SEEP

World 🐝 Day !

🌱Biodiversiteti në rrezik ?
Nga studimi në terren me fermerë dhe bletërritës të zonës të Lumit të Vlorës, rezulton rënie e dukshme e polenizuesve.
Të dhënat e grumbulluara tregojnë një rënie 60 % të popullatës së bletëve 🐝dhe përdorimi i pesticideve mbetet një praktikë e pranishme.
Këto gjetje tregojnë qartë se ekziston një nevojë e madhe për:
👉 rritjen e kapaciteteve të fermerëve dhe bletërritësve
👉 promovimin e praktikave bujqësore të qëndrueshme
👉 mbrojtjen e biodiversitetit dhe polenizatorëve
🎓 Në vijim të projektit, gjatë muajit Prill do të organizojmë trajnime për:
- bletari ekologjike 🐝
- përdorimin e sigurt dhe alternativave ndaj pesticideve 🌿
- praktika të qëndrueshme bujqësore
📢 Ftojmë të gjithë fermerët dhe bletërritësit e zonës të bëhen pjesë!
Pjesëmarrja juaj është thelbësore për të ndërtuar një komunitet më të informuar dhe një mjedis më të shëndetshëm.
📩 Për më shumë informacion dhe regjistrim, na kontaktoni në inbox.
Studimi u realizua në kuadër të projektit “Adresimi i Kërcënimeve ndaj Biodiversitetit dhe Ekosistemeve në Lumin e Vlorës”.
Projekti GreenAL “Mbështetja e Organizatave të Shoqërisë Civile 2024 - 2027”, financohet nga Agjencia Ndërkombëtare Suedeze për Bashkëpunim dhe Zhvillim (Sida) me fondet e Qeverisë Suedeze dhe zbatohet nga CoPlan Institute for Habitat Development në bashkëpunim me VIS Albania dhe COSV - Cooperazione per lo Sviluppo
Green-AL

Në kuadër të projektit “Ekobletaria – Rikthimi në Natyrë”, u realizua me sukses trajnimi i grupit të dytë të bletarëve dhe fermerëve lokalë, duke vijuar angazhimin tonë për forcimin e kapaciteteve në fushën e bletarisë ekologjike.

Gjatë trajnimit, pjesëmarrësit patën mundësinë të thellojnë njohuritë e tyre mbi menaxhimin ekologjik të koshereve, mënyrat natyrore të mbrojtjes së shëndetit të bletëve dhe rëndësinë e shmangies së kimikateve në procesin e prodhimit. Një vëmendje e veçantë iu kushtua ushqimit natyral të bletëve dhe rolit që luan biodiversiteti në cilësinë e mjaltit dhe qëndrueshmërinë e kolonive.

Pjesa praktike në terren u fokusua në vëzhgimin e drejtpërdrejtë të koshereve, diskutimin e rasteve konkrete nga përvoja e përditshme e bletarëve dhe ndarjen e praktikave të mira që mund të zbatohen në mënyrë të menjëhershme. Ky shkëmbim përvojash krijoi një hapësirë të vlefshme dialogu dhe bashkëpunimi mes pjesëmarrësve.

🌱 Trajnimi kontribuon drejtpërdrejt në ndërtimin e një komuniteti bletarësh më të ndërgjegjësuar dhe më të përgatitur për të adoptuar praktika miqësore me mjedisin, duke mbështetur njëkohësisht të ardhura të qëndrueshme dhe ruajtjen e habitateve natyrore të bletëve.
🤝 Projekti zbatohet nga SEEP (Edukimi Social per Mbrojtjen e Mjedisit), në rolin e nën-grantuesit të Rrjetit Shqiptar për Zhvillimin Rural, në kuadër të projektit “Akademia nga Ferma në Tryezë për Ballkanin Perëndimor të Gjelbër - E ardhmja jonë e përbashkët Evropiane”, financuar nga Bashkimi Evropian dhe që zbatohet bashkërisht nga familja e Rrjeteve Kombëtare të Zhvillimit Rural në gjashtë vendet e Ballkanit Perëndimor, në Kroaci dhe nga platforma e tyre rajonale e bashkëpunimit, Rrjeti Ballkanik për Zhvillim Rural.

Simo Ribaj

Momente nga puna në terren gjatë realizimit të pyetësorëve me fermerë dhe bletarë të NJA Horë - Vranisht, në kuadër të studimit ekologjik mbi përdorimin e pesticideve dhe ndikimin e tyre në biodiversitet. Përmes intervistave të drejtpërdrejta u mblodhën të dhëna të vlefshme mbi praktikat bujqësore dhe blegtorale, bashkëjetesën me bletarinë, si dhe perceptimet e komunitetit për shëndetin e ekosistemeve lokale.
Ky proces kërkimor shërben si bazë për analizën shkencore të ndikimeve mbi bletët dhe speciet autoktone, si dhe për hartimin e rekomandimeve praktike dhe politikave lokale që synojnë promovimin e praktikave më të qëndrueshme dhe miqësore me mjedisin. 🌿🐝
🤝 Projekti zbatohet nga SEEP (Edukimi Social per Mbrojtjen e Mjedisit), në rolin e nën-grantuesit të Rrjetit Shqiptar për Zhvillimin Rural, në kuadër të projektit “Akademia nga Ferma në Tryezë për Ballkanin Perëndimor të Gjelbër - E ardhmja jonë e përbashkët Evropiane”, financuar nga Bashkimi Evropian dhe që zbatohet bashkërisht nga familja e Rrjeteve Kombëtare të Zhvillimit Rural në gjashtë vendet e Ballkanit Perëndimor, në Kroaci dhe nga platforma e tyre rajonale e bashkëpunimit, Rrjeti Ballkanik për Zhvillim Rural.