Sid Ahmed TA

حذاري!

الشيخ دارلنا اختبار تاع اختر الاجابة الصحيحة لكل سؤال والطلبة كامل قاعدين مركزين ويجاوبو
الا انا قاعد نتأكد من الإجابة الي اخترتها اذا صحيحة ولا غالطة وانا اصلا مانيش فاهم السؤال 🗿💔

زعما كنت نضحك على صاحبي لي عندو الباك
رجع هو يضحك عليا كي ثقبتها فعامي اللول تاع الجامعة 💔🗿

وحد العام فالصيف كنت مازلت صغير بصح مشاكس ههه (اك فاهم مشاكس 🗿💔) المهم لا علينا
نشفى كنت قبل مانرقد فليل نروح للكوزينة نجبد قرعة تاع الما ونفتحها ونكرفصها ونبلعها غي شوي باه يولي يرجعلها النفس فنص ليل ودير انفجار (ما انفجار ما شكب 🗿💔)
المهم مع الوقت ولاو دارنا يتقلقو من ذي العفسة ودايمن يسقسو شكون راه يروح للكوزينة فليل يخرب سقساوني انا وخاوتي بصح هل من مجيب؟؟ باينة لا (يعرف بويا يكرفصني كيما ذيك القرعة 🫤💔) المهم فوحد اليل رحت ندير نفس الضربة ورحت حبة حبة شعلت ضو جبدت القرعة وكرفصتها وجيت خارج زعما وانا نضحك ضحكة الانتصار وانا منين نجي خارج ونصيب بويا رافد تيو تاع الڤاز ويشوف فيا 🗿💔 (اييي الحشوة الحشوة ومشكل حشوة من الكبار) وانا من شدة الخوف لعبتها روحي راقد فالكوزينة وتلغا فيا وحد الزهطة للضهر تڤرعت الماكلة تاع العام ليفات وكي جيت نرجع النفس ماقدرتش نرجعو 🫤💔 وراكم حاسبين حبس هنا ؟؟ كرفصني كيما ذيك القرعة تاع الما 💔🗿 (صدقت الرؤيا)
المهم رحت للفراشي ونا معمر دموع وخناين وهو رجع رقد ومشكل مكاش فينا لي رجع القرعة بقات كيما راهي ومنين يلحق نص الليل ونسمعو صوت انفجار 🗿💔 ناضو كامل صابوني نايض والدموع يخرجو من وذنيا (من شدة الخوف ماعرفتش منين نبكي ) مهم الحمد لله سلامات ماصرا والو رجعو رقدو وانا قعدت ليل كامل وانا نتخيل فسيناريوهات انتقام مي مادرتهمش باسكو كل مانخمم نتفكر الزهطة لي فضهري 🗿💔
النهايية اضحكوووو 💔🗿

#رسائلكم
سلام عليكم متابعين سيد احمد ليزوم اليوم جبتلكم حكاية مقودة (مامقودة ماوالو) 🙂
ايا نبداو ايا ذيك نهار دخلت للبلدية باش نخرج وراقي ايا رحت وين يخرجو قالي لي يخدم ثما غدوة عاود ولي ايا جابهالي شحال من يوم وهوا يتمسخر بيا وانا نكالمي في روحي راك شايف ايا بعدها جا هوا دخل للحانوت عندي باش يحفف شعرو (يحسن) ايا جا يحفف ويدير بروتين وقاع ايا انا حففتلو درتلو جيهة طالعة وجيهة هابطة وقستلو شعرو من فوق شويا ب 0 هوا مفاقليش كان لاهي مع تيليفون ايا بعدها جا وقت بروتين ديتو غسلتلو شعرو بصابون تاع حجرة بلعاني ( مع العلم متغسلوش بيه يفزد شعر) ايا قالي علاه راك تغسلي بيه قتلو هذا لازم تغسل بيه باش دير بروتين ايا مبعدا جبت درتلو بروتين منتهي صلاحية تحطو على الشعر يفزد ويتكسر ايا مهم كملتلو وهوا راح بعدها غدوة ستيكيت روحي ودرت ريحة Doir وجيت داخل البلدية وشعري دايه ريح الهيبة تبان دخلت ثما لقيتو حبس خدمة لانو شعرو راح قاع ودارو وحدة طفلة زلة ثما (مازلة ماشكوبي بصكو اسلام مايشوف حتى وحدة من غيرك يستوتة) ايا قتلكم شعري دايه ريح وريحة Doir فلجو قاع باقيين يشوفو معايا وذيك لي جابوها في بلاصة حبيبنا راكعة فلارض وتقولي اسلام حمبوك خليني نخرجلك وراقي وتبكي غاضتني ايا خليتها تخرجهملي وضرك راهي متزوجة بصاحبي وكل مرة نهدرلو على الخانة لي في خدها 🙂
مع حلاق الرحمة تصبح اعمى 🤎

ايمان بلعي فمك حصة كامل وانت تهدري
ايمان بعدما دار الاستاذ للسبورة:

أَفْضَلُ الأخبار هو انعدامها

مسلم تلميذ البخاري
البخاري تلميذ أحمد
أحمد تلميذ الشافعي
الشافعي تلميذ مالك
مالك تلميذ نافع
نافع تلميذ الأعرج
الأعرج تلميذ أبو هريرة
أبو هريرة تلميذ وصاحب رسول الله صلى الله عليه وسلم

فائدة في علم الحديث

وراء كل رجل عظيم BMW 😌🙂

جيت ندير كيما الاجانب زعما نرفد سعفتي (لي فيها الماكلة زعماا) وندي حسيرة ونروح للطبيعة نتأمل ونتخلوى، وبينما انا قاعد نتأمل في الطبيعة نسمع الكلاب جايين ليا ( 10 كلاب يشكب) (شكلو عصابة سرقة الاكل وتحطيم اللحظات السعيدة💔🗿) المهم ماعرفت اذا نرفد روحي ولا سعفتي ولا الحسيرة ايا هربت وخليت قشي كامل، مزية كنت جايب فذيك السعفة نص حبة طوماطيش وتيبانة خبز صابحة يابسة 🗿💔
ايا هاذوك الكلاب كي فتحو السعفة وصابو فيها ذيك النص تاع الطوماطيشة وذيك التيبانة الصابحة لي يابسة كي الحجر مافهمو والو قعدو غي ينبحو (حسيتهم يسبو فيا بلغتهم، قريب نطقو بالعربية 😂💔)