DZ Trend

قتلها ماما حابة نريح قاتلي متخافش بنتي كوراج و اذا كتبو ربي تشوفيه و يكبر قدامك و اذا مكتبوش ربي لازم ترضاي بالقضاء قتلها يماما مشفتيهش كيفاه ضربها قاتلي انساي و حاولي ترقدي نبكي حتى دخل سليمان لافينلو يدو بشاش دورت وجهي عليه جا ليا قالي ملاك ماكنتش في عقلي سمحيلي قتلو يموت لي فكرشي دقيقة منبقاهاش عندك قالي ماشي نتي لي تهدديني فهمتي قتلو مفهمتش نت لي طبعتني و ذنبو في رقبتك قالي بقيتي نتي راكي تكملي عليا قتلو بغيت نسقسيك زوبير شا صرالو راهو بولادو و نساه و ذك يختمها بختك و انا علاه طبعتني قالي ماشي بلعاني شفتيني مقلق و نتي هابطة بلا خمار سكت باسكو ذوك النسا ولاو يتفرجو فيا كيفاه نطير قالي كاشما تاكلي نجيبلك قتلو ناكل الرهج اذا جيبلي شد راسو و خرج وحد المرا شوي كبيرة قاتلي راكي قيس بنتي عمرك تشوفي انسان مضغوط و تزيدي عليه بلاك راهو في حالة و زيد لي في كرشك وليدو ولالا قتلها نتي معلابالك بوالو قاتلي معليش كبري قلبك و عقلك و الراجل يتفكر كل كلمة قلتيها مينساش قتلها الله لا نسا يا طاطا زوجوني سيف و انا نقرا بلاما نشوفو و بديت نحكي تحسب عين و فتحتيها جات ليا عنقتني قاتلي علابالي صغيرة و فوق طاقتك شا ديري ذا هو المكتوب حتى رقدت وحد شوي و عاود رجع هو يخزر فيا و انا نخزر فيه شدلي يدي نحيتها ناض راح .
بقيت ذيك ليلة عيطتلي ختي قاتلي كي راح سليمان تفركتو كامل و جدك عجب بزوبير قالو تخطبها سيف قالو زوبير انا ثرايتي ميجوش من ذيك العائلة قالو جدك هاهي بنتك غدوة جيبلك حفيد منهم ثاني تكرهو سكت
بقيت ذيك ليلة طبيبة فاتت عليا نحاتلي الدم قاتلي نعيروه و نشوفو مهدرتش معاها جوايه 2 تاع صباح عيطلي مرفدتش عليه كمل سيروم و رقدت متعب مالخوف خليتها على ربي فقط صباح نضت على جماعة النسا قالولي صح نوم يا صغيرة تبسمت قاتلي وحدة الله يبارك نورت الحالة وليت نضحك رحت غسلت شفت الدم تقريبا مكاش يسما مزال حي و لا مات معرفتش خرجت سقسيت النسا قالولي كي حبس الدم يسما مراحش طمنت شوي حتى جا سليمان ليا سلم عليا قدامهم قالي لاباس قتلو صافا قالي فاتت طبيبة عليك قتلو مزال قالي كولي قتلو ذك ناكل دنا ليا و قالي ملاك مرقدتش لبارح متزيديش عليا قتلو روح ترقد علاه جيت قالي جبتلك ماكلة قتلو كاينة قالي معليش نطمن عليك سكت مهدرتش جابلي بزاف صوالح ديت قيسي و مديت لنسا ناكل و هو يخزر فيا و عاطي ذوك النسا بظهرو حتى دخل واحد راجل وحدة راح ليها صبح عليها و قالها لاباس مامات ولادي قاتلو شوفت عينك قالها يتعوض متخافيش قاتلو مبقاليش قالها اذا مجاش الباركة في لي عندنا ضحكت انا بقيت مركزة معاهم قالي سليمان هبطي عينيك يا الغيار أصلا السيد يبان فالخمسينات بصح الله الله حطة كملت قتلو صحة قالي تامني جامي شفت مرا تاكل و متعرضش على راجلها قتلو هايليك كول قالي اذا توكليني ناكل قتلو سليمان خليني مالرومنسية تاعك لبارح بنت على حقيقتك قالي تامني مزال مبردش قلبي قتلو كي يطيح لي في كرشي و يموت يبرد مليح و نخزر في عينيه ناض طبع الكورسي و خرج أيا روح خليني نميز الناس شوي بقيت نخزر فيهم حتى شافني راجل ذيك المرا دورت وجهي عليه و عيطت لختي قاتلي روحي عليا مانيش مليحة غضوماتي يسطرو قتلها كسلك نسيبنا بطريحة و نضحك قاتلي لالا دوشت و قابلت الكليماتيزوغ قتلها ربي يشافيك كاش جديد قاتلي ندير فنجال قهوة كحل و ندير اتصالاتي وليت نضحك قاتلي و نت قتلها مزال مجاتش الطبية قاتلي روحي مالا كوبيت كي درت شفتهم يخزرو فيا حشمت هذيك راجلها راح وحد شوي جات طبيبة قاتلي سقساتني على دم قلتلها حبس قاتلي حاجة مليحة بصح نتاكدو فالايكو خير رحنا للبيرو تاعها لقيت سليمان ثم رجلو يردح فيها كي دارتلي الايكو سمعنا نبض تاعو سليمان قال ياربي نحمدك و نشكرك قاتلي ربي سترك ليوم راكي مليحة النبض تاعو مليح نعاودلك نفس الهدرة عسي روحك على الأقل فوتي 4 شهر قتلها معليش نروح ل.......... قاتلي فوتي سمانة و روحي ذك لالا و لازم غير تعياي حبسي قتلها ايه سليمان مهدرش قالها تخرج قاتلو ايه خرجنا راح خلص و جا ليا شدني من يدي نحيتها ركبنا فطومبيل لقيتو جايب فاليزة تاعي قتلو هذي علاه قالي نروحو نحوسو قتلو راني مريضة حابة نريح كي كنت مليحة مجاتكش تحوس بيا كي وصلت هنا جاك تحواس قالي انا الرخيس لي نخمم فيك بصوت طرطق في وجهي درت لتاقة و سكت زعما زدت عليه وصلنا لدار طلع ذيك الفاليزة فتح الباب ضربها برجلو و هبط مهدرش معايا سمعت عجوزتي قاتلو شا قالتلها الطبيبة راح و خلاها طلعت ليا سقساتني قتلها ياك قلتيلي الموت تديني ملا متزيديش تسقسيني خزرت فيا و راحت زدت ضربت ذيك الفاليزة برجلي و رحت دوشت تصرعت مزية كاين كليماتيزوغ و رحت كليت لقيتو شاري غدا و رحت رقدت والله مانزيد نخمم في واحد

#جزء65
عشية فطنت شفت تيليفوني كان صيلوصيو ختي معيطتلي عاودتلها قتلها شاكاين قاتلي قالو الجمعة يديرو الخاتم قتلها بالبراكة عليهم قاتلي زوبير راهو يمشي و يضحك قالهم لعقوبة لرابعة قتلها و سليمان شا قال قاتلي قالهم منحظر مننظر غير بيو و عمومو هدرو قاتلي كيما دارولو مهدرش غير يتكيف قتلها خلني ناكل كون غير يشوفو شحال بقاو العازبين يزوجوهم و يهنونا مالخلعات قاتلي عسي راجلك يا الحمارة قالو حسناء راهي دور بيه قتلها دور ب....... قاتلي قالو هدرت و قالت نستعرف بالزوبير فحل قتلها انشاء الله يكمل بيها الحساب قاتلي يا الجايحة تمعني على سليمان قتلها خليني متشعلينيش كوبات انا رحت كليت و نخمم يايما كون دور بيه و يزوجوهم كيفاه عيطتلو تيليفون مغلوق وين راهو هامل جبت العشية غير كونكسيو حتى للعشا تعيشت و هو مزال مدخلش فاتت 22 و زادت 23 و صلو 00 تقلقت و تيليفونو مغلوق هبطت لعجوزتي قاتلي منعرف كي سقسيتك صباح شا قلتي قتلها صحيتي و رحت لشيخي سقسيتو قالي منعرف عيطلو مكاش مغلوق طلعت لداري مجاني والو تقلقت عيطت لختي قاتلي باينة راهو يشرب في كاش جبل قتلها حمارة علاه تفولي على سليمان انسان مصلي قاتلي لي يعرفك نتي يبقا صحيح قتلها توحشتو قاتلي باينة زعف منك قاتلي ابعثيلو كاش ميساج قتلها كوبي وليت نخمم شا نبعثلو حاجة مجات في راسي رحت رقدت خصني غير الرومنسية حتى دخل أيا مليح مزال حي . غمضت عينيا راح غسل و دخل بصح صد لهيه مزية مبهدلتش روحي و بعثتلو بقا هكاك حتى لصباح ناض راح و مهدرش معايا و مجاش حتى ل 00 و هكا فاتت ذيك السمانة نهار الفاتحة تاع عقيلة محضرش و غلق تيليفون تاعو و انا معاديني ميهدر معايا ما نشوفو ماهو محلبني عندو الحق جدي حظر الفاتحة تاع الزوبير قالي فوتي نديك معايا جا ليا قلت في قلبي عاديتني ملا تحكم الشعر و قتلو جدي نروح معاك قالي فوتي يدينا خالك فالماشينة حتى ل.......و من ثم ماشي بعيد ايه نروح كانت الوحدة و 50 ديت شوي حوايج عجوزتي قاتلي سقسيتيه قتلها كي يكون يهدر معايا نسقسيه و خرجت روحت مع جدي هو أصلا مزال ميدخل حتى لل 12 .تاع ليل وين يفيق بيا نكون وصلت رحنا و طريق كاملة و حنا نضحكو جدي العربية تاعو قليلة يضحك و زهواني
وصلنا ل............ جا خالي زاد وصلنا عيطت لختي قاتلي غدوة نجي هي و ماما و مرت خويا كي وصلت لبلاد جدي اول حاجة قابلتني دار ذاك لي يبغيني جار جدي قلت في قلبي و لوكان تزوجت بيه ماشي خير كي هبطنا و تعشينا عند جدة عيطلي سليمان خليتو صونا و طفيتو اذا مدرتلوش كيما دارلي مانيش ملاك انا يعاديني سمانة ملي يخرج و هو هامل كان حدو صلاة العيشا يدخل ذك نشوفو . وحد شوي جا ليا خالي قالي راجلك يسقسي عليك واش بيه تيليفونك قتلو الباتري طاحتلي قالي شدي كي رفدت عليه قالي هكا تروحي بلا علمي قتلو ايه نروح علاه راك تهدر معايا دايرني كيما ذيك البلازما ملسقها فالحيط مليل ليل جي تشعلها و ترقد و تالية تعادين
سمانة و متدخلش لنصاص ليالي قالي شوفي انا نقولك ستقويتي بحملك و شفتيني صابر عليك زدتي فيها بصح معليش جايك نهار قتلو أيا روح عليا مع ذا ليل غملت في دارك نتاجاتي تحواس و تقلاش قولي شا ربحت من ذا زواج قالي ياك قتلك نديك تحوسي قتلو مع يماك قالي متكذبيش كنا رايحين وحدنا قتلو قول. كنت هارب منهم قالي نتي شا همك ياك المهم نكونو .مع بعض قتلو و انا مانيش حابة نكون معاك ليوم حسيت روحي بنادم خرجت شفت الناس قالي معليش كملي يومين و نجي ليك قتلو مجي ليا منجي ليك كرهت من ذيك البلاصة قالي ذي هدرة جديدة قتلو سليمان تنهد مانيش مليحة خليني نريح قالي و انا قتلو حتى نت ريح ياك كنت تدخل ل 12 قالي كرهت من كلش لي ندور ليها نلقاها عوجة قتلو تصبح بخير كوبا عليا و انا رحت نرقد مع بنات خالي و جدي يقولهم جبتها مسكينة ولات يابسة كي الجاجة تاع العرب خرجو فيها غير العينين و جدة تقولو سكتنا صح كي شغل داها سمينة قالها والو من غدوة وكليها مليح و كثريلها زيت زيتون قاتلو معليش و مبغاش يسكت يقولهم ساكنة في وحد البلاصة هوما و الخلا وين تخرج تكسل رجليها مكاش و رجالتهم يتفرعنو فيهم ذاك زوبير لي لاق بيا قالو خالي كي زاد زوج قالو نوض عليا لحقو و هدر عليه منبعد قالهم وين راهي عيطولها تزيد تاكل رحت ليه مع بنات خالي نضحك قالهم شفتو كي وردت بستو و قتلو توحشتكم قالي دار جدك كاينة تقعدي كيما تحبي لقيتهم ياكلو فالفاكية زدت كليت عندو الحق جدي الشهية نفتحتلي كليت و رحنا رقدنا بنات خالي قالولي ورينا راجلك وريتولهم هبلو عليه قالولي هذا في منامك متلقايهش وليت نضحك ايه ناس يشوفو المظهر و داخل يعلم بيه ربي رقدنا حتى 2 تاع صباح دخلني ميساج من عندو
عشقتها ليس لجمالها او طيبه قلبها و ايضا ليس
من قله النساء في هذه الدنيا فقط
لأني من اللحظه التي عرفتها ادمنها ووعدتها
ان قلبي لن يكون إلا لها فهنيئأ لها على قلبٍ لن يعشق مثلها . ياربي انا سليمان كي يولي يشعرلي يضربني فالصميم بسيف باه رقدت توحشتو حتى انا .
لل 10 باه نضنا لقينا جدة دارتلنا مبسس بزيت زيتون تشهي كليت ثلاثة بالقهوة حليب حتى سمعت ختي تسلم على جدة و يا شحال توحشتها دخلت شافتني قاتلي و يااااااا مبقا فيك والو قالها جدي سليمان بن.......... كان مجوعها ولات تضحك قاتلي فرغيلي كاس فهوة و وليدها مباسني محوس عليا زادت جات ماما جدي ذبحلنا عتروس قالي ذا شا نسعا مانيش كي بوبكر قتلو معليش و تعاونا فالخدمة و الزعاقة و الضحك مع نسا خوالي و خرجنا برا للبحايرة تاع جدي و الشجر و ختي تصور فيا كنت لابسة جبة قبايلة تاع جدة عريضة باسكو سخانة بصح مقارنة وين دار سليمان حسيتها البرودة دارو نسا خوالي طعام و اللحم و تلايمنا كامل انا تشهيت طعام بلفول و الجلبانة و زيت الزيتون و لبن كليت حتى شبعت و ماما تخزر فيا papa قالي كي تكرهي نجي نديك و يطير فيه جدي قالو انا جبتها واحد مايديها كون خرجتها من دارها قالو يا الحاج راك عارف طبايعنا قالو والو انا بنتي نشوفها مغبونة منقبلش papa سكت مزادش هدر علابالو يلسق فيه جدي كملت سمانة غير رقاد و خرجات حتى وحد نهار قررنا نروحو لسوق تاعهم لبست جبة قبايلة و تحزمت و درت فولارو تاعهم و بليغة و دايرة مسايس و مناقش و شوي مكياج وليت شابة كي انا كي ختي ملي نروحو لجدي ننطلقو قلعنا شفت جار جدي لطومبيل تاعو شافني فات عليا عقلني سوقنا و شرينا صوالح كيما عوايدنا و موليين و نضحكو كي وصلنا لقيت سليمان قاعد مع خالي و جدي تحت الشجرة شافني شا كنت لابسة منعرف علاه خفتو باسكو

حتى جا سليمان كي الوحش حكمني من شعري و يخلخ فيا قالي نتي طيحي بيما بصح مدرت والو خليه كي يعيا يحبس هو يهدر و انا ساكتة شدلي غير تعاودي ولا لالا قتلو لالا باه حبس ولا يدور فدار و شاد راسو قالي شا نديرلك اهدري قتلو خلاص ياك ضربتني قالي نتي وصلتي روحك رحت لدوش و نبكي شنشفني من شعري ذك وجهي و شعري راهم يبينو حالتي كيما وحدة مهبولة علاه وصلت هنا نتاجاتي راهم يعشقو فتيليفونات مع صحابهم قدهم و لي راهي مبحرة و لي راهي معرسة ياسيدي متحوسش تروح دير لاشان على الحليب تقضي تروح الحمام تضيف غير انا والو ولا يدقدق قالي افتحي فتحت و بقيت نغسل و هو يخزر كي بغيت نمشط شعري وجعني راسي قالي خليه مهدرتش معاه قالي روحي رقدي قتلو باينة بلاما تقولي أصلا نت شاعندك في ذي دار غير الرقاد و فت لشمبرا دخلت في فراشي حتى هو كرهت منو بقا يخزر فيا شعلي القران قتلو طفيه قالي مليح لدار قتلو كي تكون هنا اشعلو قالي خليه و راح بقيت نسمع و نبكي حتى رقدت عندي كلش و معندي والو حاسة روحي في حبس عيطتلي ختي قاتلي راحلك الهبال قتلها كاشما خصك قاتلي عيطت نسقسي عليك قتلها كوبي انا نعاود نطيحلك قاتلي انا الق........ لي عيطتلك و كوبات أيا تهنيت منك زاد عيط سليمان خليتو صونا و نحيت الباتري لتيليفون و رحت نرهج حتى سمعت دقديق باينة عجوزتي رحت فتحت عليها قاتلي شدي وليدي يهدر معاك شديتو قتلو واشنو قالي علاه تيليفون طافي قتلو باينة مانيش حابة نهدر قالي روحي انا رخيس لي عيطتلك و كوبا مزية لي فهم روحو حتى هو مديتلها تيليفون و دخلت كي سمعتها هبطت غلقت الباب كليت حتى شبعت ضربت طلة على ... .......أيا مليح مكاش الدم بقيت نكونكتي و نشوف فيدياوت تاع ذراري قلبي وجعني انا نغسل البول و الخرا تاعو زدت شفت لبسات غيروني تاع لبنات بقيت هكا حتى عيطلي قالي البسي نخرجو نتعشاو برا قتلو ادي مك و روح تتعشا منروحش قالي نروحو وحدنا ازربي روحك رحت لبست و هابطة بلعقل انا بغيتها تخرج باه تلسق فيا و نولي و هي متراطيش كي تسمع طومبيل تاع سليمان قارات يسموها تشد الهول شافتني قاتلي وين بيها قتلها وليدك دايني نتعشا قالتلها عقيلة جيبيلي حجابي جابتولها و لبسي حجابك نروحو مع خوك بقيت نشوف ليهم حتى لبسو قاتلي فوتي قتلها روحو نتوما نسيت دوايا ذك نجي و طلعت غلقت الباب و رحت نحيت حوايجي حتى عيطلي قالي تهبطي ولا نطلع ليك نوريلك قتلو اطلع منروحش معاكم كوبالي و راح شفتو متاقة الله يلعنو شفتو وحدة تخلق فالمشاكل انا هيا عيطت لجدي قتلو توحشتك قالي هاو جيتي قتلو جدي ارواح ليا و جيبلي عشا معاك قالي علاه سليمان معندوش قتلو عندو بصح توحشتك نت قالي ملا ذك شوي و نجي وجدت فاكية و طيبت لاتاي و مكسرات دايما حاضرين وحد شوي و جا مع شيخي حطيت فالصالو جدي جابلي المشوي شفتو عينيا خرجو كي حطيت حتى دخل سليمان و مو جاو لصالو و حط العشا و سلم على جدي قالو زارتنا باراكة قالو متخافش جبت عشايا و جيت حفيدتي عيطتلي خزر فيا قالي زيدي حطي ذو حطيت حتى سليمان جاب المشوي تعشينا و جدي
تعشينا و جدي يحكي على بكري زدنا لاتاي جدي قالي نروح الله يعمر داركم بالصبيان قتلو جدي نسميه عليك ولا يضحك قالي اول مسامحك بصح الثاني سميه بوبكر وليت نضحك باسني من راسي و حكمني من خدودي و يزير قالي مزاد فيك والو و دارني تحت جناحو و يضحك قالي تضيق بيها حفيدتي عيطيلي انا نجي ليك نخرجك علابالي راجلك مشغول طول النهار هاهو بدا يقصف و سليمان لي يفهمها قالو لالا وقت الخدمة باين قالو جدي معليش و راح هبطو كامل و هبطت معاهم جاليا محمد قالي ملااااااك توحشتك رفدتو جدي قالو اهلا زعيم قالو وسمني محمد قالو الله يبارك بوسني باسو و جبد باكية دراهم مدلو ميتين شحال فرح و جدي باينة يزوخ راح جدي و انا طلعت خملت الحالة حتى دخل سي سليمان قالي ايه وليتي تعرضي قتلو علاه معنديش الحق قالي لالا بصح على الأقل نكون عارف قتلو اذا معجبكش الحال قولها متالي قالي بلعي حتى وميعجبنيش في وجهك نقبل خملت و انا مشنفة جا ليا قالي ذك كيفاه نديرلك علاه وليتي هكا قتلو أخطيني قالي صار شفتي روحك بالحمل تفرعنتي عليا قتلو ياك بالحمل و نتفتلي شعري ولا نسيت قالي تستاهلي و متغيضينيش قتلو ملا روح ترقد ماشي راك عيان قالي عيان منك رحت و خليتو جاني سامط غسلت و لبست بيجامة فالساتان قالي نحيها راكي تهربيلي قتلو ذاك هو المقصود قالي تحلبتي و رجعتي تهدري باللغة و نتي بلاك الاعراب متعرفيش جاني الضحك بصح مضحكتش درت روحي رقدت و هو يتفرج و يحكمني من شعري منبعد يمسح عليه مهدرتش حتى قالي كاين وحد المقولة تقول كي تحمل المرأة يكبر ........ هذا مهبول قالي زعما صح قتلو اصبر و نشوفو قالي وري نشوف كاش تغيرات خزرت فيه قالي وليتي سامطة قتلو حتى نت و رقدت صح حتى صونا تيليفونو كانت بلاك 23 و نص نخطف كي خزرت فيه يرجف حط السبحة و التيليفون و هبط يجري عقييييييييلة شفت تيليفونو واحد باعثلو فوطو تاع الفاطورة تاع لابيس نفس رقم لي بعثلي ذاك الميساج نخلعت هذي ختو
رحت نجري موراه شفتو كيفاه يضرب فالباب تاع شمبرا تاعها كي حلاتو دخل ديركت رفد تيليفون تأمنو حسيت كرشي توجع رجليا فشلو قعدت فالدرج غاضتني قالها يا ............ و هادرة مع زوبير

#جزء63
قالها و راكي تهدري مع الزوبير انا كي شفتو راح رفد المونش تاع البالي فشلت طاحت عليا البرودة الضربة الاولى عيطت عيطة بلاك توع جدي سمعوها عجوزتي ولات تصادي شيخي يسلك فيها زادو جاو خاوتها انا ديتها غير بكا و سليمان يطير و ينزال تأمنو كرهتو كي شفتو في ذيك الحالة انسان عدواني ياسيدي يضربها بيدو ظربها كي الحيوان و مبردش قلبو سحبها من شعرها و هي تعيط عجوزتي تقولي سلكيها رحت ليه قتلو يا سليمان تعيش اطلقها راح ت....م....و.....ت كي شافني طلقها زاد شعل ولا يكسر فصوالح يماها قاست روحها فوقها و تبكي كي مبردش قلبو قال لمو وين راهي المكحلة هنا بيو ولا يطبع فيه لبرا شافني قالي اطلعي باسكو كنت بلا خمار و يطبع فيا و انا شاداتو من يدو علابالي يخرج ليوم تصرا حاجة كي وصلت لدرج و هو مقلق و خاوتو يسكتو فيه سمعت غير كي جا ماليك و و طاهر هذو يدخلو نورمال و ولاد عمو برا يقولهم الكلب طاعن في داري يهدر مع الكلبة تاع ختي المهم لي ماسمعش سمع لي يشوفو كيفاه ولا ما يامن ذاك سليمان المصلي لي يذكر ربي و الاذكار ميتنحاوش من لسانو ولا الشخصية و الحظور و المكانة في ذيك الشركة يكذب انا بقيت نخزر فيه انصدمت و اول مرة نشوفو بذي الحالة قلبي هرب منو شافني نخزر فيه قالي علاه هابطة عريانة اطلعي خفتو جمدت في بلاصتي جاليا قالي اطلعييي و طبعني طحت على درجة ظهري نقسم عيطت خوه طبعو قالو يا حمار راهي مريضة زاد هبل بابات محمد قالي نوضي طلعي مقدرتش قتلو نظريت و هذاك خرج عجوزتي قالتلهم اجرو تبعوه ليوم كاشما يدير و عقيلة باباها داها لسبيطار باسكو صح حالتها تشف الحجرة انا ساعفت روحي لداري بسيف وصلت دخلت ديركت عيطت لختي قاتلي يستاهل خليه يربيه نساه معجب بيهم ياك مرتو الثانية عمرها 26 سنة كبيرة على عقيلة عام هذا مهبول قتلها خايفة على سليمان و حكيتلها كلش قاتلي اسكتي قليل مدارو فيك متغيضكش عقيلة نهار حكاتلي ماما كي وليتي كي الكلبة قلبي تقسم ولا عجوزتك لي متالباتك على الطالعة و النازلة
قتلها بصح مشفتيهش كي دارلها قاتلي شدي سابعك و بلعي فمك قتلها ختي روحي شوفي شا صرا قاتلي كوبي ذك نعاودلك وليت على نار خايفة سليمان يكبرها و انا راني بالحمل ياربي تسلك على خير رحت نطل متاقة مكان والو ريحة راجل مكاش غير النسا مداورين بعجوزتي و سلافاتي حتى عيطتلي ختي قاتلي شفتي كيفاه قتلها شا كاين قاتلي زوبير قالو هي لي تبلاتني و عيطتلي المرة الاولى بغات طيحك نتي فالشبكة قالو منبعد بغاتني و قاتلي لابغا ديني الثالثة قالو معندي ماندير بيها راني بنسايا بقيت حالة فمي قاتلي شفتي من حفرة حفرة ل اخية وقع فيها قتلها و ذك قاتلي سليمان قالو نباصي عليك و جدك يقولو مصرا والو الجمعة نجي نخطبها بشان و الطبع و يزوجها سيف عليه قتلها الثالثة قاتلي واش بيك ماعلابالكش الزوبير شا عندو قتلها حتى وعندو عقيلة صغيرة قاتلي هذوك الجوايه يزوجو نورمال تعيش خير مني قتلها ختيتو راني خايفة سليمان يسقسيني قاتلي كذبي قتلها كون يحلفني قاتلي قوليلو مانوصلش الخبر و نحصل معنديش بزاف عرفت قاتلي جايحة و زيد خايفة بلعي فمك كوبي نروح نزيد نجيب الخبر التالي كوبيتلها عيطت لسليمان مكاش حسيت حاجة هبطتلي رحت نجري لتوالات لقيت الدم وليت نرجف عيطت لختي قتلها شوفي قاتلي لازم تروحي لسبيطار قبل ما تطرحي باينة الضربة تاع درج أثرت فيك قتلها مكان حتى واحد قاتلي هبطي لعجوزتك عيطتلها حكيتلها قاتلي الموت تديك نتي و بني عمك وليت نبكي لبست حجابي و هبطت رحت لبنت الزوبير شفتها برا معاهم بعثتلها طفل صغير جات هي و عجوزتها قتلها دم يطيح عليا قالتلها عيطي لماليك عيطتلو رفدلها نورمال هذا لي قالو عليه مهبول و تاع نسا قالها ذك نقولو وحد شوي شفتو جا يدو غير الدم خلاص مقدرتش نشوف قالي ملاك واش بيك قاتلو يمات ماليك قالت الدم يطيح عليها ولا يطيح و لوكان كاشما يصرالها ليوم نباصي عليه و نجيب 20 سنة قالها يما علاه معيطتيليش قاتلو روح ماكش وليدي قريب قتلت ختك و زدت وليدك مصنتليش و تقطع في شعرها داني بصح ماليك لي كان يسوق واحد فيهم مهدر سليمان يدو ترجف وصلنا بلخف قالو روح خيط يدك و انا نديها لطبيبة قالو لالا انا نديها داني لطبيبة كي شافتنا نخلعت قاتلو روح يخيطوك قالها والو حتى تشوفي البيبي قاتلي شا صرالك قتلها طحت على ضهري فالدرج سليمان غمض عينيه عرف روحو هو لي طبعني قاتلي طلعي كي دارتلي الايكو قاتلي مزال كاين بصح مشكيتش لي يعيش النبض تاعو عيان قاتلو تعيش روح يخيطوك راك تخلع فيها باسكو مقدرتش نخزر فيه خرج بلاما يهدر قاتلي الطبيبة شا صرا قتلها منعرف و سكت دارتلي دوا و السيروم قاتلي تباتي عندنا منا لغدوة تبان و داتني الفرملية لوحد الشمبرا لقيت بزاف نسا لي طرحو البيبي زاد المورال هبطلي عيطتلي ماما تبكي قاتلي غدوة جاية مع جدك تاع القبايل راهو حالف فيهم لا كثرت سمانة راني غير الخلايع