BM SHOES

نختاج نصيحة من الامهات لي عندهم خبرة في تربية الأولاد وولادهم ماشاء الله عليهم
ضك بني عندو ثلاث سنين الله يبارك بسلامتو يحب لحم وجاج وقت فات كي تطيب الماكلة ونجبد لجاج يقلي هاتي نمدلو وكي نقعدو ناكلو يزيد يطلب نزيدو ساعات ياكل قسمة باباه وقسمتي وقت فات جايتنا عادي لمهم ياكل وزيد ساكنين وحدنا سمانة لي فاتت اضطرينا نقعدو عند بيت شيخي ونظام تبدل دار عايلة ومناش وحدنا ديرونجاني التصرف تاعو يقعد حارن ويبكي تاع مزلت مشبعتش ومزال كاين لحم فطبسي حشمت كارثة يقعد يدور عليهم بالواحد باه ياكل مع انو كلا تاعو وزدتو تاعي كي روحنا ليوم قسمت عل ثلاثة وكي العادة كمل تاعو ودار لينا ممديتلوش قعد يبكي غاضني قطعلي قلبي قلت يتربا جيت ناكل والله مقدرت هو يشوف فيا وانا ناكل مديتلو كفاه نديرلو هل نعودوا من ضك ولا مزال صغير ولا يتربا من ضك لي مجربين يقولولي انا لي قلقتني انو باباه مهوش باخل عليه بحت حاجة وياكل غير قلب الحبة وكي خرجت بيه كفاه دار تقول جامي كلا تقول مخلوع فلماكلة تعيشو نعتولي كفاه نتعامل مع الموقف بلا منظلم وليدي وفي نفس الوقت نربيه