استعان فيل ب مدربه الخبره Bowermen و استعان ب Caroline Davidson الي صممت شعار قدر يعيش و يبقي ايقونه حتي اللحظه دي

اعمل منشن ل صاحبك الي عنده بزنيس أو اعمل شير و خلي غيرك يستفيد