BZ 62

(كاسيس، قلالش و بلخير) يستحقون مكانة اساسية و لو أنه ماعندناش ثقة فيكم جُملةً و تفصيلاً، و كامل متخاذلين و ماتسواوش ..
ريحة الرجلة مُنعدمة فيكم، لي عندو في رجليه قتلـ توه بسوء النيّة و لي ناصبها شيكور راه داير السوسة فالwhats up (ن.م)

ما أبشع كرة القدم التي يقدّمها "الملالي" من أداء تحت المتوسط و بعيدًا عن المستوى المطلوب منه كونَه من اكثر اللاعبين أجرًا في البطولة .. و المُفارقة أنه كلّ المباريات أساسي !
نفس الشيء بالنسبة لـ "سالمي" المُنتهي منذ ثلاث سنوات و مازالو فالشباب و مشارك في كامل المهازِل و السقطات .. حالهُ كَحال "كداد" لي ثقيل عليه اسم (إبن الفريق) ماشفنا منو لا أداء لا إنتفاضة فالميدان، و كأن الأمر لايعنيه .مجرّد شهّار. و فقط !
لحَق بينا الوقت وين ولاّ "بن عيادة" ينفعِل من غضب الأنصار بسبب الفضيحة الأخيرة و مستوى هذا اللاعب لي عمرو ما دار طاكل و من صفاته التخلّي عن مركزه على اليمين !
"بوصوار" احمد ربي كي راك تلعب فالسياربي، الله غالب ماعندناش الرجال فالإدارة c non كي نتا كي "بن حمودة" نورمالمون نتوما لي راكم تخلصونا باش تلعبو ماشي حنا نخَلصو باش نشوفوكم تتعافرو مع فريق يلعب فالجهوي الثااالث!
"بلحوسيني" نتا تاني قاسك البرد و التمنقيش لي راه يسربي فيه "بن غيث" ؟! ، راكم تلعبو فالسياربي : لازم تحط دمّك فالملعب مانسحقكش تخاف على رجلك و تبخل من قوتك على الفريق … دير في بالك قد ماراك ضحّي فالمستطيل الاخضر ماراحش دير النصف مما يضحيه المناصر من مال و تعب و سوء معاملة و طريقة تفتيش استفزازية و و و …

السياربي فوق الجميع