BeautéBio

إرضاء الناس غاية لا تدرك ..

طاكوس منزلي رائع بمذاق لذيذ جدا 👌

الطريقة :
- الحشوة : ع النار حطيت صدور دجاج مكعبات كبار وبصل وثومة قطع صغيرة ونضيفلهم توابل ( ملح وفلفل اسود واحمر وقرفة وبزار بربيكا ) ونخليهم ع النار لين اتجف ميته ونحرك مره مره .

العجينة :- درت 4 اكواب دقيق ضفتلهم ( ملعقة ك سكر وملعقة ك خميرة وشويه اميه دافية شوية بش يتفاعلو ) وضفت 3 ملاعق كبيرة زيت زيتون او عادي وملعقة كبيرة و 1/2 حليب نيدو بودرة ورشة ملح ونعجن ونزيد بشويه اميه دافيه العجينة مش رطبه هلبا ومش يابسة ومتلصقش ف اليد ونخليها تخمر ساعة وبعدها نعجنها تاني ونخليها ترتاح شويه
ناخد من العجينه ونحل دائرة كبيرة وندهنها ب هريسة ونحط ف الوسط قطع الدجاج وبطاطا مقليه وجبنه شرائح وموزوريلا وكاتشب ومايونيز وفلفل اخضر شرايح المهم حطي شن تحبي
وصكري الجناب فوق بعض زي الصورة وادهني من فوق بشوية صالصه وع الكوشة النار من فوق ولوطه لين اطيب ورشي جبنه فوقها وصحتين