Al Minya Horror

الجزء الثالث من قصة ( #وصطاف)
ولما فتحنا عنينا لقينا 3 اشخاص احنا منعرفلهمش دول بني ادمين ولة اية بالظبط لان كان شكلهم مشوه خالص ولقينا وصطاف اللي هوا الجني اللي ظاهر علي هيئة طفل ده واقف معاهم وبيقرب علينا وبيقرب بيقرب لحد ما حط ايدو علي رقبتنا ولسة بيخنوقنا .. لقينا الشيخ دخل علينا واول ما دخل علينا فضل يقرأ قرأن وبقوا بيتحرقوا واحد ورا التاني لحد ما كلهم اتحرقوا .. دخل الشيخ خدنا وماشين طالعين علي برة
- في اية يا ايمن بتبص علي اية !
ايمن: لا مفيش حاجة يلا يلاا
خدنا بعض ومشينا وروحنا ..
والدي: كنت فين يبني انت من الصبح !
- كنت مع ايمن يابابا لية في حاجة !
والدي: طفل صغير كل شوية يسأل عليك ويبقي مش عايز يمشي ده لسة ماشي قبل منتا ماتيجي حتي
- اية ! بتقول اية انت متأكد من الكلام ده يابابا !
والدي: امال هكدب عليك ياولا ! خش نام اجري
سيبتو ودخلت انام وفضلت قاعد علي السرير بفكر في الموضوع .. ازاي لسة حي ! ده الشيخ حرقهم كلهم لا لا في حاجة انا لازم اكلم ايمن .. طلعت موبايلي من جيبي وبرن علي ايمن لقيت الشبكة واقعة !!
رايح افتح باب الاوضة مش عايز يتفتح !
وفجأة الاقي صوت طفل بيعيط تحت السرير
وبصوت صريخ اقول لاااااا يارب يارب واقراء قرأن الاقيه اتحرق بالسرير كلة افتح الباب .. اتفتح خرجت وسيبت البيت ونزلت ورحت علي بيت ايمن علي طول ..
يا ايمننننننن .. ايماااااااااان .. صحي ايمن ونزل .
ايمن: في اية يبني جايلي دلوقتي لية !
- عايز احكيلك علي حاجة
ايمن: طب تعالي نخش جوة
- مش بليل لما كنا في المدافن دخل الشيخ علينا والجنيات اتحرقت !
ايمن: ايوة
- طب انا بقي اول ماروحت لقيتو كان في البيت ولما دخلت الاوضة لقيتو تحت السرير
ايمن: طب شوفت امبارح لما كنت بتقولي انت بتبص علي اية وقولتلك لا مفيش حاجة !
- اه
ايمن: اهو انا بقي كنت لمحت وصطاف بيبصلي
- يبقي هوا لسة عايش فعلآ ومتحرقش
ايمن: طب هنعمل اية تاني ده احنا ممكن يحصلنا حاجة اكتر من كدا
- اسمع انا افتكرت واحد لي في الشغل ده وكنت ناسيه بس ده كلب فلوس
ايمن: يعم مش مشكلة انا هتصرف بس هوا فين بس !
- تيجي نروحلة بكرة
ايمن: وليه بكرا متيجي نروح دلوقتي لو موجود
- موجود اه
ايمن: طب يلا مستني اية .
خدنا بعض ومشينا حوالي 5 كيلو لانو قاعد في حتة شبه صحرا ..
ايمن: اية المكان ده يعم ده اوسخ من الترب
- هنعمل اية طيب لازم نخش
ايمن: انا بقول نمشي احسن عشان شكلنا هنتأذي اكتر
- خش بقي وبطل لعب عيال .
دخلنا جوة وقعدنا معاه .. انا عايز اقولكم ان لما دخلنا المكان اكتشفنا ان احنا في تربة وحوالينا ميتين .
احنا قبل ماننطق اي كلمة قلنا انتوا لسة مخلصتوش منو !
بنقولة هوا مين !
بيقولنا وصطاااااف هاهاهاه .. بصوت بشع كدا
- وانت عرفت ازاي ! .. بصلنا بصة كدا شيب شعرنا
قلنا بصوا انا مش هاخد منكم مقابل بس قولوا يارب نعرف نتخلص منو بس عايزكم تردوا علي اسألتي بالظبط ومتغيروش اي حرف عشان اعرف اساعدكم
- تمام احنا معاك اهو اتفضل اسأل
= اول حاجة وصطاف ظهر لمين فيكوا !
- انا وبعد كدا هاني
= قولي بقي انت كنت بتسخر منهم كتير !
- صراحة اه
= كنت بتفك طلاسم !
- ايوة بس..
= شششش رد ع الاسألة وبس .. "ناو كيتس راه" فكيت الطلسم ده صح !
- ايوة
= هاهاممممم علي فكرة هوا قاعد جمبك .. بس بس متتحركش عشان متتأذيش .. مقدمكش غير حل واحد بس - اية هوا طيب !
= انك ...
#اتبع !
الجزء الرابع بكرة ان شاءالله في نفس المعاد.
(سيب كومنت برأيك)

الجزء الثاني من قصة ( #وصطاف). قولتلة في اية يا ايمن ! قلي مش هينفع نتكلم هنا تعالي نتكلم جوة .. دخلنا جوة وقفلنا علي نفسنا الاوضة وايمن قاعد متوتر ! .. في اية يا ايمن ماتتكلم ! قلي الجني اللي انت حكيتلي عليه امبارح .. قولتلة مالو ! قلي ظهرلي من بعد منتا سيبتني ومشيت
- بتتكلم جد ! طب احكي حصلك اية
ايمن: اول منتا سيبتني ومشيت امبارح وانا دخلت اوضتي عشان انام ظهرلي علي هيئة طفل صغير .. انا فضلت مندهش اية اللي جاب الطفل ده هنا وفجأة لقيت نفسي برتعش واغمي عليا وحلمت ان الجني بتاعك ده لمسني انا كمان ومن ساعتها وانا في حالات تشنج
ايمن لسة مكملش كلامو ولقينا الطفل الصغير ده واقف في اخر الاوضة ! .. انا مش قادر اوصفلكم احنا قد اية كنا هنموت .. تقريبآ الجني بيظهر علي هيئة الطفل ده ولما كان بيبص ل اي حاجة بتولع .. احنا قعدنا نذكر ربنا وسلمنا نفسنا لله وفجاة لقينا باب الاوضة اتفتح وهوا اختفي ..
- ايمن ! يلا بينا ننزل من هنا بسرعة
ايمن: هنروح فين بس !
- يلا بس ونتكلم في الشارع
خدنا بعض ونزلنا الشارع*
- ايمن احنا كدا ملبوسين صح !
ايمن: مش عارف بس انا قبل كدا قريت عن المس والشيطان والحاجات اللي حصلتلنا دي من علامات المس
- طب وهنعمل اية !
ايمن: مش عارف بس لو حكينا لحد هيتأذي زي منا اتأذيت
- خلاص تعالي نقول ل شيخ احسن واكيد هيحلهالنا
ايمن: تعالي نروح للشيخ الجامع يلا
دخلنا للشيخ وقعدنا معاه واتكلمنا علي اللي حصل
وده كان رد فعل الشيخ .. انتوا ملبوسين ب اشهر جني في العالم وصعب تنجوا منو وخلا ناس قبل كدا تقتل نفسها ب افعالة هوا
- طب العمل اية ياشيخ !
= والله يبني ماهقدر افيدك بس في علامات اكيد هوا بيظهر علي شكلها
- ايوة في .. بيظهرلنا علي هيئة طفل صغير
= تمام يبقي ممكن تتخلصوا منوا في حالة واحدة .. لو اتخلصتوا منو
- طب وده هنتخلص منو ازاي ياعم الشيخ !
= حاول تأذي الطفل ده .. بس خلي بالك موصطاف بيظهر علي هيئة اشخاص كتير اوعي تسلم نفسك ل اية حاجة
خدنا بعض ومشينا من عند الشيخ وكان الليل ليل. واحنا مروحين في طريقنا كدا مدافن مهجورة وقديمة اوي بس مفهاش اموات .. المهم واحنا ماشيين لقيت ايمن بيقولي استني
- اية يا ايمن !
ايمن: انا لمحت الطفل جوة هنا
- بتتكلم جد !
ايمن: والله شوفتو وكانت عينو في عيني كمان
- طب يلا نمشي من هنا بسرعة
ايمن: خد بس تعالي هنا رايح فين
- هنمشي يعم انت مسمعتش كلام الشيخ ولة اية !
ايمن: لا بس احنا مش هنخاف منو تعالي ندخلو جوة
- انت عبيط تخش فين .. عايز تخش المدافن اللي كلها عفاريت وجثث ! ده مش بعيد منخرجش حيين من جوة .. امشي بلاش تخلف
ايمن: امشي معايا علي جوة وانت ساكت
احنا منعرفش دخلنا نعمل اية بس الفضول قتلنا واصرينا نخش نعرف في اية
مسكنا في ايدين بعض ودخلنا جوة .. ماشين ماشيين لحد مابقينا في الضلمة ! وفجأة لقينا اللي حط ايدو علي اكتافنا !
لسة بنصرخ لقينا اللي كتم بوقنا !
فجأة بقينا في تربة من ترب المدافن !!!
اتشالت الكتمة من علي بوقنا واتفكينا ولما فتحنا عنينا ..
#اتبع !
الجزء الثالث بكرة ان شاءالله.
(لو قريت القصة اثبت في كومنت عشان اعرف ان حد متابع)

الجزء الاول من قصة ( #وصطاف)
كان هناك شخص يسخر من الجني والعفاريت ووصلت مرحلتة انة كان هيتجنن ويتأذي وممكن يتأذي .. هنعرف في نهاية القصة ..
انا اسمي معتز عمري 20 عام وكنت دائما اسخر من الجني والعفاريت وبدأت حكايتي من اول هنا ..
في يوم عادي من الايام وراجع من عند واحد صاحبي ... وصاحبي ده بحكيلة علي كل حاجة وكدا ومش بخبي عليه خالص .. المهم رجعت لقيت والدي ووالدتي ناييمين وطبعآ بيطفوا النور وهما نايمين دخلت انا الحمام اتشطف وانام يعني دخلت الحمام وشغلت الدش وبدأت اتشطف وانا مغمض عيني حسيت ب حد قدامي لدرجة انة لازق فيا وانا مش قادر اتنفس ! .. انا وقعت علي الارض وحسيت ب رعشة شديدة كدا .. انا كان قلبي هيقف من شدة الخوف واللي حصلي لكن قدرت اقوم من علي الارض واخرج من الحمام .. ولما دخلت انام وانا في الاوضة لوحدي وراقد علي السرير ولسة بغمض عيني لقيت اللي نايم جمبي وحاطت ايدو علي كتفي !
انا مقدرتش ابص عليه وفضلت اصرخ بس محدش كان بيسمعني ولما بصتلو لقيتو جني بشكلة المخيف واصواتة المرعبة بس حصل حاجة غريبة ! مقذانيش لا ده لقيتة بيعرفني بنفسو وبيقولي انا هخدمك كتير بس متعرفش حد باللي هيحصل ده .. انا فضلت مندهش شوية كتير كدا لحد ما اغمي عليا .. والدي دخل عليا الصبح لقاني مرمي في الارض .. فوقني وسألني اية اللي منيمك هنا وكدا .. وانا فضلت متنح 5 دقايق علي ما استوعبت اللي حصل وقولتلو مفيش حاجة يابابا .. والدي خرج من الاوضة وانا لبست ونزلت علي طول رحت ل ايمن .. ايمن ده اللي هوا صاحبي اللي قولتلكم عليه .. رحت ل ايمن ..
- ايمن انا عايز احكيلك علي موضوع مهم جدا
= في اية يبني اهدي كدا انت متوتر كدا لية !
امبار... لسة مكملتش الكلمة ولقيت الجني ظهر !!
بس انا اللي شايفو بس .. انا فضلت مندهش وابص له واشاور عليه بس ايمن مش فاهم حاجة .. وفجأة اختفي !
وايمن اصر انة يعرف رحت انا حاكيلة وفوضت امري لله .. ايمن استوعب ب العافية وقلي اذا ده انت مابتخفش وكدا .. بس والد احمد دخل علينا وانا اضطريت اسيبو وامشي ولما روحت لقيت هدومي كلها مرمية علي الارض ومحروقة !
ولما سألت والدي ووالدتي قلولي احنا سامعين دوشة في الاوضة من بدري وكنا بنحسبك جوة !
انا مردتش افتح معاهم في الكلام وسيبتهم ومشيت دخلت الاوضة لميت الحاجة وعبيتها في كيس اسود وحطيتو برة الشقة ونمت .. صحيت تاني يوم بدري عشان اعرف اروح ل ايمن من ورا والدي .. بس حصل حاجة غريبة .. الشنطة اللي كنت حاطتها برة الشقة لقيت عليها دماغ طفل صغير !! وعنيه بتبص عليا ! .. سيبتها وجريت علي تحت ورحت ل ايمن و اول ما وصلتلو سبقني هوا ب الكلام وقلي عايز احكيلك علي حاجة ! ..
#اتبع !
الجزء الثاني بكرة ان شاءالله.
(معلش لو القصة مش حلوة بس عشان لسة مندمجتش بس)