Formimi Intelektual

Në gjirin e Himarës. Një mrekulli e natyrës. Mbi të gjitha njerëz të mrekullueshëm. Mirësjellje, edukatë dhe mikëpritje. Ky do të ishte një vend pushimi edhe më i përshtatshëm për dimër. Vera nuk diskutohet sigurisht. Por lidhja direkte e detit me malin dhe peizashin malor, përthyerja e bregut me gjire të mrekullueshme e bëjnë këtë vend tepër atraktiv edhe në dimër dhe në çdo stinë të vitit. Plazhet me rërë janë të bezdisshëm në dimër. Pa provojeni Himarën në Dimër një herë! Një relaks i mrekullueshëm. Uji i kristaltë, det i tejpashëm, ajër i kthjellët dhe një fushpamje e largët deri në brigjet përball. Nga lartësitë e malit deti nuk ngjason i tillë, por si një livadh i vërtetë. Ndaj dhe e quajnë livadh, gjirin tjetër aty pranë. Provojeni! Kaluam disa orë të mrekullueshme këtu, rrugës për në Jug. Na priste Saranda dhe Ksamili. Por Himara ishte tepër mbresëlënëse. Në kthim Gjirokastra dhe Jugu i Shqipërisë.