Shekulli.info

Fermeri Tafë Çeku tregon pse publikoi lajmin për vajzën e Adriana Matosh*t

Fermeri Tafë Çeku ka folur lidhur me përplasjen publike me deputeten e zgjedhur të Lëvizjes Vetëvendosje, Adriana Matoshi.

Ai në një lidhje me T7, tha se kjo e fundit ka pretenduar se qumështi që prodhohet helmon fëmijët.

Debati nisi pasi Matoshi reagoi ndaj dyshimeve për qumështin Vita dhe kritikoi ashpër fermerët që protestuan, duke i quajtur “langarecë” dhe duke kërkuar inspektime, me arsyetimin se, në të kundërtën, mund të rrezikohet shëndeti i fëmijëve.

Si kundërpërgjigje, Tafë Çeku publikoi një dokument që lidhet me vajzën e Matosh*t dhe tha se e bëri këtë për t’iu përgjigjur deklaratave të deputetes.

Çeku publikoi një dokument që lidhet me vajzën e deputetes, Kaona Sylejmani, për të cilin ai pretendon se dëshmon një ndalim të mëparshëm nga Policia e Kosovës nën dyshimin për posedim të substancave narkotike.

Erdogan thotë se ‘Turqisë i janë premtuar 5 avionë luftarakë’, Trump i përgjigjet

Presidenti i Shteteve të Bashkuara tw Amerikws, Donald Trump, dhe presidenti turk, Recep Tayyip Erdogan, folën para gazetarëve në Ankara para samitit të NATO-s, duke prekur çështje kyçe të mbrojtjes, sigurisë dhe politikës ndërkombëtare.

Trump deklaroi se së shpejti do të marrë një vendim nëse do t’i shesë Turqisë avionët luftarakë F-35, pavarësisht ndalimit të vendosur nga Kongresi amerikan.

Ai vlerësoi gjithashtu Turqinë, duke thënë se ka qenë “më besnike se disa vende të tjera” që kanë marrë këta avionë, raporton CNN, transmeton Klankosova.tv

Nga ana e tij, Erdogan u shpreh optimist se Ankaraja është pranë arritjes së një marrëveshjeje me SHBA-në për blerjen e avionëve F-35, si dhe të motorëve amerikanë për avionin luftarak turk KAAN.

Sipas tij, Turqisë “i janë premtuar pesë avionë”.

Gjatë deklaratave, Trump përsëriti gjithashtu se dëshiron që Shtetet e Bashkuara të kenë kontroll mbi Grenlandën, duke argumentuar se territori ka rëndësi strategjike për sigurinë amerikane. Megjithatë, ai pranoi se një qëndrim i tillë “do të dëmtonte marrëdhëniet e tij me NATO-n”.

Në fjalën e tij, presidenti amerikan foli për çështje që ndërlidhen me Evropën, duke u ndalur te trupat amerikane në kontinentin e vjetër.

Ai tha se ShBA-ja mund t’i tërheq të gjithë.

“Mund t’i tërheqim të gjithë ushtarët tanë nga Evropa”, tha Trump, duke shtuar: “Sepse, siç tashmë e keni vërejtur edhe ju, Evropa është një vend krejtësisht ndryshme nga 20 vite më parë”.

“Dhe më mirë iu bie të jenë të kujdesshëm”, theksoi presidenti amerikan, “me imigrimin dhe energjinë”.

“Nëse nuk janë të kujdesshëm me këto dy gjëra, nuk do të keni më Evropë”.

Sa i përket luftës në Ukrainë, presidenti amerikan u shpreh optimist për mundësinë e arritjes së një marrëveshjeje paqeje mes Rusisë dhe Ukrainës, megjithëse theksoi se deri tani “asgjë nuk ka ndryshuar” në konflikt.

Në fund, Trump e quajti kryeministren italiane Giorgia Meloni “një person të mirë”, pavarësisht se gjatë fundjavës, në një postim në Truth Social, kishte lënë të kuptohej me humor se i duhej një urdhër mbrojtjeje ndaj saj.

Trump mbërrin në Ankara për samitin e NATO-s, aleatët prezantojnë kontrata miliardëshe për mbrojtjen

Presidenti i Shteteve të Bashkuara të Amerikës, Donald Trump, ka mbërritur në Ankara për të marrë pjesë në samitin dyditor të NATO-s, ku vendet anëtare po prezantojnë kontrata të reja ushtarake me vlerë miliarda dollarë, në përpjekje për të forcuar mbrojtjen dhe për të rritur shpenzimet në sektorin e sigurisë.

Samiti zhvillohet një vit pasi aleatët e NATO-s u zotuan të rrisin shpenzimet për mbrojtjen në 5 për qind të Prodhimit të Brendshëm Bruto (PBB), pas kërkesave të vazhdueshme të presidentit amerikan.

Sekretari i Përgjithshëm i NATO-s, Mark Rutte, deklaroi se vendet evropiane po përmbushin angazhimet e tyre duke rritur buxhetet ushtarake dhe duke marrë më shumë përgjegjësi për mbrojtjen e kontinentit përballë kërcënimeve nga Rusia.

Para nisjes zyrtare të samitit, NATO organizoi një forum të industrisë së mbrojtjes, ku u prezantuan projekte të reja dhe u nënshkruan kontrata me vlerë miliarda dollarë, raporton Euronews, transmeton Sinjali.

“Vendet aleate dhe kompanitë nga të dyja anët e Atlantikut do të prezantojnë projekte madhore dhe do të nënshkruajnë kontrata me vlerë miliarda dollarë. Këto janë investime në sigurinë tonë, në ekonomi dhe në krijimin e qindra mijëra vendeve të reja të punës”, tha Rutte.

Ndër marrëveshjet e para të shpallura janë kontrata për dronë të rinj, avionë për furnizim me karburant në ajër dhe avionë të mbikëqyrjes, me synimin për të forcuar kapacitetet mbrojtëse të Evropës.

Megjithatë, Trump ka vazhduar të kritikojë aleatët evropianë, duke pretenduar se ata nuk kanë vepruar mjaftueshëm shpejt, veçanërisht pasi disa vende evropiane kufizuan përdorimin e bazave të tyre nga forcat amerikane për sulme ndaj Iranit.

“Është qesharake që SHBA-ja të vazhdojë në këtë rrugë të njëanshme, kur marrëdhënia nuk është reciproke. Ata nuk ishin aty për ne”, shkroi Trump së fundmi në platformën e tij Truth Social.