ObjectTIFF

Pas një pune të gjatë disamujore dhe disa draft propozimeve interesante, kemi kënaqësinë e veçantë të shpallim versionin përfundimtar të imazhit të ri zyrtar për edicionin e 22-të të Tirana International Film Festival 2024.

Posteri është konceptuar dhe realizuar nga Babak Safari, student i doktoraturës në fushën e Arteve të Bukura dhe Konservimit të Artit në Akademinë Polako-Japoneze të Teknologjisë së Informacionit. Me mbi 13 vjet përvojë profesionale si drejtor artistik dhe dizajner grafik i pavarur duke bashkëpunuar me vende të tilla si SHBA, Italia, Polonia, Gjermania, Kanadaja, Australia, Brazili, Greqia dhe Britania e Madhe. Punimet e tij janë paraqitur ose vlerësuar në mbi 70 bienale, festivale dhe ekspozita ndërkombëtare. Përveç kësaj, Babak ka dhënë mësim në universitete në Iran dhe Poloni dhe ka mbajtur ekspozita personale në Itali, Iran, SHBA dhe Poloni. (babaksafari.com)

Posteri zyrtar i TIFF 2024, me sloganin e ri “duket i thjeshtë, mbetet kompleks”, ndërthur artin dhe teknologjinë në një mënyrë artistike. Ai tregon një dorë të lidhur me një kamerë filmike, duke simbolizuar shkrirjen e krijimtarisë njerëzore dhe teknologjive të reja.

Frymëzuar nga "2001: A Space Odyssey” e Stanley Kubrick, përdorimi i ngjyrave të kuqe dhe blu ndihmon në balancimin e ngazëllimit dhe besimit - e kuqja simbolizon energjinë dhe entuziazmin, ndërsa bluja përcjell qetësi dhe besim.

Slogani i festivalit, "duket i thjeshtë, mbetet kompleks", flet për natyrën e dyfishtë të filmave: duken të drejtpërdrejtë në shikim të parë, por që përmbajnë shtresa të ndërlikuara mesazhesh. Theksi mbi "AI" nënvizon rolin kryesor të inteligjencës artificiale në këtë proçes.

Si slogani ashtu edhe dizajni vizual i kujtojnë audiencës se filmat e festivalit nuk janë vetëm tërheqës vizualisht, por edhe të pasur në thellësi dhe kuptim. Nëpërmjet elementeve të ndryshme vizuale dhe një slogani krijues, posteri përcjell gjallërisht koncepte komplekse. Ai tregon në mënyrë efektive rolin e inteligjencës artificiale në krijimin dhe analizën e përmbajtjes, zhvillimin e efekteve të sofistikuara vizuale dhe dëgjimore si dhe krijimin e përvojave interaktive të personalizuara për shikuesit.

Qasja artistike dhe konceptuale e këtij posteri inkurajon soditjen dhe fton shikuesit të eksplorojnë sferën e ndërlikuar dhe krijuese të filmave. Ai përcjell me mjeshtëri mesazhin e festivalit dhe thekson rëndësinë e inteligjencës artificiale në të ardhmen e artit filmik.

The Academy European Film Academy Tirana Film Institute Bashkia Tiranë BEA Marketing and Promotion Ministria e Ekonomisë, Kulturës dhe Inovacionit Qendra Kombëtare e Kinematografisë Agjencia e Industrisë Kreative Agjencia Telegrafike Shqiptare Tirana Film Office Erion Veliaj Blendi Gonxhja Jonid Jorgji Lida Sinani Bona Buona