Pediatric Notes

أنا شايف أهم حاجة يتعلمها طبيب الأطفال هي ال basics
لو حد مهتم وموافقني في الرأي يسيب تعليق
وأنا هنزل مواضيع ال basics بشرح مختصر ومدخل عملي للفهم والتطبيق

📢لسعة العقرب📢
تسبب أعراضًا خطيرة وقد تسبب الوفاة في ١ ل ٢ % من الحالات .

🔥مصل العقرب🔥 المستعمل للعلاج يسبب أعراضًا جانبية بعضها خطير في ٥٠ % من الحالات .

نفهم من كده إيه ؟
مش كل حالة لسعها عقرب تاخد المصل .

طيب إمتى الحالة تاخد المصل ؟
✅ لو في أعراض هضمية او عصبية أو عضلية بمعنى (غثيان، قيء، سيلان عرق غزير، تشنج بالعضلات، صعوبة في التنفس، فقدان في الوعي).

✅ اللسعة بالرأس أو الرقبة أو الصدر .

كيف نعطي مصل العقرب ؟
❌ لا يعطى عن طريق العضل .

✅ يتم عمل اختبار حساسية للمصل قبل إعطائه.
✅ يضاف ٣ أمصال على ١٠٠ سم محلول ملح ويعطى خلال ١٠ دقائق .

لو لم يحدث تحسن ...فالمريض يحتاج لعناية أكبر موضحة في بروتكولات كتب الطب .

مش عارف مين اللي بيسمح لشركات الأدوية بالإعلان عن منتجات فيها جرعات عالية من البارسيتامول زي دوليبران ١٠٠٠مجم في التليفزيون ..
هيئة الدواء لازم تمنع هذه الإعلانات لأنها جرعات عالية وسهل جدا تسبب تسمم لو الشخص الكبير خد قرصين كل ٨ ساعات سهل جدا يتدمر الكبد ..
الأدوية اللي زي كده لازم تبقى ما بين مندوبي الأدوية والأطباء في التسويق بتاعها .
وإيه الفكرة في أن الشخص كل ما يحس بصداع ياخد ١٠٠٠ مجم من الباسيتامول زي دوليبران أو نفالدول ؟!!
دا تسويق خطير ..

فقاعة الرضاعة دي بتظهر خصوصا في حديثي الولادة نتيجة ارتطام الشفاه بالثدي .
بتخف بسهولة ومفيش منها أي خطر .
ولو متضايقة منها ممكن ندي كريم مضاد حيوي بسيط .
من وصلته المعلومة...اترك تعليق