DevsNews

Noutbuk alarkən istifadəçilərin əksəriyəti video kartın enerji sərfiyyatı və performansı haqqında kifayət qədər məlumata malik olmurlar. Həmçinin, satıcılar bəzən məhsullarının xüsusiyyətlərini açıq şəkildə ifadə etmir və ya onların əhəmiyyətli olan özəlliklərini göstərmirlər. Buna görə də istifadəçilərin eyni modelin müxtəlif vattlarla fərqli performans göstərdiyini və satıcıların bundan faydalandığını anlamaları vacibdir.

Noutbuklar çox vaxt xüsusiyyətlərinə və qiymətinə görə fərqli vatlarla gəlir. Bununla belə, satıcılar əksərən bu gücü göstərmirlər və ya yalnız bir neçə cihazda göstərirlər. Bu, istifadəçilərin hansı modelin hansı vat dəyəri ilə işlədiyini müəyyən etməkdə çətinlik çəkməsinə səbəb olur.

Nümunə olaraq deyə bilərik ki, Nvidia markasının Mobile RTX 3060 videokartının 35 və 80 vatlıq versiyaları var. Bu halda müqayisə etsək 35 vatlıq model 80 vatlıq modeldən 70%-80% daha aşağı performans göstərir. Əslində RTX 3060 35 vatlıq modeli 80 vatlıq modellə deyil, həmin markanın Mobile GTX 1650 olaraq modelləndirilən daha aşağı nəsil qrafik adapteri ilə müqayisə etmək daha ədalətli olar. Çünki, "benchmark" və oyun testi dəyərlərində 35 vatlıq modelin hətta GTX 1650-nin 50 vatlıq modelindən 5%-13% daha aşağı nəticə göstərdiyi ortaya çıxmışdır.

Sözü gedən vəziyyət sadəcə adı çəkilən qrafik adapterində deyil bütün Mobile qrafik adapterlərində aktual bir problemdir.

Satıcılar və markalar bu fərqləri demədən sizə "çox güclü" və "çox ucuz" qrafik adapterli noutbukları satdıqlarını və bu "fürsəti" qaçırmamalı olduğunuzu deyir. Əsilində bu "fürsətlərdən" yararlanan alıcılar bunun sadəcə daha az xərclə daha çox mal satmağa çalışan markaların və satıcıların "qanuni saxtakarlığı" olduğunu bilmir.

Sizdə ölkəmizdən və ya xarici ölkələrdən birindən noutbuk alarkən bu nüanslara diqqət edin ki, sonradan çox güclü deyə aldığınız noutbuk əlinizdə "kalkulyator"-a dönməsin.

Apple-ın iPhone seriyası smartfonlarının performansını itirmədən uzun illər istifadə edilə bildiyi bilinir. O qədər ki, hətta 4 il əvvəl bazara çıxarılan və texniki cəhətdən bugünkü standartlarla müqayisədə "köhnə" kimi təsnif edə biləcəyimiz cihazlar hələ də gündəlik istifadə üçün idealdır. Təəssüf ki, bu hər iPhone üçün doğru deyil.

Bir istifadəçi iPhone-da maraqlı təcrübə yaşadı: O, smartfonunun bölgəsini Fransaya dəyişəndə, performansının yaxşılaşdığını gördü. yaxşı bu necə mümkün ola bilər?

Region Fransa olaraq dəyişdirildikdə iPhone niyə sürətlənir?

Suala cavab vermək üçün bir qədər geriyə qayıtmaq lazımdır. Xatırlayırsınızsa, Apple-ın bir müddət iPhone-ları yavaşlatdığını iddia edən xəbərlər var idi. Xüsusilə köhnə smartfonlarda bu vəziyyət istifadəçilərin reaksiyası ilə qarşılanıb. Apple isə mövzu ilə bağlı açıqlama verib və məqsədini açıqlayıb: Batareyası köhnə olan iPhone, prosessoru daha enerji ilə təmin edə bilməyəndə ani bağlanma problemi yaşaya bilər. Bunun qarşısını almaq istəyən şirkət prosessorun tezlik sürətini azaltmaq üçün həll yolu tapıb.

Bununla belə, Apple bu hərəkətinə görə Fransa tərəfindən 25 milyon avro cərimələnib. Nəticədə, iPhone-ların ən azı Fransada planlaşdırılmış azaltma siyasətinə tabe olmayacağına dair bir gözlənti var idi. Apple bunu rəsmi olaraq təsdiqləməyib, lakin bəzi paylaşılan istifadəçi hesabatlarına görə, iPhone bölgəsinin Fransaya dəyişdirilməsi performansı əhəmiyyətli dərəcədə yaxşılaşdırır. Hətta eyni prosesin iPad-lərdə də işlədiyi bildirilir.

iPhone 7 istifadəçisi öz iddiasını GeekBench testi ilə sübut etdi. Regionu Fransaya dəyişdirilmədən əvvəl telefon 286,632 bal topladı; Dəyişdirildikdən sonra 298,321 bal topladı. Teorik olaraq, həddindən artıq dəyişiklik yoxdur, lakin ədədi olaraq fərqli nəticələr Apple-ın hər bir ölkə üçün ayrı bir siyasət izləməsi ehtimalını xatırlatdı.

Prosesi iPhone 12 Pro-da sınayan istifadəçi heç bir dəyişiklik görmədiyini bildirib.

Çinin texnologiya nəhəngi Xiaomi yeni cib kompüterini təqdim edib. “Xiaomi Rubik kubu” adlanan məhsul sayəsində masaüstü kompüterlərdə korpusa ehtiyac qalmayacaq.

Texnologiyanın inkişafı ilə aparat hissələri kiçilməyə başladı. Texnologiya nəhəngi Xiaomi də ötən illərdə cib kompüterini təqdim etdi. Kompüter kifayət qədər kiçik olsa da, istənilən performansı göstərə bilmədi. Bundan xəbərdar olan Çin texnologiya nəhəngi yeni nəsil cib kompüterini təqdim etdi.

"Xiaomi Rubik Cube CR160R" adlı məhsulun ölçüsü 62x62x44 mm-dir. Çəkisi 145 qram olan kompüter Intel şirkətinin 4 nüvəli J4125 prosessorundan istifadə edir. Qrafik tərəfdə Intel HD 600-ə üstünlük verildi.

Cib kompüterinin ön tərəfində USB 3.0 Type-C bağlantısı var. USB 3.0 Type-C bağlantısı USB PD-ni dəstəkləyir. Bu şəkildə cihaz Type-C kabelindən qidalanır. Cihazda monitorlar üçün HDMI bağlantısı da var.

Cihazda internetə qoşulmaq üçün Wi-Fi və Bluetooth 4.2 bağlantısı var. Simli İnternet bağlantısı təmin etmək istəyən istifadəçilər üçün Ethernet bağlantısı da mövcuddur.

Xiaomi-nin yeni cib kompüterində USB 3.0 Type-A və kart oxuyucu yuvaları da var. Cihazın 6 GB RAM və 128 GB daxili yaddaşa malik versiyası 143 dollara, 8 GB RAM və 256 GB daxili yaddaşa malik versiyası isə 174 dollara satışdadır.